ສະມາຊິກສະພາຝ່າຍຄ້ານມາເລເຊຍຄົນນຶ່ງ ໄດ້ຖືກຕັດສິນລົງໂທດຕິດຄຸກ 18 ເດືອນ ໃນຖານເຮັດໃຫ້ເອກກະສານລັບຮົ່ວໄຫລ ກ່ຽວກັບກອງທຶນລັດຖະບານ ທີ່ມີເປັນບັນຫາໂຕ້ ແຍ້ງກັນ.
ທ່ານ Rafizi Ramli ສະມາຊິກຄົນສຳຄັນຂອງພັກຝ່າຍຄ້ານ ໄດ້ພົບເຫັນມີຄວາມຜິດ ລະເມີດກົດໝາຍວ່າດ້ວຍຄວາມລັບທາງການ ໂດຍມີໄວ້ໃນຄວາມ ຄອບຄອງ ແລະເປີດເຜີຍ ບາງພາກສ່ວນ ກ່ຽວກັບການກວດກາຂອງລັດຖະບານ ຂອງກອງທຶນທີ່ເປັນໜີ້ສິນ ທີ່ກໍ່ຕັ້ງ ຂຶ້ນໂດຍ ນາຍົກລັດຖະມົນຕີ ທ່ານ Najib Razak.
ທ່ານ Phil Robertson ຮອງຜູ້ອຳນວຍການກຸ່ມປົກປ້ອງສິດທິມະນຸດ Human Rights Watch ຝ່າຍເອເຊຍ ຮຽກຮ້ອງໃຫ້ຍົກເລີກການຕັດສິນລົງໂທດທ່ານ Rafizi ໂດຍທັນທີ. ທ່ານກ່າວວ່າ ການຈັບກຸມຊະມາຊິກສະພາ “ທີ່ບໍ່ເຄີຍມີມາກ່ອນ” ແລະມີຈຸດປະສົງດຽວຄື ຂົ່ມຂູ່ຜູ້ເປີດເຜິຍ ໃຫ້ຢູ່ໃນຄວາມມິດງຽບ.”
ທ່ານ Robertson ກ່າວວ່າ ການກ່າວຫາວ່ມີການພົວພັນກັບສໍ້ລາດບັງຫຼວງ ຂອງນາຍົກ ລັດຖະມົນຕີ Najib ເປັນຂໍ້ມູນທີ່ປະຊາຊົນມີສິດຈະຮູ້ ແລະສະແດງແນວຄິດໂດຍປາດສະຈາກການປະເຊີນໜ້າກັບເລື້ອງການລົງໂທດເມືອງ ທີ່ເຮັດໃຫ້ມີການຈັບກຸມ.”
ທ່ານ Rafizi ກ່າວວ່າ ທ່ານຈະອຸທອນ.
