ວັນນະສອນຈະມາກ່ອມທ່ານຜູ້ຟັງ ດ້ວຍສຽງເພງລາວຫວານໆ
ທີ່ມີຄວາມໝາຍດີ ຂໍຈັດໃຫ້ ນ້ອງໄຊຍະເພັດ ຈ່າພິຈິດ ທີ່ກໍາລັງ
ສຶກສາຕໍ່ປຣິນຍາເອກ ທີ່ປະເທດ Portugal ຊຶ່ງກໍກໍາລັງຕັ້ງໜ້າ
ຕັ້ງຕາຂຽນວິທະຍານິພົນຢູ່ ແລະຂໍຟັງເພງ “ຫອມກິ່ນຈໍາປາ”
ທີ່ຂັບຮ້ອງ ໂດຍ ລິກ ອຸດົມໄຊ ເພາະວ່າເພງນີ້ ໄດ້ອະທິບາຍເຖິງ
ຄວາມຮູ້ສຶກຂອງຜູ້ກ່ຽວ ທີ່ຢູ່ຫ່າງໄກບ້ານເກີດເມືອງນອນໃນ
ຂະນະນີ້ ແລະເພງນີ້ ໄຊຍະເພັດຂໍມອບໃຫ້ແກ່ທຸກໆຄົນລາວ
ໃນທົ່ວທຸກມູມໂລກແລະເອື້ອຍວັນນະສອນກໍຄິດວ່າ ເພງນີ້ຄົງ
ຈະເຮັດໃຫ້ນ້ອງໄຊຍະເພັດ ພ້ອມດ້ວຍຜູ້ຟັງຫຼາຍໆທ່ານ ຄົງຈະມີຄວາມຮູ້ສຶກຄິດຮອດບ້ານ...ເອົາເອື້ອຍວ່າ ໃຫ້ນ້ອງໄຊຍະເພັດຮີບຟ້າວຮຽນໃຫ້ຈົບໃນໄວໆ ແລ້ວກັບໄປດົມ ກິ່ນຈໍາປາ ທີ່ປະເທດລາວພຸ້ນ.
ສ່ວນເພງຕໍ່ໄປນີ້ ກໍເປັນເພງອະມະຕະອີກເພງນຶ່ງ ທີ່ທ່ານຜູ້ຟັງ ຂຽນເຂົ້າມາຝາກໄວ້ໃນ
website ຂອງ VOA - ທ່ານ ບຸນຈັນ ຈາກຫ້ອງການທ່ອງທ່ຽວແຂວງຜົ້ງສາລີ ທີ່ບອກມາ
ວ່າ ຂໍເພງ “You And I” ເພື່ອມອບພິເສດໃຫ້ນາງ ນັນເດຍ ທີ່ປະເທດມົງໂກເລຍ.
ວັນນະສອນວ່າ ຫຼັງຈາກທີ່ ນັນເດຍໄດ້ຟັງເພງນີ້ແລ້ວ ຄົງຈະມີຄວາມໃນດີໆ ຝາກໃຫ້
ທ່ານ ບຸນຈັນ ໃນໄວໆນີ້ ບໍ່ເຊື່ອກໍບລອງຖ້າເບິ່ງ. ເອົາວັນນະສອນ ກໍຂໍຖືໂອກາດນີ້ຝາກເນື້ອ
ຝາກຕົວ ເພາະວ່າໂອກາດໜ້າຖ້າໄດ້ໄປເມືອງລາວ ແລະຫວັງວ່າທ່ານບຸນຈັນຄົງຈະອໍາ
ນວຍຄວາມສະດວກແລະພາທ່ອງທ່ຽວພົງສາລີ ໃຫ້ໜໍາໃຈໄປເລີຍ ເອົາໄປຟັງ ເພງ
“You And I” ຂອງ Mariah Carey ພ້ອມກັນເລີຍ.
ແລະເພງສຸດທ້າຍຂໍຈັດໃຫ້ທ່ານ ວົງ ກົມມະວົງສາ ທີ່ເປັນ fanclub ໃນ Facebook
ຊຶ່ງທ່ານວົງ ບອກວ່າ ມັກຟັງລາຍການ VOA ຢູ່ສະເໝີ ເພາະສະນັ້ນວັນນະສອນຈຶ່ງຂໍ
ເປີດເພງເກົ່າຂອງຄະນະຈິດປັນຍາ ກຸ່ມສິນລະປິນລາວຈາກສະຫະລັດ ເປັນກຸ່ມສິນລະ
ປິນ 3 ອ້າຍນ້ອງ ຈິດປັນຍາ…ເຊີນຮັບຟັງໄດ້ໃນບົດ ເພງ “ຍັງຮັກ” ເພື່ອວ່າທ່ານວົງ
ຄົງຍັງຈະມັກ ແລະຮັກລາຍການ VOA ຂອງເຮົາຕະຫຼອດໄປ.