ລິ້ງ ສຳຫລັບເຂົ້າຫາ

ວັນພຸດ, ໒໖ ມິຖຸນາ ໒໐໒໔

ຝ່າຍຄ້ານ ໃນ ເວເນຊູເອລາ ຮຽກຮ້ອງໃຫ້ ນັດຢຸດງານ ທົ່ວປະເທດ


ທ່ານ Freddy Guevara (ກາງ) ເລຂາທິການນຶ່ງ ຂອງຮອງ ປະທານສະພາແຫ່ງຊາດ ແລະສະມາຊິກສະພາ ແນວໂຮມຝ່າຍຄ້ານ ເວເນຊູເອລາ ກ່າວຕໍ່ສື່ມວນຊົນ..
ທ່ານ Freddy Guevara (ກາງ) ເລຂາທິການນຶ່ງ ຂອງຮອງ ປະທານສະພາແຫ່ງຊາດ ແລະສະມາຊິກສະພາ ແນວໂຮມຝ່າຍຄ້ານ ເວເນຊູເອລາ ກ່າວຕໍ່ສື່ມວນຊົນ..

ພວກຝ່າຍຄ້ານໃນ Venezuela ​ໄດ້​ຮຽກຮ້ອງ​ໃຫ້​ມີ​ການນັດ​ຢຸດ​ງານ​ປະ​ທ້ວງຕະຫຼອດ
ມື້​ ໃນ​ວັນ​ພະຫັດ​ຈະ​ມາ​ເຖິງ​ນີ້ ​ໂດຍຫວັງ​ວ່າ ​ຈະກົດ​ດັນ​ໃຫ້ປະທານາທິບໍດີ Nicolas
Maduro ຍົກ​ເລີກ​ແຜນ​ການ​ຮ່າງລັດຖະທໍາ​ມະນູນສະບັບ​ໃໝ່.ພັກຝ່າຍ​ຄ້ານ ​ໄດ້​ເລີ້ມ
​ໃນ​ອັນ​ທີ່​ຕົນ​ເອີ້ນ​ວ່າ “​ເປັນ​ບຸກ​ໂຈມ​ຕີ​ຂັ້ນສຸດ​ທ້າຍ” ຕໍ່ປະ ທານາທິບໍດີ Maduro ​ເພື່ອ
ຮຽກຮ້ອງ​ໃຫ້​ມີ​ການ​ເລືອກ​ຕັ້ງ​ປະທານາທິບໍດີກ່ອນ​ກຳນົດ.

ຢູ່​ໃນ​ການ​ລົງປະຊາມະຕິ​ແຫ່ງ​ຊາດທີ່​ບໍ່​ມີ​ຜົນ​ບັງຄັບ ​ໃນ​ວັນ​ອາທິດ ທີ່ຈັດ​ຂຶ້ນໂດຍ​ບັນ
ດາ​ກຸ່ມ​ຝ່າຍ​ຄ້ານ​ຕ່າງໆ ຊາວ​ເວ​ເນ​ຊູເອລາ ຫລາຍ​ກວ່າ​ເຈັດ​ລ້ານ​ຄົນ ​ເກືອບ​ນຶ່ງ​ສ່ວນ​
ສາມ ​ຂອງຜູ້​ມີ​ສິດ​ປ່ອນ​ບັດ​ໃນ​ປະ​ເທດ ​ໄດ້ຮຽກ​ຮ້ອງ​ໃຫ້​ປະທານາທິບໍດີ Maduro ຍົກ
​ເລີກ​ແນວ​ຄິດທີ່​ຈະ​ເລືອກ​ຕັ້ງ​ສະພາ​ພິ​ເສດ ​ເພື່ອມາ​ຮ່າງ​ລັດຖະທຳ​ມະນູນສະບັບ​ໃໝ່
ຂອງ​ປະ​ເທດ.

ປະທານາທິບໍດີ​ດໍ​ໂນ​ລ ທຣໍາ ກ່າວ​ໃນຕອນ​ແລງ​ວັນ​ຈັນ​ວານ​ນີ້​ວ່າ ສະຫະລັດ​ຈະ​ເອົາ​
ບາດກ້າວ “ທີ່​ແຂງ​ຂັນ​ແລະ​ຢ່າງ​ວ່ອງ​ໄວທາງດ້ານ​ເສດຖະກິດ” ຖ້າ​ຫາກ​ປະທານາທິ
ບໍດີ Maduro ປະຕິບັດ​ຕາມ​ແຜນ​ການຂອງທ່ານ.

ປະທານາທິບໍດີ​ສະຫະລັດ ກ່າວ​ຢູ່​ໃນ​ຖະ​ແຫລ​ງການສະບັບ​ນຶ່ງ​ວ່າ “ຊາວ​ເວ​ເນ​ຊູ​ເອລາ
ອີກ​ເທື່ອ​ນຶ່ງ ​ໄດ້​ສະ​ແດງ​ໃຫ້​ເຫັນ​ຢ່າງ​ຈະ​ແຈ້ງວ່າ ເຂົາ​ເຈົ້າ​ພາກັນຢືນ​ຢູ່ ກັບປະຊາທິປະ​
ໄຕ ​ສິດເສລີພາບແລະການ​ປົກຄອງ​ດ້ວຍ​ຕົວ​ບົດ​ກົດໝາຍ​. ກາ​ນເອົາ​ມາດ​ຕະການ
​ທີ່​ເຂັ້ມແຂງ ​ແລະ​ກ້າຫານຂອງ​ພວກ​ເຂົາ​ເຈົ້າ ​ແມ່ນ​ຍັງ​ສືບ​ຕໍ່​ບໍ່ໄດ້​ຮັບ​ການ​ເອົາຫົວຊາ​
ໂດຍ​ຜູ້​ນຳ​ທີ່​ບໍ່​ດີ ​ທີ່​ໄຝ່ຝັນ​ຢາກ​ເປັນ​ຈອມຜະ​ເດັດ​ການ.”

ປະທາ​ນາ​ທິບໍດີ Maduro ຮ້ອງ​ການ​ລົງປະຊາ​ມະຕິຂອງ​ພວກ​ຝ່າຍ​ຄ້ານ​ວ່າຜິດ​ກົດ
ໝາຍ ແລະ​ດຳ​ເນີນ​ການ​ຕໍ່​ໄປ ກ່ຽວ​ກັບ​ແຜນ ທີ່​ຈະ​ລົງ​ຄະ​ແນ​ນສຽງ​ເລືອກ​ຕັ້ງ
ສະພາ​ພິ​ເສດ ​ໃນວັນ​ທີ 30 ກໍ​ລະ​ກົດນີ້.

ປະທານາທິບໍດີ Nicolas Maduro, ຊ້າຍ, ກ່າວລະຫວ່າງການເຕົ້າໂຮມ ໃນການສະໜັບໜູນທ່ານ.
ປະທານາທິບໍດີ Nicolas Maduro, ຊ້າຍ, ກ່າວລະຫວ່າງການເຕົ້າໂຮມ ໃນການສະໜັບໜູນທ່ານ.

ປະທານາທິບໍດີ​ເວົ້າວ່າ ການ​ປ່ຽນ​ແປງ​ລັດຖະທຳ​ມະນູນ​ແມ່ນ​ຊ່ອງ​ທາງ​ດຽວ​ທີ່​ຈະ
​ແກ່​ດຶງ​ເອົາ​ເວ​ເນ​ຊູ​ເອລາ​ອອກ​ຈາກ​ຈາກເຫວ​ເລິກ​ທາງ​ດ້ານເສ​ດຖະກິດແລະ​ວິ​ກິດ
ການ​ທາງ​ດ້ານ​ສັງຄົມ.

ທ່ານ​ກ່າວ​ວ່າ “ຂ້າພະ​ເຈົ້າຂໍ​ຮຽກຮ້ອງ​ໃຫ້​ຝ່າຍ​ຄ້ານ ​ກັບຄືນ​ມາສູ່​ຄວາມ​ສະຫງົບ​ສຸກ
​ໃຫ້​ຄວາມ​ນັບຖື​ຕໍ່​ລັດຖະທໍາ​ມະນູນ ​ເພື່ອນັ່ງ​ລົງ ​ແລະ​ໂ​ອ້ລົມ​ກັນ. ມາ​ເລີ້ມ​ລົມ​ກັນ​ຮອບ​
ໃໝ່ ລົມ​ກັນ​ເລື່ອງ​ສັນຕິ​ພາບ.”

ພວກຝ່າຍ​ຄ້ານ​ກ່າວ​ວ່າ ການ​ເລືອກ​ຕັ້ງສະພາ​ຈະມີ​ການ​ໂກງ​ຄະ​ແນນ​ເພື່ອເຫັນ​ພ້ອມ​
ກັບ​ປະທານາທິບໍດີ Maduro ​ຊຶ່ງ​ພວກ​ເຂົາ​ເຈົ້າ​ກ່າວ​ວ່າ ການ​ຂຽນ​ລັດຖະ ທໍາ​ມະນູນ​
ໃໝ່ ບໍ່​ມີ​ຄວາມ​ໝາຍຫຍັງ ​ແຕ່​ເປັນແຜນການ ​ຂອງປະທານາທິບໍດີ​ເພື່ອຍຸບສະ​ຖາ​ບັນ
​ແຫ່​ງຊາດ ​ແລະເຮັດ​ໃຫ້ເວ​ເນ​ຊູ​ເອລາ​ ກາຍ​ເປັນ​ປະ​ເທດຜະ​ເດັດ​ການ​ສັງຄົມ​ນິຍົມ ​
ໂດຍປ່ອຍ​ໃຫ້​ສະພາ​ແຫ່ງ​ຊາດ​ ທີ່​ນຳພາ​ໂດຍ​ພັກ​ຝ່າຍບໍ່​ມີ​ຄວາມ​ໝາ​ຍຫຍັງ.

ອ່ານຂ່າວນີ້ເພີ່ມເປັນພາສາອັງກິດ

XS
SM
MD
LG