ລິ້ງ ສຳຫລັບເຂົ້າຫາ

ສະພາແຫ່ງຊາດລີເບຍ ປົດ ນາຍົກລັດມົນຕີ ຮັກສາການ ຊົ່ວຄາວ


ນາຍົກລັດຖະມົນຕີຮັກສາການຊົ່ວຄາວຂອງລີເບຍ ທ່ານ Mustafa Abu Shagour (ຂວາ) ພົບປະສົນທະນາກັບທ່ານ William Burns ຮອງລັດຖະມົນຕີການຕ່າງປະເທດສະຫະລັດ ຢູ່ນະຄອນຫລວງ Tripoli, ວັນທີ 20 ກັນຍາ 2012.
ສະພາ​ຜູ້​ແທນລີ​ເບຍ ​ໄດ້​ປົດ ນາຍົກລັດຖະມົນຕີຊົ່ວຄາວ​ອອກ​
ຈາກ​ຕໍາແໜ່​ງ ​ໂດຍ​ການ​ລົງ​ຄະແນນ​ສຽງ​ວ່າ ບໍ່​ມີ​ຄວາມເຊື່ອ​ໝັ້ນ​
ໃນ​ຄະນະ​ລັດຖະບານ ທີ່​ທ່ານ​ສະ​ເໜີ​ຂຶ້ນ​ມາ​ນັ້ນ ຊຶ່ງ​ສົ່ງ​ຜົນ​ໃຫ້​ມີ​
ການ​ລ່າ​ຊ້າ​ຕໍ່​ໄປ​ອີກ ​ໃນການ​ດໍາ​ເນີນ​ຄວາມ​ພະຍາຍາມ​ ເພື່ອ
ປະ​ກອບ​ລັດຖະບານ ທີ່​ມີ​ຄວາມ​ສາມາດທີ່​ຈະເຕົ້າ​ໂຮມ ​ແລະ
ນໍາ​ເອົາ​ສະຖຽນ​ລະ​ພາບ ​ມາສູ່​ປະ​ເທດຊາດ​ທີ່ຖືກສົງຄາມທໍາ
ລາຍນັ້ນ​.

ສະພາ​ແຫ່ງ​ຊາດ​ຂອງລີ​ເບຍ ​ໄດ້​ປະຕິ​ເສດ ລາຍ​ຊື່ຄະນະລັດຖະ
ບານ​ຂອງ ນາຍົກລັດຖະມົນຕີ Mustafa Abushagur ​ໃນ​ວັນ​
ອາທິດ​ວານ​ນີ້ ​ໂດຍ​ການ​ລົງ​ຄະ​ແນນ ​125 ​ຕໍ່ 44 ສຽງ ​ແລະ​ມີ​ຜູ້
​ບໍ່​ອອກສຽງ​ຫລາຍຄົນ ຊື່​ງ​ເປັນ​ຜົນ​ໃຫ້​ທ່ານ​ຖືກ​ປົດ​ຈາກ​ຕໍາ​ແໜ່​ງ.

ທ່ານໄດ້ສ​ະເໜີລາຍ​ຊື່​ລັດຖະມົນຕີ 10 ຄົນ ​ໃຫ້​ພວກ​ຜູ້ແທນ​ຮັບ​ພິຈາລະນາ ຊຶ່ງ​ແມ່ນ​ຕັດ​ລົງ​ມາ​ຈາກ 29 ຄົນໃນ​ລາຍ​ຊື່​ອັນ​ທໍາ​ອິດ ​ທີ່​ທ່ານໄດ້​ສະ​ເໜີໄປໃນ​ອາທິດ​ແລ້ວ​ນີ້.

ສະພາ​ແຫ່ງ​ຊາດລີ​ເບຍ​ໄດ້ເລືອກ​ເອົາ ທ່ານ Abushagur ​ເປັນ​ນາຍົກລັດຖະມົນ​ຕີ ​ໃນ​ເດືອນ​ແລ້ວ​ນີ້ ​ແລະ​ໃຫ້​ເວລາທ່ານຫລາຍ​ໆອາທິດ ​ເພື່ອ​ປະກອບ​ຄະນະ​ລັດຖະບານຂຶ້ນ.

ທ່ານໄດ້​ລົບ​ລ້າງ ລາຍ​ຊື່ຄະນະ​ລັດ​ຖະ​ມົນ​ຕີ ຊຸດ​ທໍາ​ອິດ​ຂອງ​ທ່ານ​ໃນ​ວັນ​ພະຫັດ​ແລ້ວ​ນີ້ ຫລັງ​ຈາກ​ມີພວກ​ປະ​ທ້ວງ​ 100 ກວ່າຄົນ​ ຈາກເມືອງ Zawiya ທາງພາກຕາ​ເວັນ​ຕົກຂອງລີ​ເບຍ​ ​ພາກັນບຸກ​ເຂົ້າ​ໄປ​ໃນ​ສະພາ ​ເພື່ອ​ຕໍ່ວ່າ ທີ່ປະຊາ​ຄົມ​ຂອງ​ເຂົາ​ເຈົ້າ​ບໍ່​ໄດ້ມີ​ຜູ້ຕາງໜ້າ​ຢ່າງ​ພຽງ
ພໍ ​ໃນ​ຄະນະ​ລັດຖະບານ​ ທີ່​ທ່ານ​ສະ​ເໜີ​ຂຶ້ນ​ມາ.
XS
SM
MD
LG