ເຮລິຄອບເຕີ້ລຳນຶ່ງທີ່ບັນທຸກ ບັນດາສະມາຊິກລັດຖະບານ
ອິສລາມ ຂອງລີເບຍ ທີ່ມີຫ້ອງການຕັ້ງຢູ່ໃນນະຄອນ Tripoli
ຖືກຍິງຕົກ ໃນວັນອັງ ຄານວານນີ້ ເຮັດໃຫ້ມີຢ່າງໜ້ອຍ 9 ຄົນ
ເສຍຊີວິດ.
ຍັງບໍ່ຈະແຈ້ງເທື່ອວ່າ ມີຈັກຄົນຢູ່ເທິງເຮືອບິນເຮລິຄອບເຕີ້ນັ້ນ
ແຕ່ບັນດາເຈົ້າໜ້າທີ່ ກ່າວວ່າ ພວກເຂົາເຈົ້າ ບໍ່ຄາດວ່າ ຈະພົບ
ເຫັນຜູ້ລອດຊີວິດມາໄດ້ ໃດໆເລີຍ.
ເຮລິຄອບເຕີ້ລຳດັ່ງກ່າວ ໄດ້ບິນອອກຈາກ ນະຄອນ Tripoli
ແລະ ໄດ້ຕົກລົງໃສ່ທະເລ ທາງພາກຕາເວັນຕົກຂອງເມືອງ
Almaya.
ກຸ່ມອິສລາມ ໄດ້ຖິ້ມໂທດໃສ່ລັດຖະບານ ທີ່ເປັນຄູ່ປໍລະປັກ ທີ່ມີທີ່ໝັ້ນຢູ່ ເມືອງ Tobruk
ວ່າ ເປັນຜູ້ຍິງເຮລິຄອບເຕີ້ຕົກ. ບັນດາເຈົ້າໜ້າທີ່ ຢູ່ ເມືອງ Tobruk ປະຕິເສດວ່າ ຕົນ
ບໍ່ມີຄວາມຮັບຜິດຊອບຫຍັງໝົດ.
ລີເບຍ ໄດ້ຖືກແບ່ງແຍກ ລະຫວ່າງລັດຖະບານອິສລາມ ທີ່ໄດ້ຢຶດເອົານະຄອນ Tripoli
ແລະ ບັນດານສະມາຊິກສະພາ ທີ່ຮັບຮູ້ໂດຍນາໆຊາດ ທີ່ໄດ້ຫລົບໜີໄປຢູ່ເມືອງ Tobruk ທາງພາກຕາເວັນອອກຂອງປະເທດ.
ການດຳເນີນຄວາມພະຍາຍາມຂອງອົງການສະຫະປະຊາຊາດ ເພື່ອ ໄກ່ເກ່ຍ ໃຫ້ມີ
ລັດຖະບານສາມັກຄີຊາດນັ້ນ ມາເຖິງບັດນີ້ ຍັງບໍ່ທັນປະ ສົບຄວາມສຳເລັດເທື່ອ.
ລີເບຍ ໄດ້ຕົກຢູ່ໃນສະພາບວຸ້ນວາຍ ແລະ ການເມືອງທີ່ບໍ່ແນ່ນອນນັບ ຕັ້ງແຕ່ຈອມ
ຜະເດັດການ Moammar Gadhafi ໄດ້ຖືກໂຄ່ນລົ້ມແລະ ໄດ້ຖືກຂ້າຕາຍ ໃນປີ 2011
ເປັນຕົ້ນມາ.
