ລິ້ງ ສຳຫລັບເຂົ້າຫາ

ຈີນ ສຶກສາເບິ່ງ ຮູບຖ່າຍໃໝ່ ທາງດາວທຽມ ທີ່ອາດເປັນ ຊາກເຮືອບິນ ມາເລເຊຍ (ສະໄລດ໌/ວີດີໂອ)


ຮູບພາບນີ້ ແມ່ນສະໜອງໂດຍ ອົງການຄຸ້ມຄອງວິທະຍາສາດ ເທັກໂນໂລຈີ ແລະອຸສາຫະກຳ ຂອງກະຊວງປ້ອງກັນປະເທດ ຈີນ ທີ່ສະແດງໃຫ້ເຫັນ ວັດຖູທີ່ພວມຟູຢູ່ໃນນ້ຳທະເລ
ເຈົ້າໜ້າທີ່ມາເລເຊຍກ່າວວ່າ ຈີນໄດ້ເປີດເຜີຍ ຮູບຖ່າຍທາງດາວ
ທຽມ ກ່ຽວກັບວັດຖຸຂະໜາດໃຫຍ່ປ່ຽງນຶ່ງ ຢູ່ໃນມະຫາສະມຸດອິນ
ເດຍ ທາງພາກຕາເວັນຕົກສຽງໃຕ້ຂອງອອສເຕຣເລຍ.

ລັດຖະມົນຕີປ້ອງກັນປະເທດຂອງມາເລເຊຍ ທ່ານ Hishammu-
din Hussein ກ່າວຕໍ່ພວກນັກຂ່າວ ໃນວັນເສົາມື້ນີ້ວ່າ ດາວທຽມ
ຈີນໄດ້ແນມເຫັນ ວັດຖຸຂະໜາດໃຫຍ່ ທີ່ຍາວ 22 ແມັດເຄິ່ງ ແລະ
ກວ້າງ 13 ແມັດ ໃນບໍລິເວນທີ່ເຈົ້າໜ້າທີ່ຫວັງວ່າ ຈະພົບເຫັນເຮືອ ບິນໂດຍສານມາເລເຊຍທີ່ຫາຍສາບສູນໄປເມື່ອສອງອາທິດກ່ອນ ພ້ອມດ້ວຍຜູ້ໂດຍສານ ແລະພະນັກງານ 239 ຄົນນັ້ນ.

ລັດຖະມົນຕີ ປ້ອງກັນປະເທດ ມາເລເຊຍ ທ່ານ Hishammuddin Hussein
ລັດຖະມົນຕີ ປ້ອງກັນປະເທດ ມາເລເຊຍ ທ່ານ Hishammuddin Hussein
ແຕ່ແນວໃດກໍຕາມ ທ່ານກ່າວວ່າ ຍັງບໍ່ທັນໄດ້ຮັບການຢືນຢັນເທື່ອ
ວ່າ ວັດຖຸທີ່ພົບເຫັນ ໃນບໍລິເວນດັ່ງກ່າວນີ້ ແມ່ນເປັນຂອງເຮືອບິນ
ມາເລເຊຍທີ່ຫາຍສາບສູນໄປຫຼືບໍ່ແລະກໍບໍ່ໄດ້ຮັບຂໍ້ມູນອື່ນໃດເພີ້ມ
ຕື່ມ. ທ່ານເວົ້າວ່າຈີນຈະເປີດເຜີີຍລາຍລະອຽດໃຫ້ຊາບຕາມພາຍ
ຫລັງ.

ທ່ານ Hishammudin ກ່າວວ່າຄວາມວິຕົກທີ່ໃຫຍ່ທີ່ສຸດຂອງທ່ານ
ກໍຄື ຖ້າຫາກວັດຖຸດັ່ງກ່າວບໍ່ສາມາດພົບເຫັນແລະພິສູດແລ້ວການ
ຊອກຄົ້ນຫາກໍຈະຕ້ອງກັບຄືນໄປຍັງ 2 ເຂດ ໃນບໍລິເວນອັນກວ້າງ
ໃຫຍ່.

ໃນຕອນເຊົ້າຂອງວັນເສົາມື້ນີ້ ອອສເຕຣເລຍໄດ້ສົ່ງເຮືອບິນເປັນມື້ທີ 3 ລຽນຕິດໄປຊອກຄົ້ນ ຫາຊາກຫັກພັງທີ່ອາດເປັນຂອງເຮືອບິນມາເລເຊຍ ແຕ່ແນວໃດກໍຕາມພວກເຮືອບິນໄດ້ພາ ກັນກັບຄືນມາແລ້ວ ແລະເວົ້າວ່າ ເຂົາເຈົ້າບໍ່ໄດ້ພົບເຫັນສິ່ງໃດ.



ຮອງນາຍົກລັດຖະມົນຕີອອສເຕຣເລຍທ່ານ Warren Truss ກ່າວຕໍ່ພວກນັກຂ່າວວ່າ ການ ຊອກຄົ້ນຫາຈະດຳເນີນຕໍ່ໄປຈົນກວ່າພວກເຈົ້າໜ້າທີ່ລົງຄວາມເຫັນວ່າ ການຊອກຄົ້ນຫາຕື່ມ ອີກນັ້ນ ບໍ່ມີປະໂຫຍດຫຍັງແລ້ວ.

ໃນວັນສຸກວານນີ້ທ່ານ Hishammudin ໄດ້ຮ້ອງຂໍຕໍ່ກະຊວງປ້ອງກັນປະເທດສະຫະລັດກ່ຽວ ກັບອຸບປະກອນ ກວດກາເບິ່ງພື້ນທະເລເພື່ອຊ່ອຍໃນການຊອກຄົ້ນ.

ໂຄສົກຂອງທຳນຽບຫ້າແຈບໍ່ໄດ້ແຈ້ງໃຫ້ຊາບວ່າ ສະຫະລັດອາດຈະສະໜອງອຸບປະກອນຊະ ນິດໃດແຕ່ລັດຖະມົນຕີກະຊວງປ້ອງກັນປະເທດສະຫະລັດທ່ານ Chuck Hagel ພວມພິຈາ ລະນາຄຳຮ້ອງຂໍຂອງມາເລເຊຍ ແລະອຸບປະກອນດັ່ງກ່າວນີ້ ຈະຊ່ອຍຫຼືບໍ່ໃນການຊອກຄົ້ນ
ຫາເຮືອບິນຂອງມາເລເຊຍ.

XS
SM
MD
LG