ມາເລເຊຍຕັດສິນໂທດ ປະຫານຊີວິດແມ່ຍິງຍີ່ປຸ່ນ ໃນຂໍ້ຫາຄ້າຢາບ້າ

ແຜນທີ່ມາເລເຊຍ

ສານ​ແຫ່ງ​ນຶ່ງ​ໃນ​ມາ​ເລ​ເຊຍ​ໄດ້​ຕັດສິນ ​ລົງ​ໂທດ​ແມ່ຍິງ​ຍີ່​ປຸ່ນຄົນ​ນຶ່ງ ​ດ້ວຍ​ການ​ແຂວນ​ຄໍ​
ໃນ​ຂໍ້​ຫາ​ຖານ​ລັກລອບ​ນໍາ​ຢາ​ບ້າ​ຈໍານວນ 3 ກິໂລ​ເຄິ່ງ ເຂົ້າປະ​ເທດ​ຢ່າງ​ຜິດ​ກົດໝາຍ​.

ບັນດາ​ເຈົ້າ​ໜ້າ​ທີ່​ແຈ້ງ​ໃຫ້​ຮູ້​ໃນ​ວັນ​ອັງຄານ​ມື້​ນີ້​ວ່າ ນາງ Mariko Takeuchi ​ໄວ 37 ປີ
​ເປັນ​ພົນລະ​ເມືອງ​ຍີ່ປຸ່ນ​ຄົນ​ທໍາ​ອິດ​ ທີ່​ຖືກ​ຕັດສິນ​ໂທດປະຫານ​ຊີວິດ​ໃນ​ມາ​ເລ​ເຊຍ.

ນາງ Takeuchi ​ໄດ້​ຖືກ​ຈັບ​ ​ເວລາ​ນາງ​ເດີນທາງ​ໄປ​ຮອດ​ມາ​ເລ​ເຊຍ​ຈາກ​ປະ​ເທດດູ​ໄບ
ໃນ​ເດືອນ​ຕຸລາ​ປີ 2009. ​ນາງ​ໄດ້​ກ່າວ​ໂຕ້​ແຍ້​ງວ່າ​ ລາວ​ຖືກ​ຫຼອກລວງໃຫ້​ຖືຫີບໜ່ວຍນຶ່ງ
ທີ່​ບັນຈຸ​ຢາ​ບ້າ​ໂດຍ​ເພື່ອນ​ທີ່ເປັນ​ຄົນ​ອີຣ່ານນັ້ນ.

ທະນາຍຄວາມ​ຂອງ​ນາງ​ກ່າວ​ວ່າ ນາງ​ຈະຂໍ​ອຸທອນ​ການຕໍ່​ຕັດສິນ​ດັ່ງກ່າວ.

ກົດ​ໝາຍ​ຂອງ​ມາ​ເລ​ເຊຍ​ບົ່ງ​ໄວ້ວ່າ ຈະມີ​ການ​ລົງ​ໂທດ​ປະຫານ​ຊີວິດ​ໂດຍ​ການ​ແຂວນ​ຄໍ​
ສໍາລັບ​ການ​ລັກລອບ​ເສບ​ຕິດທີ່​ຜິດ​ກົດໝາຍ​ເຂົ້າ​ມາ​ຍັງ​ປະ​ເທດ. ​ເວລາ​ນີ້ ມີ​ພວກ​ລັກລອບ
ຢາເສບ​ຕິດ​ເຂົ້າປະ​ເທດ ທີ່​ຖືກ​ຕັດສິນ​ຄວາມ​ຜິດ​ແລ້ວ ຫຼາຍກວ່າ 400 ຄົນກໍາລັງ​ລໍຖ້າ​
ການປະຫານ​ຊີວິດ​ໃນ​ມາເລເຊຍ.