ໃນລະຫວ່າງການເດີນທາງໄປຢ້ຽມຢາມນະຄອນຫຼວງຕຣີໂປລີ ໃນວັນເສົາວານນີ້ ລັດຖະ
ມົນຕີກະຊວງປ້ອງກັນປະເທດສະຫະລັດທ່ານ Leon Panetta ໄດ້ໃຫ້ຄໍາໝັ້ນສັນຍາວ່າ
ສະຫະລັດໃຫ້ການສະໜັບສະໜູນແກ່ລີເບຍ.
ຫົວໜ້າທໍານຽບຫ້າແຈ ໄດ້ສະເໜີໃຫ້ການຊ່ວຍເຫຼືອແກ່ພວກຜູ້ນໍາລັດຖະບານ ຊົ່ວຄາວ
ຂອງລີເບຍ ທີ່ພວມດີ້ນຮົນຊອກຫາຊ່ອງທາງໃນການສ້າງສັງຄົມທີ່ມີປະຊາທິປະໄຕທີ່ໜຽວ
ແໜ້ນ.
ທ່ານ Panetta ໄດ້ພົບປະກັບນາຍົກລັດຖະມົນຕີລີເບຍທ່ານ Abdurrahim el-Keibແລະ
ລັດຖະມົນຕີປ້ອງກັນປະເທດທ່ານ Osama al-Juwali. ການພົບປະດັ່ງກ່າວ ມີຂຶ້ນນຶ່ງມື້ ຫຼັງຈາກສະຫະລັດໄດ້ຍົກເລີກການລົງໂທດທາງ ດ້ານເສດຖະກິດ ເກືອບທັງໝົດຕໍ່ລີເບຍ ໃນການດຳເນີນຄວາມພະຍາຍາມ ເພື່ອຜ່ອນຜັນວິກິດການທາງດ້ານການເງິນຢູ່ໃນປະເທດ
ດັ່ງກ່າວ.
ຫລັງຈາກການພົບປະນັ້ນ, ທ່ານ Panetta ໄດ້ກ່າວຕໍ່ພວກນັກຂ່າວວ່າ ລີເບຍຈະຕ້ອງ
ເປັນຜູ້ຕັດສິນເອງວ່າ ຕົນຕອ້ງການການ ຊ່ວຍເຫລືອອັນໃດຈາກ ປະຊາຄົມສາກົນ.
