ອາ​ກາດ​ໜາວ​ອັນ​ຕະ​ລາຍ​ເຖິງ​ຊີ​ວິດ ຈະ​ປົກ​ຄຸມຫຼາຍ​ພາກ​ສ່ວນ​ຂອງ ສະ​ຫະ​ລັດ

ອາກາດໜາວເຢັນຮຸນແຮງໄດ້ແຜ່ປົກຄຸມບໍລິເວນພາກກາງຂອງປະເທດໃນວັນຈັນວານນີ້ ໂດຍກະແສລົມຈາກຂົ້ວໂລກໄດ້ພັດເຂົາປົກຄຸມເຂດພູ ຣັອກກີ ແລະ ພື້ນທີ່ຮາບພຽງທາງຕອນເໜືອ ຕໍ່ເນື່ອງມາຈາກພາຍຸເມື່ອທ້າຍອາທິດທີ່ຜ່ານມາ ຊຶ່ງເຮັດໃຫ້ເກີດນ້ຳຖ້ວມໃນພາກພາເວັນອອກຂອງ ສະຫະລັດ ສົ່ງຜົນໃຫ້ມີຜູ້ເສຍຊີວິດຢ່າງໜ້ອຍ 14 ຄົນ.

ກົມອຸຕຸນິຍົມວິທະຍາແຫ່ງຊາດເຕືອນວ່າ ອາກາດຈະໜາວເຢັນຈົນເປັນອັນຕະລາຍເຖິງຊີວິດເມື່ອວັນຈັນວານນີ້, ໂດຍອຸນຫະພູມຈະຫຼຸດລົງເຖິງ -51 ອົງສາແຊລຊຽສ ໃນບາງສ່ວນຂອງລັດ ດາໂກຕາເໜືອ ແລະ -46 ອົງສາແຊລຊຽສ ໃນບາງສ່ວນຂອງລັດ ມອນທານາ. ຄາດວ່າຕອນເຊົ້າວັນອັງຄານມື້ນີ້ຈະໜາວກວ່ານີ້.

ມີການອອກຄຳເຕືອນ ກ່ຽວກັບ ສະພາບອາກາດເຢັນຮຸນແຮງສຳລັບພື້ນທີ 11 ລັດຂອງ ສະຫະລັດ ນັບຕັ້ງແຕ່ຊາຍແດນ ການາດາ ໄປຈົນເຖິງລັດ ໂອກາລາໂຮມາ ແລະ ເທັກຊັສ ຕອນກາງ ໂດຍຄາດວ່າຄື້ນຄວາມໜາວຂົ້ວໂລກຈະນຳເອົາອຸຫະພູມທີ່ໜາວເຢັນເກືອບເປັນປະຫວັດການມາ ແລະ ລົມໜາວອຸນຫະພູມບໍ່ເຖິງ 10 ອົງສາໃນກາງອາທິດ.

ບັນດານັກອຸຕຸນິຍົມວິທະຍາໄດ້ຄາດການວ່າ ພື້ນທີ່ບາງສ່ວນຂອງ ສະຫະລັດ ຈະປະສົບກັບປາກົດການກະແສລົມຈາກຂົ້ວໂລກຄັ້ງທີ 10 ແລະ ໜາວທີ່ສຸດໃນລະດູການນີ້. ແຮງລົມໃນຂົ້ວໂລກກຳລັງຜັກດັນອາກາດໜາວເຢັນ ຊຶ່ງປົກກະຕິຈະຢູ່ໃນຂົ້ວໂລກເໜືອ ໃຫ້ພັດເຂົ້າມາຍັງ ສະຫະລັດ ແລະ ຢູໂຣບ.

ລັດເຄັນຕັກກີ ແລະ ເຂດພູຂອງ ສະຫະລັດ ກໍໄດ້ປະເຊີນກັບໄພນ້ຳຖ້ວມ ເຊິ່ງມີຜູ້ເສຍຊີວິດຢ່າງໜ້ອຍ 13 ຄົນ.

ຜູ້ປົກຄອງລັດ ເຄັນຕັກກີ ທ່ານ ແອັນດີ ເບເຊຍ ໄດ້ກ່າວໃນຄືນວັນຈັນວານນີ້ວ່າ ຈຳນວນຜູ້ເສຍຊີວິດສູງສຸດໃນລັດເຄັນຕັກກີ ທີ່ໄດ້ຮັບຜົນກະທົບຈາກນ້ຳຖ້ວມໄດ້ເພີ່ມຂຶ້ນເປັນ 12 ຄົນ. ອຸບັດຕິເຫດທາງລົດຍົນ 2 ຄັ້ງທີ່ມີຜູ້ເສຍຊີວິດແມ່ນເຊື່ອມໂຍງກັບສະພາບອາກາດຮ້າຍແຮງ, ທ່ານກ່າວວ່າ, ແລະ ປະຊາຊົນຢ່າງໜ້ອຍ 1,000 ຄົນທີ່ຕິດຄ້າງຢູ່ທ່າມກາງນໍ້າຖ້ວມຕ້ອງໄດ້ຮັບການຊ່ວຍເຫຼືອອອກມາ.

ຫຼາຍພາກສ່ວນຂອງລັດ ເຄັນຕັກກີ ແລະ ເທັນເນັສຊີ ໄດ້ຮັບຝົນຕົກເຖິງ 15 ຊັງຕີແມັດຈາກພາຍຸທີ່ຮຸນແຮງທີ່ໄດ້ພັດຜ່ານພາກໃຕ້. ນ້ຳໄດ້ຖ້ວມລົດ ແລະ ຕຶກຫຼາຍຫຼັງໃນລັດ ເຄັນຕັກກີ ແລະ ດິນຕົມເຈື່ອນໄດ້ປິດກັ້ນຖະໜົນຫຼາຍສາຍໃນລັດ ເວີຈິເນຍ.

ໃນລັດ ເວີຈິເນຍ ຕາເວັນຕົກ, ບ່ອນທີ່ມີການຢືນຢັນຜູ້ເສຍຊີວິດ 1 ລາຍ ພ້ອມກັບຫຼາຍຄົນຍັງຫາຍສາບສູນຢູ່ນັ້ນ, ຜູ້ປົກຄອງລັດ ທ່ານ ແພັດທຣິກ ມໍຣິຊີ ໄດ້ຂໍໃຫ້ປະທານາທິບໍດີ ດໍໂນລ ທຣຳ ປະກາດແຈ້ງການໄພພິບັດສຳລັບ 13 ເມືອງໃນພາກພື້ນທີ່ຖືກທຳລາຍໂດຍນ້ຳຖ້ວມ.

ໃກ້ກັບເມືອງ ໂລແກນ, ລັດ ເວີຈິເນຍຕາເວັນຕົກ, ບັນດາເຈົ້າໜ້າທີ່ໄດ້ຕອບສະໜອງຕໍ່ການຮົ່ວໄຫຼຂອງນ້ຳທີ່ເປັນກົດຈາກບໍ່ຖ່ານຫີນທີ່ຖືກປະຖິ້ມ. ການລະເບີດບໍ່ແຮ່ໄດ້ສ້າງຄວາມເສຍຫາຍຕໍ່ຖະຫນົນນຶ່ງເສັ້ນ, ເຮັດໃຫ້ບໍ່ສາມາດເດີນທາງຜ່ານໄດ້, ບັນດາເຈົ້າໜ້າທີ່ກົມດັບເພີງກ່າວ.

ໃນນະຄອນ ແອັດແລນຕ້າ ລັດ ຈໍເຈຍ, ນຶ່ງຄົນໄດ້ເສຍຊີວິດເວລາທີ່ຕົ້ນໄມ້ໃຫຍ່ຕົ້ນນຶ່ງໄດ້ລົ້ມທັບເຮືອນເມື່ອຕອນເຊົ້າວັນອາທິດທີ່ຜ່ານມາ.

ຄຳເຕືອນໄພນ້ຳຖ້ວມໄດ້ຕໍ່ເວລາອອກມາຮອດວັນຈັນວານນີ້ ໃນທົ່ວພື້ນທີ່ສ່ວນໃຫຍ່ຂອງລັດເຄັນຕັກກີ ແລະ ຫຼາຍພາກສ່ວນຂອງລັດ ອາແຄນຊໍ, ເທັນເນັສຊີ, ມິສຊິສຊິບປີ, ອາລາບາມາ, ເວີຈິເນຍຕາເວັນຕົກ, ເວີຈິເນຍ ແລະ ໂອໄຮໂອ.

ອາກາດໜາວຈັດ ໄດ້ເຮັດໃຫ້ ສະຫະລັດ ຮູ້ສຶກຄືກັບຢູ່ຂົ້ວໂລກ.

ອ່ານ​ຂ່າວນີ້​ເປັນ​ພາ​ສາ​ອັງ​ກິດ

Harsh cold descended on the nation's midsection Monday as a polar vortex gripped the Rockies and Northern Plains on the heels of weekend storms that pummeled the Eastern U.S. with floods, killing at least 14 people.

The National Weather Service warned of “life-threatening cold” as wind chills dropped to minus 51 Celsius in parts of North Dakota on Monday and minus 46 C in parts of Montana. Tuesday morning was forecast to be even colder.

Extreme cold warnings were issued for an 11-state swath of the U.S. stretching from the Canadian border to Oklahoma and central Texas, where the Arctic front was expected to bring near-record cold temperatures and wind chills in the single digits by midweek.

Meteorologists had predicted that parts of the U.S. would experience the 10th and coldest polar vortex event this season. Weather forces in the Arctic are pushing chilly air that usually stays near the North Pole into the U.S. and Europe.

Kentucky, Appalachia battered by flooding with at least 13 dead

The death toll in flood-battered Kentucky rose to 12, Gov. Andy Beshear said Monday night. Two fatal vehicle crashes were connected to the severe weather, he said, and at least 1,000 people stranded by floods had to be rescued.

Parts of Kentucky and Tennessee received up to 15 centimeters of rain as severe storms swept across the South. Water submerged cars and buildings in Kentucky and mudslides blocked roads in Virginia.

In West Virginia, where there was one confirmed fatality with several people still missing, Gov. Patrick Morrisey asked President Donald Trump to issue a disaster declaration for a 13-county region ravaged by flooding.

Near Logan, West Virginia, authorities responded Monday night to the spill of acidic water from an abandoned coal mine. The mine blowout damaged a road, making it impassable, fire officials said.

In Atlanta, a person was killed when a large tree fell on a home early Sunday.

Flood warnings were extended Monday across most of Kentucky and portions of Arkansas, Tennessee, Mississippi, Alabama, West Virginia, Virginia and Ohio.

Extreme cold gives the U.S. a taste of the Arctic.