ລິ້ງ ສຳຫລັບເຂົ້າຫາ

ວັນເສົາ, ໒໒ ມິຖຸນາ ໒໐໒໔

ມາເລເຊຍ ເປີດກອງປະຊຸມ ແກ້ໄຂບັນຫາ ວິກິດການ ຊາວອົບພະຍົບທາງເຮືອ


ເຮືອພິຄາດຂອງກອງທັບເຮືອ ມາເລເຊຍ ລາດຕະເວນ ຢູ່ໃນ ເຂດນ່ານນ້ຳ ໃກ້ໝູ່ເກາະ ລັງກາວີ, ວັນທີ 15 ພຶດສະພາ 2015.
ເຮືອພິຄາດຂອງກອງທັບເຮືອ ມາເລເຊຍ ລາດຕະເວນ ຢູ່ໃນ ເຂດນ່ານນ້ຳ ໃກ້ໝູ່ເກາະ ລັງກາວີ, ວັນທີ 15 ພຶດສະພາ 2015.

ປະ​ເທດ​ມາ​ເລ​ເຊຍ ໄດ້​ເປີດ​ການ​ເຈລະຈາ​ຄັ້ງ​ໃໝ່ ​ກັບ​ບັນ​ດາປະ​ເທດ​ໃກ້​ຄຽງ ໃນວັນ​ອາທິດ​ວານ​ນີ້ ໃນ​ຄວາມ​ພະຍາຍາມ​ເພື່ອ​ແກ້​ໄຂ​ບັນຫາ​ວິ ກິດ​ການ​ຂອງ​ຊາວ​ອົບ​ພະຍົບ ທີ່​ຖືກ​ປະ​ຖິ້ມຢູ່ເທິງ​ເຮືອ ກາງ​ທະ​ເລ​ ເຊິ່ງ ຕອນນີ້ຍັງບໍ່​ມີ​ປະ​ເທດ​ໃດ​ ເຕັມ​ໃຈ​ຮັບ​ເອົາ ​ຂຶ້ນ​ມາ​ເທິງ​ຝັ່ງ​ເທື່ອ​ນັ້ນ.

ລັດຖະມົນຕີ​ການ​ຕ່າງປະ​ເທດ​ ມາ​ເລ​ເຊຍ ທ່ານ Anifah Aman ​ໄດ້​ພົບ​ປະ​ກັບລັດ​ຖະມົນຕີ​ການ​ຕ່າງປະ​ເທດ​ ບັງ​ກະລາ​ແດັສທ່ານ Abul Hassan Mahmood Ali ​ແລະ ກຳລັງ​ວາງ​ແຜນ​ຈັດກອງ​ປະຊຸມ​ກັບ​ ລັດ​ຖະມົນຕີ​ການ​ຕ່າງປະ​ເທດ ອິນໂດ​ເນ​ເຊຍ ​ແລະ ​ໄທ ​ໃນ​ວັນ​ພຸດ ຈະ​ມາ​ເຖິງ​ນີ້.

ທ່ານ Anifah ​ໄດ້​ກ່າວ​ວ່າ ມາເລເຊຍ “​ບໍ່​ສາມາດ​ຮັບ​ເອົາ​ພວກ​ອົບ​ພະຍົບ ເພີ່ມເຕີມ​ໄດ້ອີກ​ແລ້ວ, ​ເຊິ່ງຕອນ​ນີ້​ກໍ່​ມີ​ຈຳນວນ​ຫຼວງຫຼາຍແລ້ວ​ຢູ່​ທີ່​ນີ້. ​ແລະມາ​ຮອດ​ມື້ນີ້ ​ກໍ່​ຍັງ
ບໍ່​ມີ​ປະ​ເທດໃດຍອມ ໃຫ້ພວກເຂົາ​ເຈົ້າ ເຂົ້າ​ໄປອາໄສຢູ່ ໃນປະເທດຂອງຕົນ.”

ມຽນມາ ​ໄດ້ປະຕິເສດ ບໍ່​ຍອມ​ມອບ​ສັນຊາດໃຫ້ຊາວ​ມຸສລິ​ມ ​ໂຣຮິງ​ຢາ ​ແລະ ກໍ່​ໄດ້​ປະຕິ​ເສ​ດ ການ​ເຊື້​ອ​ເຊີນ​ຂອງ ​ໄທ ​ໃຫ້​ເຂົ້າ​ຮ່ວ​ມກອງ​ປະຊຸມ​ສຸດ​ຍອດລະດັບພາ​ກພື້ນ ​ກ່ຽວ​ກັບບັນຫາ​ ຜູ້​ຍົກຍ້າຍ​ຖິ່ນ​ຖານ ​ໃນ​ວັນ​ທີ 27 ພຶດສະພາ​ນີ້.

SE Asia Boat People
please wait
Embed

No media source currently available

0:00 0:00:14 0:00

ທ່ານ Mohammed Nazmul Quaunine, ເອກ​ອັກ​ຄະ​ລັດຖະທູດ ບັງ​ກະລາ​ແດັສ ປະຈຳ​ ອິນ​ໂດ​ເນ​ເຊຍ ​ໄດ້ໄປ​ຢ້ຽມ​ຢາມ​ຊາວ​ອົບ​ພະຍົບ ບັງ​ກະລາ​ແດັສ ຈຳນວນ​ໜຶ່ງ ​ທີ່​ໄດ້​ເຂົ້າ​ຮອດ
ຝັ່ງ ​ເຊິ່ງປະຈຸ​ບັນກຳລັງ​ພັກ​ອາໄສ ຢູ່​ໃນ​ບ່ອນ​ພັກ​ພາ​ຊົ່ວຄາວ​ໃນ​ເມືອງ Langsa, ປ​ະ​ເທດ
ອິນ​ໂດ​ເນເຊຍ. ທ່ານຍັງໄດ້​ຮຽກຮ້ອງ​ໃຫ້ຫຼາຍ​ປະ​ເທດ​ ຮ່ວມ​ມືກັນ ຊື່​ງທ່ານ ​ກ່າວ​ວ່າ:

“ປະຈຸ ​ບັນເລື່ອງ​ນີ້​ໄດ້​ກາຍ​ເປັນ​ວິ​ກິດ​ການ​ທາງດ້ານ​ມະນຸດສະທຳ ​ແລະ ຄວາມ​ປອດ​ໄພ​ ທີ່​ຮ້າຍ​ແຮງ, ​ແລະ​ທາງ​ປະຊາ​ຄົມນາໆ​ຊາດ ຂ້າພະ​ເຈົ້າ​ຄິດ​ວ່າ​ ພວກ​ເຂົາເຈົ້າກໍ່​ກຳລັງ​ຫາທາງ ແກ້ໄຂ​ຢູ່, ​ຕອນ​ນີ້ ມີຊາວ​ອົບ​ພະຍົບ​ອີກ ຈຳນວນ​ຫຼວງຫຼາຍ​ ທີ່ຍັງ​ຕົກ​ຄ້າງຢູ່​ກາງ​ທະເລ ດັ່ງ​ນັ້ນ​ ເວ​ລາ​ນີ້ ພວກ​ເຮົາກໍ​ຕ້ອງ​ໄດ້ຊ່ອຍ​ຊີວິດພວກ​ເຂົາເຈົ້າກ່ອນ ​ແລ້ວ​ພວກ​ເຮົາ​ຈຶ່ງ​ຫາທາງ​ແກ້​ໄຂ ​ກົກ​ປາຍ​ສາ​ເຫ​ດຂອງ​ບັນຫາ​ນຳ​ກັນ.”

SE Asia Boat People
please wait
Embed

No media source currently available

0:00 0:01:29 0:00

XS
SM
MD
LG