ພັນໂທຄົນນຶ່ງ ໃນໜ່ວຍອາລັກຂາປະທານາທິບໍດີ ຂອງ Burkina
Faso ໄດ້ປະກາດຕົນເອງ ຂຶ້ນເປັນຜູ້ນຳຄົນໃໝ່ຂອງປະເທດ.
ພັນໂທ Yacouba Issac Zida ກ່າວຢູ່ໃນຖະແຫຼງການສະບັບນຶ່ງ
ທີ່ອອກອາກາດ ແລະພິມເຜີຍແຜ່ທາງອິນເຕີແນັດວ່າ ທ່ານໄດ້ເຂົ້າ
ຮັບເອົາຄວາມຮັບຜິດຊອບໃນການເປັນຜູ້ນຳໄລຍະຂ້າມຜ່ານແລະ
ເປັນປະມຸກຂອງປະເທດເພື່ອຄ້ຳປະກັນຄວາມຕໍ່ເນື່ອງໃນການບໍລິ
ຫານບ້ານເມືອງ.
ທ່ານເວົ້າວ່າ “ໃນຂະນະທີ່ລໍຖ້າ ເພື່ອໃຫ້ມີການອະທິບາຍໃນວິທີ
ທີ່ເປັນເອກກະສັນກັນຈາກທຸກໆພັກການເມືອງແລະອົງການຈັດ
ຕັ້ງຂອງສັງຄົມພົນລະເຮືອນຢູ່ນີ້ເນື້ອໄນແລະໂຄງຮ່າງທົ່ວໆໄປຂອງການຫັນປ່ຽນໄປສູ່ປະ ຊາທິປະໄຕຢ່າງສັນຕິນີ້ ຂ້າພະເຈົ້າໄດ້ເຂົ້າຮັບເອົາ ນັບແຕ່ມື້ນີ້ເປັນຕົ້ນໄປຄວາມຮັບຜິດ ຊອບໃນການເປັນຜູ້ນຳໄລຍະຂ້າມຜ່ານແລະປະມຸກຂອງປະເທດ ເພື່ອຄ້ຳປະກັນຄວາມ ຕໍ່ເນື່ອງໃນການບໍລິຫານບ້ານເມືອງ. ຂ້າພະເຈົ້າຂໍຮຽກຮ້ອງໃຫ້ປະຊາຄົມນາໆຊາດໂດຍ ສະເພາະບັນດາປະເທດທີ່ເປັນມິດແລະພັນທະມິດ ຂອງ Burkina Faso ສະເພາະແລ້ວ ແມ່ນ ສະຫະພາບອາຟຣິກາ ແລະປະຊາຄົມເສດຖະກິດບັນດາລັດອາຟຣິກາຕາເວັນຕົກ ເພື່ອສະແດງໃຫ້ເຫັນເຖິງຄວາມເຂົ້າອົກເຂົ້າໃຈຂອງພວກເຂົາເຈົ້າ ແລະໃຫ້ການສະໜັບ ສະໜຸນຕໍ່ປະຊາຊົນຂອງພວກເຮົາ ໃນໄລຍະເວລາອັນຫຍຸ້ງຍາກດັ່ງກ່າວນີ້.”
ນາຍພົນ Burkina Faso ຍຶດອຳນາດ
ປະທານາທິບໍດີຂອງ Burkina Faso ທ່ານ Blaise Compaore ໄດ້ລາອອກຫລັງຈາກ ພວກປະທ້ວງໄດ້ບຸກເຂົ້າໄປ ແລະຈູດໄຟເຜົາ ຕຶກສະພາແຫ່ງຊາດ ເຮັດໃຫ້ການປົກຄອງ ເປັນເວລາ 27 ປີຂອງທ່ານສິ້ນສຸດລົງແລະພາໃຫ້ມີການຍາດແຍ່ງກັນຢູ່ໃນຖັນແຖວຂອງ ກອງທັບເພື່ອເຂົ້າຄວບຄຸມປະເທດ ທີ່ຕັ້ງຢູ່ໃນເຂດອາຟຣິກາຕາເວັນຕົກດັ່ງກ່າວ.
ໃນມື້ວັນສຸກວານນີ້ ຜູ້ຕາງໜ້າຂອງກຸ່ມທະຫານຊັ້ນຜູ້ນ້ອຍ ກ່າວວ່າ ກຸ່ມຂອງຕົນ ໄດ້ເຂົ້າ ກຳໂຊກຊະຕາຂອງປະເທດໄວ້ຢູ່ໃນກຳມືແລ້ວຂະນະທີ່ມີການໂຈະການນຳໃຊ້ລັດຖະທຳ ມະນູນແລະມີການສ້າງຕັ້ງລັດຖະບານໄລຍະຂ້າມຜ່ານ.
ໃນຕອນເຊົ້າຂອງມື້ວານນີ້ນາຍພົນ Honore Traore ກ່າວວ່າທ່ານເປັນຜູ້ເຂົ້າກຳຄວາມ ຮັບຜິດຊອບ ໃນຖານະປະມຸກຂອງປະເທດ.
ຍັງບໍ່ທັນເປັນທີ່ຈະແຈ້ງເທື່ອວ່າ ນາຍພົນ Traore ໄດ້ຮັບເອົາຫຼືບໍ່ ການປະກາດຂອງພັນ
ໂທ Zida ໃນວັນເສົາມື້ນີ້ ຫລືກຸ່ມນາຍທະຫານຊັ້ນຜູ້ນ້ອຍໃຫ້ການອະນຸມັດຕໍ່ການເຄື່ອນ ໄຫວຂອງພັນໂທ Zida ທີ່ຈະເຂົ້າເປັນປະມຸກຂອງປະເທດຄົນໃໝ່.
ໃນການລາອອກໃນມື້ວານນີ້ ປະທານາທິບໍດີ Compaore ໄດ້ຮຽກຮ້ອງໃຫ້ຈັດຕັ້ງໄລຍະ ຂ້າມຜ່ານເປັນເວລາ 90 ມື້ກ່ອນການເລືອກຕັ້ງ. ທ່ານໄດ້ປົກຄອງປະເທດມາເປັນເວລາ
27 ປີ ໃນການກໍ່ລັດຖະປະຫານເມື່ອປີ 1987.
ຄວາມວຸ້ນວາຍໄດ້ລະເບີດຂຶ້ນໃນວັນພະຫັດຜ່ານມານີ້ຂະນະທີ່ສະມາຊິກສະພາພວມກະ ກຽມການລົງປະຊາມະຕິ ກ່ຽວກັບບົດເພີ້ມຕື່ມລັດຖະທຳມະນູນ ທີ່ຈະອະນຸ ຍາດໃຫ້ທ່ານ Compaore ປົກຄອງປະເທດໄດ້ອີກສະໄໝນຶ່ງ.
ລັດຖະບານໄດ້ຖອນບົດເພີ້ມຕື່ມດັ່ງກ່າວ ຫລັງຈາກການປະທ້ວງ ໄດ້ກາຍເປັນເຫດການ ຮຸນແຮງ.
