ອະດີດປະທານາທິບໍດີ ເທີກີ ທ່ານ Suleyman Demirel ນຶ່ງ
ໃນບັນດາຜູ້ນຳສຳຄັນທີ່ສຸດຂອງເທີກີ ໃນຮອບເຄິ່ງສັດຕະວັດ
ທີ່ຜ່ານມາ ໄດ້ເຖິງແກ່ອະສັນຍະກຳແລ້ວ ຮວມອາຍຸໄດ້ 90 ປີ.
ບັນດານາຍແພດທີ່ໂຮງໝໍ Guven ໄດ້ປະກາດວ່າ ທ່ານ
Demirel ໄດ້ເຖິງ ແກ່ອະສັນຍະກຳ ໃນວັນພຸດມື້ນີ້. ທ່ານໄດ້
ເຂົ້າຮັບການປິ່ນປົວຍ້ອນຫລອດລົມຫາຍໃຈອັກເສບ.
ທ່ານ Demirel ໄດ້ຂຶ້ນຄອງອຳນາດໃນຊຸມປີ 1960 ແລະໄດ້
ຮັບໜ້າເປັນນາ ຍົກລັດຖະມົນຕີ 5 ສະໄໝ ກ່ອນເປັນປະທານາ
ທິບໍດີແຕ່ປີ 1993 ຫາ 2000. ທ່ານໄດ້ຖືກໂຄ່ນລົ້ມ ສອງຄັ້ງ ໂດຍການເຮັດລັດຖະປະຫານຂອງພວກທະຫານ ເທຶ່ອທີນຶ່ງໃນປີ 1971 ແລະໃນປີ 1980
ແຕ່ທ່ານໄດ້ກັບຄືນມາເປັນນາຍົກລັດ ຖະມົນຕີອີກ ໃນປີ 1991 ແລະໄດ້ກ້າວຂຶ້ນເປັນ
ປະທານາທິບໍດີສອງປີຕໍ່ມາ.
ທ່ານ Demirel ທີ່ໄດ້ຖືກຝຶກຜົນມາເປັນວິສະວະກອນ ໄດ້ເປັນທີ່ຮູ້ກັນວ່າ ເປັນພັນທະມິດ
ຂອງພວກຊາວນາ ໃນເວລາທີ່ປະເທດກຳລັງຫັນປ່ຽນຈາກເສດຖະກິດກະສິກຳ ໄປສູ່ອຸດ
ສາຫະກຳໜັກ ຊຶ່ງໄດ້ເຮັດໃຫ້ມາດຕະຖານການຄອງຊີບຂອງ ປະຊາຊົນເທີກີສ່ວນໃຫຍ່
ສູງ. ທ່ານໄດ້ຢູ່ໃນຕຳແໜ່ງມາເປັນເວລາຫລາຍປີເວລາປະເທດໄດ້ຮັບຄວາມອ່ອນເພຍ
ຈາກຄວາມຮຸນແຮງແລະບັນຫາດ້ານເສດຖະກິດ.
ທ່ານໄດ້ຖືກມອງເຫັນວ່າ ເປັນນັກການເມືອງທີ່ມີຄວາມຊ່ຽວຊານສາມດ ຊຶ່ງໜັງ ສືພິມ
The New York times ໄດ້ລາຍງານວ່າ ທ່ານສາມາດບິນຂ້າມທຸກໝູ່ບ້ານໃນເທິກີ
ແລະຈື່ຊື່ເຈົ້າເມືອງໄດ້. ນອກນັ້ນ ທ່ານຍັງຄຸ້ນເຄີຍອະທິບາຍການປ່ຽນແປງຢູ່ໃນໜ້າທີ່
ຂອງທ່ານ ໂດຍກ່າວຕໍ່ບັນດານັກຂ່າວວ່າ “ມື້ວານນີ້ ໄດ້ແມ່ນມື້ວານນີ້. ມື້ນີ້ ແມ່ນມື້ນີ້.”
ພັນລະຍາຂອງທ່ານ Demirel ທ່ານນາງ Nazmiye ໄດ້ເສຍຊີວິດ ໃນປີ 2013 ແລະ
ພວກທ່ານບໍ່ມີລູກ.
