ສະຕີໝາຍເລກນຶ່ງສະຫະລັດ ທ່ານນາງເມລາເນຍ ທຣຳ ໄປເຖິງປະເທດມາລາວີ
ຊຶ່ງເປັນບ່ອນຢຸດແວ່ແຫ່ງທີສອງ ໃນການໄປຢ້ຽມຢາມສີ່ປະເທດໃນທະວີບອາຟຣິກາ.
ທ່ານນາງເມລາເນຍ ທຣຳ ຄາດວ່າ ຈະໄປຢ້ຽມຢາມເດັກນ້ອຍ ຢູ່ໂຮງຮຽນປະຖົມ
ແຫ່ງນຶ່ງໃນນະຄອນຫລວງ ລີລອງເວຂອງປະເທດັ່ງກ່າວ ຕິດຕາມດ້ວຍການໄປພົບ
ກັບ ທ່ານນາງເກີທຣູດ ມາເຊໂກ, ຄູ່ຕຳແໜ່ງຂອງທ່ານນາງ ຢູ່ມາລາວີ.
ພັນລະຍາຂອງທ່ານປະທານາທິບໍດີ ດໍໂນລ ທຣຳ ໄດ້ໃຊ້ມື້ທີສອງ ຂອງການເດີນທາງ
ເພື່ອສົ່ງເສີມສັນທະວະໄມຕີອັນດີ ໄປຍັງທະວີບອາຟຣິກາ ໄປຊົມອະດີດ ສະຖານທີ່
ກັກຂັງຂ້າທາດແຫ່ງນຶ່ງໃນວັນພຸດວານນີ້ ຢູ່ແຄມຝັ່ງທະເລຂອງປະເທດການາ. ທ່ານ
ນາງພັນລະນາ ການຢ້ຽມຊົມຄະລືຫາດເຄບໂຄສທ໌, ຊຶ່ງເປັນ “ຄະລືຫາດກັກຂັງຂ້າທາດ”
ແຫ່ງນຶ່ງໃນຈຳນວນ ປະມານ 40 ແຫ່ງ ທີ່ສ້າງຂຶ້ນຢູ່ໃນເຂດແຄມຝັ່ງທະເລທອງຄຳ
ໃນພາກຕາເວັນຕົກທະວີບອາຟຣິກາ ໂດຍພວກພໍ່ຄ້າຊາວຢູໂຣບ ວ່າ “ເປັນເລື້ອງ
ສະເທືອນໃຈຫລາຍ” ແລະ “ເປັນສິ່ງທີ່ຜູ້ຄົນຄວນໄປເບິ່ງ ແລະສຳພັດດ້ວຍຕົນເອງ
ແທ້ໆ.”
ກ່ອນຈະໄປເຖິງທີ່ນັ້ນ, ອີງຕາມປະເພນີຂອງທ້ອງຖິ່ນ, ສະຕີໝາຍເລກນຶ່ງ ໄດ້ຢຸດແວ່
ພະລາດຊະວັງໄອນ໌ຊີແມດເຊ ເພື່ອຂໍອະນຸຍາດ ຈາກກະສັດ ໂອຊາບາຣິມບາ ເຄວຊີ
ອັດຕາ II ຂອງການາ ເພື່ອເຂົ້າຢ້ຽມຊົມດິນແດນ ຂອງພະອົງ.
ການພົບປະກັນລະຫວ່າງທ່ານນາງເມລາເນຍ ທຣຳ ແລະກະສັດນັ້ນ ມີຂຶ້ນຢູ່ໃນ “ຫໍ
ໂອບາມາ” ຊຶ່ງຕັ້ງຊື່ຕາມປະທານາທິບໍດີໂອບາມາ ທີ່ໄດ້ໄປຢ້ຽມຢາມຄອບຄົວຂອງ
ພະອົງ ໃນປີ 2009.
Melania Trump Visits Ghana's Cape Coast
