ລິ້ງ ສຳຫລັບເຂົ້າຫາ

logo-print

ທ່ານ ອັນ​ວາ ອີບ​ຣາ​ຮິມ ຊະ​ນະ​ການ​ເລືອກ​ຕັ້ງ ສະ​ພາ​ແຫ່ງ​ຊາດ ມາ​ເລ​ເຊຍ


​ປະ​ທານ ພັກ​ຍຸ​ຕິ​ທຳ​ຂອງ ປະ​ຊາ​ຊົນ ມາ​ເລ​ເຊຍ ທ່ານ ອັນ​ວາ ອີບ​ຣາ​ຮິມ, ກາງ, ຍິ້ມ​ໃນ​ຂະ​ນະ​ທີ່​ທ່ານ ເດີນ​ທາງ​ຮອດ​ສູນ​ນັບ​ຄະ​ແນນ​ສຽງ​ທາງ​ການ ໃນ​ທ່າ​ເຮືອ ດິກ​ກິນ​ສັນ, 13 ຕຸ​ລາ 2018.

ອະ​ດີດ​ຮອງ​ນາ​ຍົກ​ລັດ​ຖະ​ມົນ​ຕີ​ຂອງ ມາ​ເລ​ເຊຍ ທ່ານ ອັນ​ວາ ອີບ​ຣາ​ຮິມ ໄດ້​ເນັ້ນ​ຢ້ຳ
ການຫັນຄືນສູ່ການເມືອງຂອງທ່ານ ດ້ວຍໄຊຊະນະໃນການເລືອກຕັ້ງສະພາແຫ່ງຊາດ
ໃນວັນເສົາວານນີ້.

ການ​ໄດ້​ຮັບ​ຕຳ​ແໜ່ງ​ໃນ​ສະ​ພາ​ແຫ່ງ​ຊາດ​ຄືນ ໄດ້​ເຮັດ​ໃຫ້​ນັກ​ການ​ເມືອງ​ທີ່​ມີ​ອາ​ຍຸ 71 ປີ​
ນັ້ນ ຫຍັບເຂົ້າໃກ້ຕຳແໜ່ງສູງສຸດອີກນຶ່ງບາດກ້າວ, ດັ່ງທີ່ນາຍົກລັດຖະມົນຕີ ອາຍຸ 93
ປີຂອງມາເລເຊຍ ທ່ານ ມາຮາເທຍ ໂມຮາມັດ ໄດ້ກ່າວວ່າ ທ່ານຈະລາອອກຈາກຕຳ
ແໜ່ງພາຍໃນສອງປີ ເພື່ອເປີດທາງໃຫ້ທ່ານ ອັນວາ ສືບທອດຕຳແໜ່ງຂອງທ່ານ.

ທ່ານ ອັນ​ວາ ໄດ້​ເປັນ​ຮອງ​ນາ​ຍົກ​ລັດ​ຖະ​ມົນ​ຕີ​ໃນ​ລະ​ຫວ່າງ​ ການ​ດຳ​ລົງ​ຕຳ​ແໜ່ງ​ສະ​ໄໝ​
ທີ່ຜ່ານມາຂອງທ່ານ ມາຮາເທຍ, ຈົນຮອດເວລາທີ່ທ່ານຖືກໄລ່ອອກໃນປີ 1998. ຕໍ່ມາ
ທ່ານໄດ້ຖືກຕັດສິນວ່າມີຄວາມຜິດ ກ່ຽວກັບ ການສໍ້ລາດບັງຫຼວງ ແລະ ການມີເພດສຳ
ພັນກັບຄົນເພດດຽວກັນ, ເປັນຂໍ້ກ່າວຫາທີ່ທ່ານ ແລະ ຜູ້ສະໜັບສະໜູນຂອງທ່ານໄດ້
ຢືນຢັນວ່າ ມີເຈຕະນາທີ່ເຮັດໃຫ້ອາຊີບການເມືອງຂອງທ່ານສິ້ນສຸດລົງ. ການຕັດສິນ
ໂທດທີ່ວ່ານັ້ນ ໄດ້ຖືກຕ່າວປີ້ນໃນເວລາຕໍ່ມາ ແລະ ໄດ້ຮັບອະໄພຍະໂທດຈາກເຈົ້າຊີວິດ
ຂອງ ມາເລເຊຍ.

ໃນ​ຕົ້ນ​ປີນີ້ທ່ານ ອັນ​ວາ ແລະ ທ່ານ ມາ​ຮາ​ເທຍ ໄດ້​ຮ່ວມ​ມື​ກັນ​ອີກ​ຄັ້ງ​ນຶ່ງ ເພື່ອ​ເອົາ​ຊະ​ນະ​
ອະດີດນາຍົກຂອງມາເລເຊຍ ທ່ານ ນາຈິບ ຣາຊັກ ແລະ ພັນທະພິດ ບາຣີຊານ ແຫ່ງຊາດ
ທີ່ກໍາລັງປົກຄອງປະເທດຢູ່.

Malaysia's former deputy prime minister Anwar Ibrahim cemented his return to politics with a win in Saturday's parliamentary election.

Regaining a seat in parliament moves the 71-year-old politician one closer to the top slot, as Malaysia's 93-year-old Prime Minister Mahathir Mohamad has said he will resign in two years to make way for Anwar to succeed him.

Anwar had been deputy prime minister during Mahathir's previous term, until he was fired in 1998.He was later convicted of corruption and sodomy, charges he and his supporters insisted were intended to end his political career.The convictions were later overturned and he was pardoned by Malaysia's king.

Anwar and Mahathir teamed up again to defeat Malaysian Najib Razak and the ruling Barisan Nasional coalition earlier this year.

ທ່ານອາດຈະມັກເລື້ອງນີ້ຄືກັນ

XS
SM
MD
LG