ລິ້ງ ສຳຫລັບເຂົ້າຫາ

ນາຍົກ ມາເລເຊຍ ວ່າ ມີຜູ້ໃດຜູ້ນຶ່ງ ຢູ່ເທິງເຮືອບິນ ຕັ້ງໃຈ ມອດເຄື່ອງສື່ສານ (ສະໄລດ໌/ວີດີໂອ)


ນາຍົກມາເລເຊຍ ທ່ານ Najib Razak (ກາງ) ຖະແຫຼງຕໍ່ພວກນັກຂ່າວ ຂະນະທີ່ລັດຖະມົນຕີຂົນສົ່ງ ທ່ານ Hishammuddin Hussein (ຊ້າຍ) ແລະເອກອະທິບໍດີ ກົມການບິນ ພົນລະເຮືອນ ທ່ານ Azharuddin Abdul Rahman (ຂວາ) ຢືນຄຽງຂ້າງທ່ານ ທີ່ສະໜາມບິນນາໆຊາດ ກົວລາລຳເປີ (15 ມີນາ 2014)
ນາຍົກລັດຖະມົນຕີມາເລເຊຍ ກ່າວວ່າ ມີຄວາມແນ່ນອນ ໃນລະ
ດັບສູງ ທີ່ວ່າ ບາງຄົນໄດ້ມອດເຄື່ອງສື່ສານ ແລະເຄື່ອງຄວບຄຸມ
ເສັ້ນທາງບິນແລະສົ່ງສັນຍານລະບຸໂຕ ຫລື transponder ຂອງ
ເຮືອບິນດ້ວຍຄວາມຕັ້ງໃຈຢູ່ເທິງເຮືອບິນອາຍພົ່ນໂດຍສານຂອງ
ມາເລເຊຍທີ່ຫາຍສາບສູນໄປພ້ອມດ້ວຍຜູ້ໂດຍສານແລະພະນັກ
ງານ 239 ຄົນ ໃນເຮືອ ບິນລຳດັ່ງກ່າວ.

ນາຍົກລັດຖະມົນຕີ Najib Razak ກ່າວວ່າ ໃກ້ໆບໍລິເວນຊາຍ
ແດນລະຫວ່າງມາເລເຊຍແລະຫວຽດນາມ ເຄື່ອງຄວມຄຸມເສັ້ນ
ທາງບິນຂອງເຮືອບິນ ແລະສົ່ງສັນຍານ transponder ໄດ້ຖືກ
ມອດໄວ້.



ນາຍົກລັດຖະມົນຕີ Najib Razak ກ່າວຕໍ່ກອງປະຊຸມຖະແຫຼງຂ່າວໃນວັນເສົາມື້ນີ້ວ່າ ການ ຊອກຄົ້ນຫາເຮືອບິນຢູ່ໃນເຂດທະເລຈີນໃຕ້ໄດ້ຍຸຕິລົງແລ້ວ ແລະເຈົ້າໜ້າທີ່ພວມຊັ່ງຊາຕີລາ ຄາຄືນໃໝ່ ກ່ຽວກັບການນຳໃຊ້ອຸບປະກອນແລະຊັບພະຍາກອນຕ່າງໆທີ່ມີຢູ່ໃນເວລານີ້.

ທ່ານ Najib Razak ເວົ້າວ່າ “ຂໍ້ມູນຕົ້ນຕໍຂອງເຣດ້າ ກອງທັບອາກາດ ແຫ່ງຣາຊະອາ
ນາຈັກມາເລເຊຍ ສະແດງໃຫ້ເຫັນວ່າ ເຮືອບິນຊຶ່ງເຊື່ອວ່າແຕ່ກໍຍັງບໍ່ທັນໄດ້ຮັບການ ຢືນຢັນເທື່ອວ່າ ເປັນຖ້ຽວບິນ MH370 ໄດ້ອ່ວຍໜ້າກັບຄືນອີຫຼີ ຊຶ່ງ ຫລັງຈາກນັ້ນກໍ ໄດ້ບິນມຸ່ງໜ້າສູ່ທິດຕາເວັນຕົກ ກັບຄືນມາຫາແຫຼມມາເລເຊຍ ກ່ອນທີ່ຈະຫັນໜ້າໄປ ສູ່ທິດຕາເວັນຕົກສຽງເໜືອ.”


ທ່ານກ່າວຕື່ມວ່າ ເວລາຖ້ຽວບິນ 370 ຢຸດເຊົາການຕິດຕໍ່ສື່ສານກັບດາວທຽມນັ້ນເຮືອບິນລຳ ນີ້ອາດຈະຢູ່ໃນຈຸດໃດຈຸດນຶ່ງ ຂອງສອງເຂດ ຄືທາງເໜືອ ແຕ່ເຂດຊາຍແດນ ກາຊັກສະຖານ ມາຫາພາກເໜືອຂອງໄທຫລືທາງໃຕ້ແຕ່ອິນໂດເນເຊຍໄປຫາພາກໃຕ້ຂອງມະຫາສະມຸດອິນ ເດຍ.



ນາຍົກລັດຖະມົນຕີ ມາເລເຊຍ ບໍ່ໄດ້ເວົ້າວ່າ ເຮືອບິນໂດຍສານລຳນີ້ ຖືກຈີ້ ແຕ່ຢ່າງໃດເລີຍ ໂດຍໃຫ້ການຊີ້ແຈງຕື່ມວ່າ ເຖິງແມ່ນມີລາຍງານຂ່າວຂອງສື່ມວນຊົນວ່າເຮືອບິນໄດ້ຖືກຈີ້ໄປ ກໍຈິງ ຂ້າພະເຈົ້າຂໍກ່າວຢ່າງຈະແຈ້ງວ່າພວກເຮົາກຳລັງທຳການສືບສວນກ່ຽວກັບຄວາມເປັນ ໄປໄດ້ທຸກໆຢ່າງວ່າ ແມ່ນຫຍັງໄດ້ພາໃຫ້ ຖ້ຽວບິນ MH370 ບິນອອກໄປຈາກເສັ້ນທາງເດີມ ຂອງຖ້ຽວບິນ.

ທ່ານກ່າວວ່າ ການຫາຍສາບສູນໄປ ຂອງເຮືອບິນ ແມ່ນສອດຄ່ອງກັບການກະທຳ ທີ່ມີການ ວາງແຜນຢ່າງຮອບຄອບໂດຍເຈດຕະນາແລະເວລານີ້ເຈົ້າໜ້າທີ່ພວມເພັ່ງເລັງການສືບສວນ ຂອງພວກເຂົາເຈົ້າໄປໃສ່ພະນັກງານຂອງເຮືອບິນແລະຜູ້ໂດຍສານ. ທ່ານບໍ່ໄດ້ຕອບຄຳຖາມ ໃດໆຂອງພວກນັກຂ່າວ.

ເຈົ້າໜ້າທີ່ສະຫະລັດກ່າວວ່າ ເຮືອບິນລຳນີ້ອາດໄດ້ຕົກລົງໃສ່ມະຫາສະມຸດອິນເດຍໄປແລ້ວ.

ຖ້ຽວບິນ 370 ໄດ້ຫາຍສາບສູນໄປເມື່ອນຶ່ງອາທິດກ່ອນ ແລະເຈົ້າໜ້າທີ່ຍັງບໍ່ທັນພົບເຫັນຫຼັກ ຖານທີ່ໜັກແໜ້ນໃດໆເທື່ອວ່າ ແມ່ນຫຍັງໄດ້ເກີດຂຶ້ນແທ້.

XS
SM
MD
LG