ຕໍາຫລວດກ່າວວ່າ ເຂົາເຈົ້າໄດ້ຍຸດຕິການຊອກຫາແລະຊ່ອຍກູ້ໄພແລ້ວ ຫລັງຈາກກູ້ເອົາສົບມາໄດ້ 16 ສົບ ແລະຊ່ວຍພວກຜູ້ລອດຊີວິດມາໄດ້ 9 ຄົນ ຈາກຊາກຫັກພັງຂອງສູນເດັກກໍາພ້າແຫ່ງນຶ່ງ ທີ່ຖືກດິນເຈື່ອນທັບໃນວັນເສົາວານນີ້.
ທາງການມາເລເຊຍກ່າວໃນວັນອາທິດມື້ນີ້ວ່າ ເຂົາເຈົ້າໄດ້ຄົ້ນພົບສົບ ເດັກນ້ອຍ 15 ສົບ ອາຍຸແຕ່ 8 ຫາ 15 ປີ ແລະຜູ້ໃຫຍ່ຄົນນຶ່ງ.
ເດັກນ້ອຍຜູ້ຊາຍ 6 ຄົນແລະຜູ້ໃຫຍ່ 3 ຄົນໄດ້ຖືກຊ່ອຍກູ້ຊີວິດມາໄດ້ ແລະຖືກສົ່ງເຂົ້າໂຮງໝໍ.
ດິນເຈື່ອນດັ່ງກ່າວໄດ້ເກີດຂຶ້ນໃນຕອນບ່າຍວັນເສົາວານນີ້ ທີ່ໝູ່ບ້ານ Hulu Langat ຢູ່ທາງທິດໃຕ້ຂອງນະຄອນຫລວງກົວລາລໍາເປີ ຫລັງຈາກເກີດຝົນຕົກໜັກມາເປັນເວລາຫລາຍມື້.