ພວກນັກຄົ້ນຄວ້າເວົ້າວ່າ ຖ້າຫາກທ່ານເປັນຄົນທີ່ມັກໄຕ້ໄຟນອນ ມັນອາດຈະບໍ່ເປັນຜົນດີຕໍ່ຮອບແອວຂອງທ່ານກໍໄດ້ ຄືໝາຍຄວາມວ່າມັນອາດຈະເຮັດໃຫ້ທ່ານອ້ວນຂຶ້ນໄດ້. ພວກນັກຄົ້ນຄ້ວາໄດ້ທໍາການສຶກສາເບິ່ງໜູເປັນເວລາແປດອາທິດ ແລະໄດ້ຄົ້ນພົບວ່າ ພວກໜູທົດລອງທີ່ນອນຢູ່ກັບໄຟທີ່ສະຫຼົ່ວໆຫລືມົວໆນັ້ນ ມີນໍ້າໜັກຂອງຮ່າງກາຍອ້ວນຂຶ້ນ 50% ຫລາຍກວ່າພວກ ໜູທີ່ນອນຢູ່ທີ່ໃນມືດໆ ປາດສະຈາກແສງໄຟ ເຖິງແມ່ນວ່າ ພວກໜູທັງສອງກຸ່ມຈະໄດ້ກິນອາຫານໃນປະລິມານເທົ່າໆກັນ ແລະມີກິດຈະກຳເຮັດພໍໆກັນ ໃນຕອນທີ່ພວກມັນບໍ່ນອນນັ້ນ.
ທ່ານ Randy Nelson ຫົວໜ້າຂອງພະແນກປະສາດວິທະຍາຂອງມະຫາວິທະ ຍາໄລລັດ Ohio ທີ່ເມືອງ Columbus ກ່າວວ່າ ພວກນັກວິໄຈໄດ້ສັງເກດເຫັນຮ່ອງຮອຍທີ່ສຳຄັນອັນນຶ່ງ ຊຶ່ງທ່ານ Nelson ກ່າວວ່າ:
"When we look at their food intake, when we were measuring it, what we noticed was the event though they were eating the same amount of food; they had shifted the timing of their calories. Mice typically eat at night, but these guys were eating during their rest phase with dim light."
ທ່ານ Nelson ເວົ້າວ່າ “ ເວລາພວກເຮົາພິຈາລະນາເບິ່ງອາຫານທີ່ພວກໜູເຫລົ່ານັ້ນກິນເຂົ້າໄປ ແລະວັດແທກ ເບິ່ງປະລິມານຂອງມັນແລ້ວ ພວກເຮົາ ສັງເກດເຫັນວ່າ ເຖິງແມ່ນວ່າພວກໜູທັງສອງກຸ່ມນັ້ນ ຈະກິນອາຫານໃນປະລິ ມານເທົ່າໆກັນ ແຕ່ພວກມັນກໍມີການເຜົາຜານ calorie ທີ່ແຕກຕ່າງກັນໄປ. ພວກໜູທັງຫຼາຍ ສວ່ນໃຫ່ຽແລ້ວນັ້ນ ແມ່ນຈະກິນອາຫານໃນຕອນກາງຄືນ, ແຕ່ວ່າພວກຫນູທົດລອງເຫລົ່ານີ້ ແມ່ນກິນອາຫານໃນເວລານອນຂອງພວກມັນ ແລະໃນທ່າມກາງແສງໄຟທີ່ສະຫຼົ່ວ ມົວໆ.”
ຄືທີ່ເຮົາຮູ້ກັນຫັ້ນແຫລະ ຫນູເປັນສັດກາງຄືນ ໝາຍຄວາມວ່າມັນຈະອອກມາປາກົດໃຫ້ເຫັນເພື່ອຊອກຫາກິນໃນຕອນກາງຄືນ ແລະນອນໃນຕອນກາງວັນ.
ພວກນັກຄົ້ນຄ້ວາໄດ້ເອົາອາຫານໃຫ້ ໜູທົດລອງພວກນຶ່ງກິນອາຫານໃນຕອນ ທີ່ມັນຄວນຈະນອນ ຄືໃນຍາມກາງເວັນນັ້ນ ແລະເປີດໄຟມົວໆໃສ່ ເທົ່າກັບປະ ມານແສງໄຟສະຫຼົວໆ ຈາກໂທລະພາບຢູ່ອີກຟາກນຶ່ງຂອງຫ້ອງນັ້ນ. ເຂົາເຈົ້າພົບເຫັນວ່າ ໜູພວກນັ້ນໄດ້ເພີ່ມຄວາມອ້ວນພີຂອງຮ່າງກາຍຂຶ້ນ 12 ກຣາມ ແລະພວກມັນໄດ້ມີອາການຫລາຍໆຢ່າງ ທີ່ເປັນການສ່ຽງຕໍ່ການເປັນໂຣກເບົາຫວານ ຊຶ່ງຮວມທັງ ລະດັບນໍ້າຕານໃນເລືອດ ທີ່ເພີ້ມຂຶ້ນນຳອີກ.
ໃນການທົດລອງອັນທີ່ສອງນັ້ນ ພວກນັກວິໄຈໄດ້ໃຫ້ອາຫານແກ່ໜູທົດລອງ ຈໍານວນນນຶ່ງ ສະເພາະແຕ່ໃນຕອນກາງຄືນ ໃນຊ່ວງທີ່ພວກມັນອອກຊອກຫາກິນເທົ່ານັ້ນ ໃນຂະນະທີ່ພວກໜູ່ອີກກຸ່ມນຶ່ງ ໄດ້ກິນອາຫານແຕ່ໃນຍາມທີ່ພວກມັນນອນ ຄືໃນຕອນກາງເວັນເທົ່ານັ້ນ.
"And the animal that only had food during their active phase, even though they had dim light exposure, did not gain body fat."
ທ່ານ Nelson ເວົ້າວ່າ “ພວກສັດທີ່ໄດ້ກິນອາຫານ ໃນຍາມທີ່ບໍ່ແມ່ນຍາມນອນຂອງພວກມັນນັ້ນ ບໍ່ໄດ້ອ້ວນພີຂຶ້ນເລີຍ ເຖິງແມ່ນວ່າພວກມັນຈະຢູ່ໃນບ່ອນທີ່ ມີແສງໄຟສະຫຼົ່ວໆ ພໍມົວໆກໍຕາມ.”
ທ່ານ Nelson ເວົ້າວ່າ ການຄົ້ນພົບດັ່ງກ່າວສະເໜີແນະວ່າ ຍາມຫລືເວລາທີ່ພວກເຮົາກິນອາຫານນັ້ນ ສາມາດເຮັດໃຫ້ຮ່າງກາຍຂອງເຮົາອ້ວນຂຶ້ນໄດ້ ຊຶ່ງອາດຈະໄປລົບກວນລະບົບການເຜົາຜານ ຫຼືສະສົມໄຂມັນຂອງຮ່າງກາຍ. ເພາະສະນັ້ນ ມັນກໍເປັນໄປໄດ້ວ່າ ການບໍ່ອອກກຳລັງກາຍນັ້ນ ບໍ່ແມ່ນປັດໄຈ ອັນດຽວເທົ່ານັ້ນ ທີ່ສາມາດເຮັດໃຫ້ອ້ວນໄດ້ ຖ້າເວົ້າເຖິງການກິນອາຫານແລະການມີນໍ້າໜັກເພິ່ມຂຶ້ນແລ້ວ.
"All calories may not in fact equal. So, that a calorie taken in for us at night, may be more prone to go to fat than a calorie that’s taken in the morning."
ທ່ານອະທິບາຍວ່າ “ແຄລເລີຣີຢູ່ໃນແຕ່ລະອາຫານນັ້ນ ອາດຈະບໍ່ເທົ່າທຽມກັນ ແຄລເລີຣີໃນອາຫານບາງຊະນິດ ທີ່ພວກເຮົາບໍລິໂພກໃນຕອນກາງຄືນນັ້ນ ອາດຈະປ່ຽນເປັນໄຂມັນຫຼາຍກວ່າ ແຄລເລີຣີທີ່ເຮົາກິນເຂົ້າໄປໃນຕອນກາງເວັນ.”
ການສຶກສາກ່ຽວກັບແສງໄຟແລະນໍ້າໜັກເພີ່ມຂຶ້ນນີ້ ແມ່ນໄດ້ລົງພິມໃນວາລະສານ Proceedings of National Academy of Sciences.
