ລິ້ງ ສຳຫລັບເຂົ້າຫາ

ພວກເຂົ້າເມືອງຜິດກົດໝາຍ ພະຍາຍາມຫລົບໜີຈາກ ສູນກັກຂັງທີ່ມາເລເຊຍ

  • ທອງປານ ເທບວົງສາ

ຕຳຫລວດມາເລເຊຍກ່າວເມື່ອວັນອາທິດມື້ນີ້ວ່າ ພວກເຂົາເຈົ້າໄດ້ຢຸດ ຄວາມພະຍາຍາມຂອງພວກເຂົ້າ ເມືອງຢ່າງຜິດກົດໝາຍ ຈາກຫວຽດນາມ ແລະມຽນມາ ຈຳນວນປະມານ 200 ຄົນ ທີ່ພະຍາຍາມ ຈະຫລົບໜີອອກຈາກສູນກັກຂັງ.

ອົງການຂ່າວ Bernama ຂອງມາເລເຊຍກ່າວວ່າ ເຫດການທີ່ວ່ານີ້ ເກີດຂື້ນເມື່ອຄ່ຳຄືນຜ່ານມາ ທີ່ສູນ ກັກຂັງຄົນເຂົ້າເມືອງ Ajil ໃນເຂດ ຕາເວັນອອກສຽງເໜືອຂອງລັດ Terengganu.

ທ່ານ Manasan Mustapa ຜູ້ອຳນວຍການສູນກາງກັກຂັງດັ່ງກ່າວ ໄດ້ບອກກັບໜັງສືພິມ Bernama ວ່າເຫດການແຫກສູນກັກຂັງແມ່ນເລິ່ມຂື້ນ ເວລາຊາວຕ່າງດ້າວຫວຽດນາມສອງຄົນເລິ່ມຊົກຕີກັນ ແລ້ວກໍ ມີພວກອື່ນຫຸ້ມເຂົ້າມາຕີນຳກັນ ຊຶ່ງປາກົດວ່າມີຊາວຕ່າງດ້າວຫວຽດນາມ 8 ຄົນ ໄດ້ຮັບບາດເຈັບຈາກ ການຊົກຕ່ອຍກັນນັ້ນ.

ໜັງສືພິມ Bernama ເວົ້າຕື່ມວ່າ ພວກຖືກກັກຂັງພະຍາຍາມພັງປະຕູ ແລະພາກັນຫລົບໜີອອກໄປ. ທາງການໄດ້ສົ່ງລົດດັບເພີງຈາກສະຖານີ ດັບເພີງແລະກູ້ໄພ Kuala Berang ໄປຍັງບ່ອນເກີດເຫດ ເພາະຢ້ານ ວ່າພວກກັກຂັງຈະຈູດເຜົາຕຶກສູນກັກຂັງ.

XS
SM
MD
LG