ຊາວເຄັນຢາໄດ້ພາກັນໄປສະແດງຄວາມເຄົາລົບບັ້ນສຸດທ້າຍ ຕໍ່ແມ່ຍິງຄົນທໍາອິດຂອງອາຟຣິ
ກາ ທີ່ໄດ້ຮັບລາງວັນໂນແບລຂະແໜງສັນຕິພາບ ໃນພິທີສົ່ງສະການທີ່ລັດຈັດຂຶ້ນຢ່າງເປັນ
ທາງການ ໃນນະຄອນຫລວງໄນໂຣບີ ໃນວັນເສົາວານນີ້.
ທ່ານນາງ Wangari Maathai ໄດ້ເຖິງແກ່ມໍລະມະກໍາເມື່ອວັນອາທິດແລ້ວນີ້ ຫລັງຈາກ
ໄດ້ຕໍ່ສູ້ກັບໂຣກມະເຮັງມາເປັນເວລາດົນນານ ຮວມອາຍຸໄດ້ 71 ປີ.
ທ່ານນາງ Maathai ໄດ້ຮັບລາງວັນໂນແບລຂະແໜງສັນຕິພາບ ໃນປີ 2004 ຍ້ອນການ
ຕໍ່ສູ້ຂອງທ່ານນາງເພື່ອສິດທິຂອງພວກແມ່ຍິງ ແລະການພິທັກປົກປ້ອງສະພາບແວດລ້ອມ
ຂອງປະເທດເຄັນຢາ.
ກ່ອນໄດ້ຮັບລາງວັນນັ້ນ ທ່ານນາງ ມາໄທ ໄດ້ເປັນຜູ້ກໍ່ຕັ້ງຂະບວນການ ສາຍແອວຂຽວ
ຫລື Green Belt Movement ຊຶ່ງເປັນອົງການສະເພາະ ເພື່ອການປົກປ້ອງພວກຄົນທີ່
ອ່ອນແອທີ່ສຸດ ໂຮມທັງພວກທຸກຈົນ ແລະ ພວກແມ່ຍິງ ໂດຍສະເພາະ.
ຂະບວນການດັ່ງກ່າວຍັງໄດ້ຊອກຫາວິທີປົກປ້ອງສະພາບແວດລ້ອມຂອງເຄັນຢາ ກ່ອນທີ່
ຈະຂະຫຍາຍອອກໄປລວມເອົາບັນຫາທາງດ້ານການເມືອງ ແລະເສດຖະກິດນໍາ.
ເບິ່ງວີດີໂອພິທີສົ່ງສະການ ທ່ານນາງ Wangari Maathai:
