ຊາວລີເບຍ ກໍາລັງພາກັນໄປປ່ອນບັດ ໃນການເລືອກຕັ້ງທີ່ມີຫຼາຍພັກການ ເມືອງເຂົ້າຮ່ວມ
ຄັ້ງທໍາອິດ ໃນຮອບ 60 ປີ.
ໃນວັນເສົາມື້ນີ້ ບັນດາຜູ້ມີສິດປ່ອນບັດພາກັນເລືອກຜູ້ສະມັກເພື່ອເຂົ້າໄປນັ່ງ ໃນສະພາແຫ່ງ
ຊາດ ທີ່ມີທັງໝົດ 200 ບ່ອນນັ່ງ. ສະພາດັ່ງກ່າວຈະຈັດຕັ້ງ ລັດຖະບານຊົ່ວຄາວແລະຮ່າງລັດ
ຖະທໍາມະນູນ ກ່ອນຈະມີການເລືອກຕັ້ງສະພາທີ່ມີອຳນາດສົມບູນ ທີ່ກໍາໜົດໄວ້ໃນປີໜ້າ.
ກໍາລັງຮັກສາຄວາມປອດໄພ ຢືນຍາມຢູ່ຕາມໜ່ວຍເລືອກຕັ້ງເພື່ອປ້ອງກັນບໍ່ ໃຫ້ເກີດຄວາມ
ຮຸນແຮງໃດໆກໍຕາມ.
ພວກເຈົ້າໜ້າທີ່ລີເບຍກ່າວວ່າ ພວກປະທ້ວງໄດ້ພາກັນລົບກວນໜ່ວຍປ່ອນບັດບາງແຫ່ງໃນ
ພາກຕາເວັນອອກຂອງລີເບຍ ຮວມທັງເມືອງ Benghazi ແລະ ເມືອງ Ajdabiya. ບາງກຸ່ມ
ຖົກຖຽງໂຕ້ແຍ້ງວ່າ ພວກເຈົ້າໜ້າທີ່ ໃນນະຄອນ ຫຼວງ Triopoli ບໍ່ໄດ້ເອົາໃຈໃສ່ພຽງພໍຕໍ່
ພາກຕາເວັນອອກຂອງປະເທດແລະ ຕ້ອງການໃຫ້ເຂດດັ່ງກ່າວມີອຳນາດຕື່ມຂຶ້ນ.
ການປ່ອນບັດໄດ້ມີຂື້ນບໍ່ຮອດນຶ່ງປີ ຫລັງຈາກມື້ລາງຜູ້ນໍາອັນຍາວນານ ທ່ານ Moammar
Gadhafi ໄດ້ເສຍຊີວິດ ຫລັງຈາກທີ່ໄດ້ຖືກຈັບໂດຍພວກນັກລົບຕໍ່ຕ້ານກັບລັດຖະບານ. ພວກ
ປ່ອນບັດບາງຄົນ ໄດ້ພາກັນໃຊ້ທຸງຊາດໃໝ່ຂອງລີເບຍ ທີ່ມີສີແດງ ຂຽວ ແລະດຳນັ້ນ ຫຸ້ມຫໍ່
ໂຕເຂົາເຈົ້າ.
ຫລາຍກວ່າ 140 ພັກ ແລະກຸ່ມນ້ອຍໆອີກຈຳນວນນຶ່ງ ໄດ້ທໍາການໂຄສະນາຫາສຽງເລືອກ
ຕັ້ງຄັ້ງນີ້. ນັກວິເຄາະຄາດວ່າ ກຸ່ມສາສະໜາອິສລາມຈະປະສົບຜົນດີ ພ້ອມໆກັບກຸ່ມເຈົ້າໜ້າ
ທີ່ທີ່ບໍ່ຝັກໄຝດ້ານສາສະໜາ ທີ່ໄດ້ມີບົດບາດໃນການປ່ຽນແປງ ໃນຍຸກຫຼັງ Gadhafi.