ນັກໂທດ ຫລາຍກ່ວາ 1 ພັນຄົນ ໂຕນໜີ ຈາກຄຸກ ໃນລີເບຍ

ນັກໂທດຫລາຍກ່ວາ 1 ພັນຄົນ ໄດ້ພາກັນໂຕນໜີຈາກຄຸກ
ຢູ່ໃກ້ເມືອງ Benghazi ທາງພາກຕາເວັນອອກຂອງລີເບຍ. ການໂຕນຄຸກຄັ້ງໃຫຍ່ດັ່ງກ່າວ ເກີດຂຶ້ນໃນຂະນະທີ່ພວກ ປະທ້ວງພາກັນຖະຫລົ່ມຫ້ອງການຂອງພັກການເມືອງຕ່າງໆ
ຢູ່ທົ່ວລີເບຍ.

ຍັງບໍ່ມີໃຜຮູ້ຢ່າງຈະແຈ້ງໃນທັນທີເທື່ອວ່າ ການ​ໂຕນຄຸກ
Al-Kuifiya ໃນວັນເສົາວານນີ້ ມີການເຊື່ອມໂຍງກັນກັບ
ການປະທ້ວງເຫລົ່ານັ້ນຫລືບໍ່ ຫລືວ່າພວກນັກ​ໂທດໄດ້ຮັບ
ການຊ່ວຍ ເຫລືອຈາກຂ້າງນອກ.

ໃນ​ການ​ຖະ​ແຫລ​ງຕໍ່​ນັກ​ຂ່າວ​ກ່ຽວ​ກັບ​ເລື້ອງ​ນີ້ ນາຍົກ​ລັດຖະມົນຕີ Ali Zidan ຖິ້ມ​ໂທດ​
ໃສ່​ປະຊາຊົນ ທີ່​ມີ​ບ້ານ​ເຮືອນ​ຢູ່​ອ້ອມ​ແອ້ມ​ຄຸກ ທີ່​ບໍ່​ຢາກ​ໃຫ້​ມີ​ຄຸກ​ຢູ່​ໃນ​ຄຸ້ມ​ຂອງ​ເຂົາເຈົ້າ.

ໃນຂະນະດຽວກັນ ຊາວລີເບຍຫລາຍພັນຄົນ ໄດ້ພາກັນປະທ້ວງຢູ່ໃນເມືອງ Tripoli
ແລະ Benghazi ຕ້ານພັກການເມືອງຕ່າງໆ ລວມທັງ ພັກພະລາດອນພາບມຸສລິມ ທີ່
ເຂົາເຈົ້າໄດ້ຖິ້ມໂທດໃສ່ວ່າພາໃຫ້ມີກະແສຟອງຂອງການກໍ່ຄວາມຮຸນແຮງ ຢູ່ໃນປະເທດ.

ພວກປະທ້ວງບາງຄົນໄດ້ຖະຫລົ່ມສໍານັກງານຂອງພັກການເມືອງທີ່ເປັນພັນທະມິດກັບ ພັກພະລາດອນພາບມຸສລິມ ແລະອີກພັກນຶ່ງທີ່ເປັນພັນທະມິດກັບພວກນັບຖືສາສະໜາ ອິສລາມຢ່າງ​ເຄ່ງ​ຄັດ ຢູ່​ນະຄອນຫລວງ Tripoli ຊຶ່ງ​ເຂົາ​ເຈົ້າໄດ້ທໍາລາຍໂຕະຕັ່ງແລະ ເຄື່ອງຂອງຕ່າງໆ ຢູ່ໃນຫ້ອງການນັ້ນ. ນອກນັ້ນ ພວກທີ່ເຫັນເຫດການເວົ້າວ່າ ພວກປະ
ທ້ວງຍັງໄດ້ຖະຫລົ່ມຫ້ອງການຂອງພັກພະລາດອນພາບມຸສລິມຢູ່ນະຄອນ Benghazi ອີກດ້ວຍ.