ລິ້ງ ສຳຫລັບເຂົ້າຫາ

ປະທານາທິບໍດີອາຟຣິກາໃຕ້ ເດີນທາງໄປລີເບຍ.

  • ສິງ ບູຣົມມະວົງ

ຮູບພາບລົດທີ່ພວມລຽນຄີວກັນຢ່າງຍືດຍາວ ເພື່ອລໍຖ້າຊື້ນໍ້າມັນ ຢູ່ປໍ້ານໍ້າມັນແຫ່ງນຶ່ງ ໃນກຸງຕຣີໂປລີ, ລີເບຍ, ວັນອາທິດ ທີ 29 ພຶດສະພາ 2011

ປະທານາທິບໍດີ Jacob Zuma ​ແຫ່ງ​ອາ​ຟຣິກາ​ໃຕ້ມີ
ກໍານົດ​ເດີນທາງ​ໄປ​ຮອດ​ລີ​ເບຍ​ໃນ​ວັນ​ຈັນ​ມື້​ນີ້ ​ເພື່ອ​ພະ
ຍາຍາມ​ໄກ່​ເກ່ຍຂໍ້​ຕົກລົງ​ຢຸດ​ຍິງ​ລະຫວ່າງ​ກໍາລັງ​ຂອງ​
ມວມມາ​ ກາດ​ດາ​ຟີ ຜູ້​ນໍາ​ລີ​ເບຍ​ແລະ​ພວກ​ກະບົດ ​ທີ່
ຮຽກຮ້ອງ​ໃຫ້ທ່ານ​ກາດ​ດາ​ຟີ​ລາ​ອອກ​ຈາກ​ອໍານາດນັ້ນ.

ທ່ານ Zuma ຈະ​ເດີນທາງ​ໄປ​ຍັງ​ນະຄອນຫລວງ​ຕຣີ​ໂປ
​ລີ ​ໃນ​ນາມສະຫະພາບ​ອາ​ຟຣິກາ ​ຊຶ່ງເປັນ​ຄັ້ງ​ທີ​ສອງ​
ຂອງ​ທ່ານ​ ນັບ​ແຕ່ບັນຫາ​ຂັດ​ແຍ້​ງ​ໄດ້​ເລີ້ມ​ຂຶ້ນ​ມາ.

ໃນ​ວັນ​ຈັນ​ມື້​ນີ້​ເຊ່ນ​ກັນ ທ່ານ Anders Fogh Rasmussen ​ເລຂາທິການ​ໃຫຍ່​ອົງການ​ເນ​ໂຕ້ ກ່າວ​ວ່າ ການ​ໂຈມ​ຕີ​ທາງ​ທະຫານ​ໃນ​ລີ​ເບຍ​ກໍາລັງ​ໄດ້​ບັນລຸ​ເປົ້າ​ໝາຍ ​ແລະ​ການ​ປົກຄອງໂດຍ​ການ​ກົດ​ຂີ່​ສ້າງ​ຄວາມຢ້ານ​ກົວ​ຂອງ​ກາດ​ດາ​ຟີ ​ກໍາລັງ​ຈະ​ສິ້ນ​ສຸດ​ລົງ​ແລ້ວ.

ກໍາລັງ​ຂອງ​ກຸ່ມ​ເນ​ໂຕ້​ໄດ້​ທໍາ​ການ​ໂຈມ​ຕີ​ທາງ​ອາກາດ​ໃນ​ລີ​ເບຍ ມາ​ໄດ້ ເກືອບ 2 ​ເດືອນ​ແລ້ວ ​ພາຍ​ໃຕ້​ມະຕິ​ຂອງ​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ​ ເພື່ອ​ປົກ​ປ້ອງ​ພວກ​ພົນລະ​ເຮືອນ​ຈາກ​ການ​ໂຈມ​ຕີ​ຂອງ​ທະຫານ​ຂອງກາດ​ດາ​ຟີນັ້ນ.

ທ່ານ Rasmussen ກ່າວ​ຕໍ່​ກອງ​ປະຊຸມບັ້ນ​ນຶ່ງຂອງ​ກຸ່ມ​ເນ​ໂຕ້​ທີ່​ປະ​ເທດ Bulgaria ວ່າ ການ​ໂຈມ​ຕີ​ທາງ​ອາກາດ​ໄດ້​ລົດ​ຜ່ອນ​ຄວາມ​ ສາມາດ​ຂອງ​ທ່ານ​ກາດ​ດາ​ຟີ​ ​ໃນ​ການ​ສັງຫານ​ປະຊາຊົນ​ຂອງ​ຕົນ​ເອງ​ນັ້ນ ລົງ​ຢ່າງ​ຫລວງຫລາຍ ແຕ່​ກ່າວ​ວ່າ​ ກຸ່ມ​ເນ​ໂຕ້ຈະ​ສືບ​ຕໍ່​ດໍາ​ເນີນ​ການໂຈມ​ຕີ​ຕໍ່​ໄປ​ ຈົນ​ກວ່າ​ການ​ໂຈມ​ຕີ​ຕ່າງໆ​ທັງ​ໝົດ​ຕໍ່​ພວກ​ພົນລະ​ເຮືອນ​ ຍຸດຕິ​ລົງ.

XS
SM
MD
LG