ລິ້ງ ສຳຫລັບເຂົ້າຫາ

ວັນສຸກ, ໑໙ ເມສາ ໒໐໒໔

ກຸ່ມການແພດສະຫະລັດ ຮຽກຮ້ອງໃຫ້ ມີການສັກຢາວັກຊີນ ປ້ອງກັນໄວຣັສໂຄໂຣນາແກ່ເຈົ້າໜ້າທີ່ການແພດ


ເຈົ້າໜ້າທີ່ການແພດກໍາລັງດູດຢາວັກຊີນ ຟາຍເຊີ ໃສ່ເຂັມສັກຢາ ທີ່ພິພິດທະພັນປະຫວັດສາດ ແລະທໍາມະຊາດອາເມຣິກາ ໃນນະຄອນນິວຢອກ, ວັນທີ 22 ກໍລະກົດ, ປີ 2021.
ເຈົ້າໜ້າທີ່ການແພດກໍາລັງດູດຢາວັກຊີນ ຟາຍເຊີ ໃສ່ເຂັມສັກຢາ ທີ່ພິພິດທະພັນປະຫວັດສາດ ແລະທໍາມະຊາດອາເມຣິກາ ໃນນະຄອນນິວຢອກ, ວັນທີ 22 ກໍລະກົດ, ປີ 2021.

ໃນຂະນະທີ່ຈໍານວນໂຕເລກຂອງຜູ້ປ່ວຍ ຍ້ອນໄວຣັສໂຄໂຣນາລາຍໃໝ່ເພີ້ມຂຶ້ນອີກຄັ້ງໃນສະຫະລັດ, ກຸ່ມການແພດໃຫຍ່ທີ່ສຳຄັນໆພາຍໃນປະເທດ ຮຽກຮ້ອງໃຫ້ມີການສັກຢາວັກຊີນທີ່ຈໍາເປັນແກ່ບັນດາເຈົ້າໜ້າທີ່ການແພດຫລາຍລ້ານຄົນ, ໂດຍກ່າວວ່າ ນີ້ແມ່ນຄວາມຈໍາເປັນທາງດ້ານສິນທໍາທີ່ຈະຊ່ວຍຄວບຄຸມການແຜ່ລະບາດຂອງການຕິດເຊື້ອ.

ສະມາຄົມກການແພດອາເມຣິກາ, ສະມະຄົມພະຍາບານອາເມຣິກາ ແລະກຸ່ມ ອື່ນໆອີກ 55 ກຸ່ມໄດ້ກ່າວໃນຖະແຫລງການຮ່ວມ, “ພວກເຮົາຂໍຮຽກຮ້ອງເຖິງນາຍຈ້າງດ້ານສຸຂະພາບ ແລະການເບິ່ງແຍງຜູ້ປ່ວຍໄລຍະຍາວ ຕ້ອງໃຫ້ພະ ນັກງານຂອງພວກເຂົາເຈົ້າ ຮັບການສັກຢາວັກຊີນປ້ອງກັນໂຄວິດ-19.”

ກຸ່ມຕ່າງໆ, ເຊິ່ງພວກເຂົາເຈົ້າທັງຫລາຍໄດ້ຮັບຄໍາສັ່ງໃຫ້ໄປສັກຢາວັກຊີນເປັນຄັ້ງທໍາອິດ, ກ່າວວ່າ, “ສຸຂະພາບ ແລະຄວາມປອດໄພຂອງພະນັກງານ, ຄອບ ຄົວ, ຊຸມຊົນ ແລະປະເທດຊາດ ແມ່ນຂຶ້ນຢູ່ກັບສິ່ງນີ້.”

ພາຍໃນບໍ່ເທົ່າໃດຊົ່ວໂມງຂອງຖະແຫລງການ, ກະຊວງນັກລົບເກົ່າຂອງສະຫະ ລັດ ເຊິ່ງດໍາເນີນສູນການແພດ ແລະຄລີນິກຜູ້ປ່ວຍນອກ 1,700 ແຫ່ງສໍາລັບພະນັກງານທະຫານທີ່ກະສຽນແລ້ວ, ໂດຍກ່າວວ່າ ຂະນະນີ້ ກໍາລັງກໍາໜົດໃຫ້ເຈົ້າໜ້າທີ່ການແພດທຸກໆຄົນຕ້ອງຮັບການສັກຢາວັກຊີນ. ນີ້ເປັນໜ່ວຍງານທໍາອິດຂອງລັດຖະບານກາງ ທີ່ສັ່ງໃຫ້ປະຕິບັດຕາມຄວາມຮຽກຮ້ອງດັ່ງກ່າວ ແລະໃຫ້ພະນັກງານປະຕິບັດຕາມພາຍໃນ 8 ອາທິດ.

“ເມື່ອໃດກໍ່ຕາມທີ່ນັກລົບເກົ່າ ແລະພະນັກງານ ກ້າວເຂົ້າມາໃນສະຖານທີ່ຂອງນັກລົບເກົ່າ, ພວກເຂົາສົມຄວນຮັບຮູ້ວ່າພວກເຮົາເຮັດທຸກຢ່າງເຕັມພະລັງ ເພື່ອປົກປ້ອງພວກເຂົາ ຈາກພະຍາດໂຄວິດ-19,” ທ່ານເດນິສ ແມັກດານັຟ (Denis McDonough) ລັດຖະມົນຕີກະຊວງນັກລົບເກົ່າ ກ່າວຢູ່ໃນຖະແຫລງ ການ.

ອົງການດ້ານສຸຂະພາບບາງແຫ່ງ ບໍ່ເຕັມໃຈທີ່ຈະບັງຄັບໃຫ້ພະນັກງານຂອງຕົນໄປສັກຢາວັກຊີນ, ເຖິງແມ່ນວ່າ ພວກເຂົາຈະເຮັດວຽກຢູ່ໃນແຖວໜ້າເພື່ອຮັກສາຄົນເຈັບກໍ່ຕາມ.

ຈາກການສໍາຫລວດພົບວ່າ ຈໍານວນພະຍາບານ ທີ່ທໍາການຮັກສາຄົນເຈັບນັ້ນ ໜ້ອຍກວ່າເຄິ່ງແມ່ນໄດ້ຮັບການສັກຢາວັກຊີນ, ເຖິງແມ່ນວ່າພວກເຂົາມີຄວາມພ້ອມທີ່ຈະສັກຢາເປັນເວລາຫລາຍເດືອນແລ້ວກໍ່ຕາມ. ໂຮງໝໍໃຫຍ່ແຫ່ງນຶ່ງໃນ ນະຄອນຮິວສຕັນ ລັດເທັກຊັສ, ໄດ້ມີກໍາໜົດການອອກມາໃຫ້ມີການສັກຢາວັກຊີນ, ເຊິ່ງຫລາຍກວ່າ 150 ຄົນໄດ້ພາກັນລາອອກ ຫລືຖືກໄລ່ອອກ ໃນເດືອນມິຖຸນາຜ່ານມາ ໃນຂະນະທີ່ພວກເຂົາເຈົ້າ ປະຕິເສດທີ່ຈະສັກຢາວັກຊີນ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG