ວັນທີ່ 16-17 ເດືອນທັນວານີ້ ແມ່ນກົງກັບວັນສະເຫຼີມ
ສະຫຼອງ 15 ປີ ຂອງການເປັນເມືອງມໍລະດົກໂລກຂອງ
ຫຼວງພະບາງ. ຫຼວງພະບາງເປັນເມືອງທີ່ຢູ່ແຫຼມຍື່ນອອກ
ມາລະຫວ່າງກາງແມ່ນໍ້າຂອງແລະສາຍນໍ້າຄານ ຕາມຮ່ອມ
ພູຜາທີມີອາກາດດີແລະທໍາມະຊາດທີ່ງົດງາມ.
ຈຸດເດັ່ນທີ່ເອກອ້າງເຖິງຄວາມມີວັດທະນະທໍາແລະເປັນເອກກະລັກຂອງຫຼວງພະບາງ
ຄົງຈະເເມ່ນຄວາມມີການປະສົມປະສານຂອງສອງສິນລະປະ, ສະຖາປັດຕະຍະກໍາ ທັງເອີຣົບສະໄໝຫົວເມືອງຂຶ້ນ ແລະລາວເດີມ ທີ່ຍັງຄົງຮັກສາໄວ້ໃນສະພາບທີ່ດີຢ້ຽມ.
ຍິ່ງພິເສດໄປກ່ວານັ້ນກໍຄືວິຖີຊີວິດຂອງຊາວເມືອງທີ່ຫ້ອມລ້ອມໄປດ້ວຍຮີດຄອງປະເພນີ
ເຊັ່ນການຕັກບາດເຂົ້າໜຽວແຕ່ເຊົ້າ ຊຶ່ງດຶງດູດນັກທ່ອງທ່ຽວທົ່ວໂລກໃຫ້ເຂົ້າໄປສໍາພັດ
ແລະທ່ານຄໍາແພງ ໄຊສົມເພງ ເຈົ້າແຂວງຫຼວງໄດ້ໂອ້ລົມກັບ VOA ຜ່ານທາງໂທລະສັບ
ຈາກນະຄອນ ວໍຊີງຕັນ ດີຊີ ເຖິງນະຄອນຫຼວງພະບາງ.
ຂໍເຊີນທ່ານຕິດຕາມຮັບຟັງບົດສໍາພາດດັ່ງກ່າວ ໂດຍການຄລິກຮູບໂທລະໂຄ່ງຂ້າງເທິງ
ເບື້ອງຂວາມືໄດ້.
