ທຳນຽບຫ້າແຈກ່າວວ່າ ຫົວໜ້າປະຕິບັດງານມາເປັນເວລາດົນ
ນານຂອງກຸ່ມ al-Qaida ໄດ້ຖືກສັງຫານໃນການໂຈມຕີຂອງ
ສະຫະລັດໃນຕົ້ນເດືອນກໍລະກົດນີ້ໃນຂະນະທີ່ຜູ້ກ່ຽວເດີນທາງ
ໃກ້ກັບເມືອງ Sarmada ໃນ Syria.
ທ້າວ Muhsin al-Fadhli ໄດ້ເດີນທາງດ້ວຍລົດ ເວລາລາວ
ຖືກໂຈມຕີໃນວັນທີ 8 ເດືອນກໍລະກົດຜ່ານມານີ້.
ຮ້ອຍເອກ ທະຫານເຮືອ Jeff Davis ໂຄສົກທຳນຽບຫ້າແຈ
ກ່າວຢູ່ໃນຖະແຫຼງການວ່າ “ທ້າວ Al-Fadhli ເປັນຫົວໜ້າຕາ
ໜ່າງປະຕິບັດງານຂອງ al-Qaida ທີ່ຮ້ອງວ່າ ກຸ່ມ Khorasan
ທີ່ວາງແຜນໂຈມຕີຢູ່ນອກປະເທດ ຕ້ານສະຫະລັດ ແລະບັນດາພັນທະມິດຂອງພວກເຮົາ.”
ຮ້ອຍເອກ David ກ່າວເພີ້ມເຕີມວ່າ ທ້າວ al-Fadhi “ເປັນເຈົ້າໜ້າອະວຸໂສ ຝ່າຍອຳ
ນວຍຄວາມສະດວກຂອງ al-Qaida ຢູ່ໃນຈຳນວນບັນດາຜູ້ນຳທີ່ໄວ້ເນື້ອເຊື່ອໃຈພຽງ
ບໍ່ເທົ່າໃດຄົນ ທີ່ໄດ້ຮັບການເຕືອນລ່ວງໜ້າກ່ຽວກັບການໂຈມຕີໃນວັນທີ 11 ເດືອນກັນ
ຍາ ປີ 2001 ນັ້ນ.”
ທຳນຽບຫ້າແຈ ກ່າວວ່າ ນອກນັ້ນທ້າວ Al-Fadhli ຍັງພົວພັນກັບການໂຈມຕີກໍ່ການ
ຮ້າຍ ທີ່ເກີດຂື້ນໃນເດືອນຕຸລາ ປີ 2002 ຮວມທັງການໂຈມຕີທະຫານ Marines
ສະຫະລັດ ຢູ່ເກາະ Faylaka ໃນ Kuwait ແລະກຳປັ່ນຝຣັ່ງ MV Limburg.
ຮ້ອຍເອກ David ກ່າວວ່າ “ການເສຍຊີວິດຂອງຜູ້ກ່ຽວ ຈະຫລຸດຜ່ອນ ແລະລົບກວນ
ການປະຕິບັດງານຢູ່ນອກປະເທດຂອງກຸ່ມ al-Qaida ຕ້ານສະຫະລັດ ແລະບັນດາພັນທະມິດແລະພາຄີຂອງພວກເຮົາ.”
ໃນປີ 2012 ກະຊວງຕ່າງປະເທດສະຫະລັດໄດ້ສະເໜີໃຫ້ເງິນລາງວັນ 7 ລ້ານໂດລາ
ສຳລັບຜູ້ໃດກໍຕາມ ທີ່ມີຂໍ້ມູນ ນຳພາໄປສູ່ການສັງຫານ ແລະການຈັບກຸມ ທ້າວ Muhsin
al-Fadhli ຊຶ່ງໃນເມື່ອກ່ອນ ມີຖານປະຕິບັດງານ ຢູ່ໃນອີ ຣ່ານ.
