ພັກເດໂມແຄຣັດ ໄດ້ເຂົ້າຄວບຄຸມສະພາຕ່ຳ ສະຫະລັດ ໃນການເລືອກຕັ້ງກາງສະໄໝ
ສະຫະລັດ, ແລະ ພັກຣີພັບບລີກັນ ຈະຍັງຄົງຄວບຄຸມສະພາສູງ ສະຫະລັດ ຢູ່ຄືເກົ່າ
ໃນຂະນະທີ່ການນັບຄະແນນສຽງຍັງສືບຕໍ່ນັບກັນຢູ່ ໃນທົ່ວປະເທດ.
ຜູ້ນຳສະພາຕ່ຳສັງກັດພັກເດໂມແຄຣັດ ທ່ານນາງ ແນນຊີ ເພໂລຊີ ໄດ້ກ່າວຕໍ່ຝູງຜູ້ສະ
ໜັບສະໜູນໃນນະຄອນຫຼວງ ວໍຊິງຕັນວ່າ “ຂອບໃຈພວກທ່ານ, ມື້ອື່ນ, ມັນຈະເປັນມື້
ໃໝ່ໃນ ອາເມຣິກາ.” ອະດີດສະມາຊິກສະພາລັດຄາລິຟໍເນຍ, ຜູ້ທີ່ໄດ້ປະຕິບັດໜ້າທີ່
ເປັນປະທານສະພາຕ່ຳແມ່ຍິງຄົນທຳອິດ ຂອງປະເທດຈາກປີ 2007-2011 ໄດ້ກ່າວວ່າ
ໄຊຊະນະໃນວັນອັງຄານວານນີ້ ບໍ່ໄດ້ກ່ຽວກັບ ພັກເດໂມແຄຣັດ ຫຼື ຣີພັບບລີກັນ, ແຕ່
ມັນກ່ຽວກັບ “ການຟື້ນຟູການກວດກາ ແລະ ຄວາມກໍ້າເກິ່ງຂອງລັດຖະທຳມະນູນ ຕໍ່ລັດ
ຖະບານທ່ານ ທຣຳ.” ຕອນນີ້ພັກເດໂມແຄຣັດ ຈະສາມາດເລີ່ມການສືບສວນສອບສວນ
ຫຼາຍບັນຫາ ກ່ຽວກັບປະທານາທິບໍດີ ດໍໂນລ ທຣຳ, ລວມທັງດ້ານການເງິນສ່ວນຕົວ
ຂອງທ່ານ ແລະ ການກ່າວຫາ ກ່ຽວກັບ ການສົມຮູ້ຮ່ວມຄິດກັບ ຣັດເຊຍ ໃນການໂຄສະ
ນາຫາສຽງເລືອກຕັ້ງປະທານາທິບໍດີຂອງທ່ານ ເພື່ອເອົາຊະນະການແຂ່ງຂັນໃນປີ
2016 ທີ່ຜ່ານມາ.
ທ່ານນາງ ເພໂລຊີ ຍັງໄດ້ກ່າວຕໍ່ພວກຜູ້ສະໜັບສະໜູນວ່າ ໄຊຊະນະຂອງພັກເດໂມ
ແຄຣັດ ໝາຍຄວາມວ່າເຂົາເຈົ້າຈະສາມາດຢຸດຢັ້ງ “ການໂຈມຕີຕໍ່ການປະກັນສຸຂະພາບ
ເມດີແຄ, ເມດີເຄດ, ກົດໝາຍປະກັນສຸຂະພາບລາຄາຖືກ ແລະ ປະກັນສຸຂະພາບຂອງ
ປະຊາຊົນ ອາເມຣິກັນ 130 ລ້ານຄົນ ທີ່ດຳລົງຊີວິດກັບສະພາບການແພດ ທີ່ມີພະຍາດ
ມາກ່ອນນັ້ນ.”
ໃນສະພາສູງ, ສະມາຊິກພັກເດໂມແຄຣັດ ທີ່ສຳຄັນຫຼາຍຄົນໄດ້ຊະນະການລົງແຂ່ງຂັນ
ດຳລົງຕຳແໜ່ງຄືນຂອງເຂົາເຈົ້າ, ລວມມີ ທ່ານນາງ ເອມີ ໂຄຼບູຈາ (Amy Klobuchar)
ແລະ ທ່ານນາງ ເອລິຊາເບັດ ວໍເຣັນ (Elizabeth Warren) ຈາກລັດແມັສຊາຈູເຊັດສ໌,
ທັງສອງທ່ານໄດ້ຖືກພິຈາລະນາວ່າ ເປັນຄູ່ແຂ່ງສຳລັບການສະເໜີຊື່ຂອງພັກ ໃນການ
ແຂ່ງຂັນເອົາຕຳແໜ່ງປະທານາທິບໍດີໃນປີ 2020. ແຕ່ຜູ້ດຳລົງຕຳແໜ່ງຄົນປັດຈຸບັນ
ສັງກັດພັກເດໂມແຄຣັດ ໃນລັດ ອິນເດຍນາ, ມິສຊູຣີ ແລະ ດາໂກຕາເໜືອ ແມ່ນໄດ້
ຜ່າຍແພ້ໃນການແຂ່ງຂັນ. ການແຂ່ງຂັນສະພາສູງໃນລັດ ອາຣິໂຊນາ, ຟລໍຣິດາ ແລະ
ມັອນທານາ ແມ່ນຍັງບໍ່ໄດ້ຖືກຕັດສິນເທື່ອ ໃນຂະນະທີ່ການນັບຄະແນນສຽງໄດ້ແກ່
ຍາວມາຮອດຕອນເຊົ້າວັນພຸດມື້ນີ້.
ໃນການແຂ່ງຂັນທີ່ມີການຕິດຕາມຊົມຫຼາຍທີ່ສຸດໃນຄືນວານນີ້, ທ່ານ ເທັດ ຄຣູສ໌ ສັງກັດ
ພັກຣີພັບບລີກັນ ໄດ້ຊະນະການທ້າຊິງທີ່ແຂງແກ່ນຈາກດາວຮຸ່ງພັກເດໂມແຄຣັດ ທ່ານ
ເບໂຕ ໂອຣວກ ເພື່ອຮັກສາບ່ອນນັ່ງໃນສະພາສູງຂອງທ່ານໃນລັດເທັກຊັສໄວ້ໄດ້.
ອ່ານຂ່າວນີ້ຕື່ມເປັນພາສາອັງກິດ
