ລິ້ງ ສຳຫລັບເຂົ້າຫາ

site logo
ວັນອາທິດ, 29 ພຶດສະພາ 2022

ການຢຸດ ສູ້ລົບກັນ ຊົ່ວຄາວ ລະຫວ່າງ ກຸ່ມ IS ແລະ ກຸ່ມ SDF ອຳນວຍໃຫ້ ຄອບຄົວ ແລະ ພວກນັກລົບ ຍອມຈຳນົນ


ເດັກນ້ອຍຄົນນຶ່ງ ຢູ່ເທິງລົດບັນທຸກ ຫຼັງຈາກໄດ້ຖືກຊ່ອຍເຫຼືອ ອອກມາຈາກເຂດແດນທີ່ໝັ້ນແຫ່ງສຸດທ້າຍ ຂອງພວກຫົວຮຸນ ແຮງ ລັດອິສລາມ ຫຼື IS ຢູ່ນອກບ້ານ ບາກຸສ ຂອງຊີເຣຍ, ວັນທີ 4 ມີນາ 2019.

ພວກນັກລົບຂອງກຸ່ມລັດອິສລາມ ຫຼື IS ຫຼາຍຮ້ອຍຄົນ ແລະພວກສະມາຊິກຄອບຄົວ
ຂອງພວກເຂົາ ໄດ້ສວຍໂອກາດ ພາ​ກັນຫລົບໜີອອກຈາກ ບ້ານບາກຸ​ສ ທາງພາກຕາ
ເວັນອອກສຽງເໜືອຂອງຊີເຣຍ ໃນລະຫວ່າງທີ່ມີການຢຸດ ການສູ້ລົບກັນ ຢ່າງດຸເດືອດ
ໄລຍະຊົ່ວຄາວ ກັບກອງກຳລັງທີ່ໜຸນຫຼັງໂດຍສະຫະລັດ ທີ່ໄດ້ປິດລ້ອມທີ່​ໝັ້ນແຫ່ງ
ສຸດທ້າຍຂອງກຸ່ມກໍ່ການຮ້າຍດັ່ງກ່າວ ທີ່ໄດ້ປະກາດ ເປັນລັດອິສລາມ ຫຼື ຄາລີເຟຕ
(caliphate) ນັ້ນ.

ບັນດາເຈົ້າໜ້າທີ່ ທີ່ຕິດຕາມໄປກັບ ກອງກຳລັງປະຊາທິປະໄຕຊີເຣຍ ຫຼື SDF ກຸ່ມທະ
ຫານບ້ານຊາວເຄີດ ຫຼື YPG ແລະ ກຸ່ມສັງເກດການສິດທິມະນຸດ ໄດ້ໃຫ້​ການຢືນຢັນ
ເຖິງການຫລັ່ງໄຫລອອກຈາກເມືອງດັ່ງກາວ ເມື່ອແລງວັນຈັນ ວານນີ້ ຫາກແຕ່ວ່າ
ຈຳນວນຕົວເລກຂອງພວກນັກລົບ ແລະພົນລະເຮືອນນັ້ນ ແມ່ນແຕກຕ່າງກັນໄປ.

ລູກນ້ອຍແມ່ນຮ່ວມກັບກຸ່ມພວກຜູ້ຊາຍ, ແມ່ຍິງ ແລະເດັກນ້ອຍ ຢູ່ເທິງລົດບັນທຸກຄັນນຶ່ງ ຫຼັງຈາກ ໄດ້ຖືກຊ່ອຍເຫຼືອ ອອກມາຈາກເຂດແດນທີ່ໝັ້ນແຫ່ງສຸດທ້າຍ ຂອງພວກຫົວຮຸນແຮງລັດອິສລາມ ຫຼື IS ຢູ່ນອກບ້ານ ບາກຸສ ຂອງຊີເຣຍ, ວັນທີ 4 ມີນາ 2019.
ລູກນ້ອຍແມ່ນຮ່ວມກັບກຸ່ມພວກຜູ້ຊາຍ, ແມ່ຍິງ ແລະເດັກນ້ອຍ ຢູ່ເທິງລົດບັນທຸກຄັນນຶ່ງ ຫຼັງຈາກ ໄດ້ຖືກຊ່ອຍເຫຼືອ ອອກມາຈາກເຂດແດນທີ່ໝັ້ນແຫ່ງສຸດທ້າຍ ຂອງພວກຫົວຮຸນແຮງລັດອິສລາມ ຫຼື IS ຢູ່ນອກບ້ານ ບາກຸສ ຂອງຊີເຣຍ, ວັນທີ 4 ມີນາ 2019.

ພ​ວກ​ນັກສັງເກດການ ທີ່ຕິດຕາມໄປກັບ ກຸ່ມສິ້ງຊອມສິດທິມະນຸດ ຂອງຊີເຣຍ ທີ່ມີຫ້ອງ
ການຕັ້ງຢູ່ໃນນະຄອນລອນດອນ ໄດ້ກ່າວວ່າ ພວກນັກລົບກຸ່ມ IS ປະມານ 150 ຄົນ
ໄດ້ຍອມຈຳນົນ ຕໍ່ກຳລັງ SDF ອັນເປັນພາກສ່ວນນຶ່ງ ຂອງຈຳນວນປະມານ 400 ຄົນ
ທີ່ຍັງຫລົງເຫຼືອ ຢູ່ໃນບໍລິເວນ​ທີ່​ໝັ້ນດັ່ງກ່າວ ແລະກໍຫລຸດນ້ອຍລົງ​ໄປເລື້ອຍໆ ຊຶ່ງຕັ້ງ​ຢູ່
ແຄມຝັ່ງຂອງແມ່ນ້ຳຢູເຟຣ​ຕິ​ສ.

ກຸ່ມສິ້ງຊອມສິດທິມະນຸດຂອງຊີເຣຍ ໄດ້ກ່າວວ່າ ມາເຖິງຕອນເດິກຂອງວັນດຽວ ກັນນັ້ນ
ມີຫຼາຍເຖິງ 1,200 ຄົນ ໄດ້ພາກັນໜີອອກໄປແລ້ວ.

ໂຄສົກຂອງກອງກຳລັງ SDF ທ່ານ ມຸສຕາຟາ ບາລີ ໄດ້ລະບຸຈຳນວນຕົວເລກທັງໝົດ
ຂອງພວກຄົນດັ່ງກ່າວ ຜູ້ທີ່ໄດ້ຫລົບໜີອອກໄປຈາກເມືອງບາກຸ​ສ ນັບຕັ້ງ ແຕ່ໄດ້ມີການ
ຢຸດສູ້ລົບກັນຊົ່ວຄາວ ມີຢູ່ປະມານ 3,000 ຄົນ ໂດຍໄດ້ຂຽນລົງໃນທວີດເຕີວ່າ ພວກນັກ
ລົບຂອງກຸ່ມ IS ແລະພວກພົນລະເຮືອນຈຸທຳອິດ ໄດ້ຫຼົບ ໜີອອກໄປພາຍໃຕ້ຄວາມໝືດ
ທີ່ປົກຄຸມໃນເວລານັ້ນ.

ເຈົ້າໜ້າທີ່ຄົນນຶ່ງ ທີ່ຕິດຕາມໄປກັບກຸ່ມທະຫານບ້ານຊາວ​ເຄີດ YPG ທີ່ໄດ້ຮັບການສະ
ໜັບສະໜຸນ ໂດຍກຳລັງສະຫະລັດ ຢູ່ໃນເມືອງບາກຸ​ສ ໄດ້ບອກວີໂອເອ ວ່າ ພວກນັກລົບ
ແລະສະມາຊິກຄອບຄົວຂອງພວກເຂົາ ຫຼາຍໆຄົນແມ່ນມາຈາກບັນດາປະເທດ ໃນເຂດ
ເອເຊຍກາງ ເຊັ່ນວ່າ ເຕີກເມນິສຖານ ຕາຈິກກິສຖານ ແລະ ອຸສເບັກກິສຖານ. ແຕ່ເຈົ້າ
ໜ້າທີ່ ທ່ານນີ້ ໄດ້ກ່າວວ່າ ທ່ານບໍ່ຮູ້ຈັກວ່າ ມີພວກນັກລົບ ຫຼືພົນລະເຮືອນ ອີກຫຼາຍປານ
ໃດ ທີ່ຍັງຫລົບລີ້ຢູ່ໃນອຸໂມງໃຕ້ດິນ ໃນບ້ານດັ່ງກ່າວນັ້ນ.

ກອງກຳ​ລັງ SDF ແລະບັນດາເຈົ້າກຳລັງປະສົມ ໄດ້ບັນລະຍາຍ ເຖິງລະບົບອຸໂມງ ຊຶ່ງ
ອາດຍາວຍຽດອອກໄປ ໄກຫຼາຍກວ່າ 2 ກິໂລແມັດ ອັນເປັນລະບົບທີ່ ສະລັບສັບຊ້ອນ
ຊຶ່ງຫຼາຍໆພາກສ່ວນຂອງອຸໂມງນັ້ນ ອາດຖືກວາງລະເບີດ ແລະ ກັບດັກຕ່າງໆ ໃນຂະ
ນະທີ່ ຈຳນວນຂອງພວກນັກລົບ IS ແມ່ນພວມຫລຸດນ້ອຍຖອຍລົງ ຈຶ່ງໄດ້ພາກັນພະຍາ
ຍາມຕໍ່ສູ້ເປັນຄັ້ງສຸດທ້າຍ.

ອ່ານຂ່າວນີ້ຕື່ມ ເປັນພາສາອັງກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG