ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ອະດີດ ປະທານາທິບໍດີ Madagascar ເດີນທາງ ກັບຄືນປະເທດ


ອະດີດປະທານາທິບໍດີ Madagascar ທ່ານ Marc Ravalomanana ແລະພັນລະຍາຂອງທ່ານ ທ່ານນາງ Lalao (ຂວາ) ຖືປີ້ເຮືອບິນໃນມື ທີ່ສະໜາມບິນນະຄອນ Johannesburg ເພື່ອເດີນທາງກັບຄືນປະເທດ (21 ມັງກອນ 2012)
ອະດີດປະທານາທິບໍດີ Madagascar ທ່ານ Marc Ravalomanana ແລະພັນລະຍາຂອງທ່ານ ທ່ານນາງ Lalao (ຂວາ) ຖືປີ້ເຮືອບິນໃນມື ທີ່ສະໜາມບິນນະຄອນ Johannesburg ເພື່ອເດີນທາງກັບຄືນປະເທດ (21 ມັງກອນ 2012)

ອະດີດ​ປະທານາທິບໍດີ​ທີ່​ຖືກ​ໂຄ່ນ​ລົ້ມ​ແລະ​ລີ້​ໄພ​ຢູ່​ໃນ​ຕ່າງປະ​ເທດ​ຂອງ Madagascar ກ່າວ​
ວ່າ ທ່ານ​ຈະ​ເດີນທາງ​ກັບ​ຄືນ​ປະ​ເທດ​ໃນ​ວັ​ນ​ເສົາ​ມື້ນີ້.

ທ່ານ Marc Ravalomanana ທີ່​ໄດ້ໄປ​ອາ​ໄສ​ຢູ່​ອາ​ຟຣິກາ​ໃຕ້​ໃນ​ໄລຍະ​ສາມປີຜ່ານມາ​ກ່າວ
ໃນ​ວັນ​ເສົາ​ມື້ນີ້ທີ່​ນະຄອນ​ໂຈ​ແຮນ​ແນັສ​ເບີກ​ວ່າ ທ່ານ​ຈະ​ບໍ່​ຖືກ​ຊັກ​ຊວນ​ໃຫ້​ປ່ຽນ​ໃຈ​ຄື​ກັນ​ກັບ​
ປີ​ກາ​ຍ.

ມີ​ລາຍ​ງານ​ວ່າ ທ່ານ Ravalomanana ​ແລະ​ພັນ​ລະ​ຍາ​ຂອງ​ທ່ານ ໄດ້​ອອກເດີນທາງ​ຈາກ​
ນະຄອນ​ໂຈ​ແຮນ​ແນັສ​ເບີກໂດຍ​ຖ້ຽວ​ບິນ​ພານິດ​ໄປ​ຍັງ​ປະ​ເທດ Madagascar ​ແລ້ວ.

ກຳລັງ​ຮັກສາ​ຄວາມ​ສະຫງົບ​ກ່າວ​ວ່າ ທ່ານ​ຈະ​ຖືກ​ຈັບ​ຖ້າ​ທ່ານ​ຫາກ​ເດີນທາງ​ກັບຄືນ​ໄປ​ຍັງ​
Madagascar ຊຶ່ງ​ເປັນ​ປະ​ເທດເກາະ​ຂະໜາດ​ໃຫຍ່​ທີ່​ຕັ້ງຢູ່​ນອກ​ແຄມ​ຝັ່ງທະ​ເລ​ກໍ້າ​ຕາ​ເວັນ​
ອອກ​ຂອງ​ອາ​ຟຣິກາ​ໃນ​ມະຫາ​ສະມຸດ​ອິນ​ເດຍນັ້ນ.

ທ່ານ Ravalomanana ໄດ້ຖືກຕັດສິນໂທດແບບຫຼັບຫຼັງ ໃຫ້ຈຳຄຸກຕະຫຼອດຊີວິດກ່ຽວ
ກັບການເສຍຊີວິດຂອງພວກປະທ້ວງຝ່າຍຄ້ານຫຼາຍສິບຄົນ ໂດຍກຳລັງຮັກສາຄວາມສະ
ຫງົບຂອງປະທານາທິບໍດີ 2009 ກ່ອນໜ້າການກໍ່ລັດຖະປະຫານໂຄ່ນລົ້ມທ່ານນັ້ນ.

XS
SM
MD
LG