ລິ້ງ ສຳຫລັບເຂົ້າຫາ

ວັນເສົາ, ໐໒ ມີນາ ໒໐໒໔

ຕຳຫຼວດສາກົນ ອອກປະກາດ ຈັບລູກຊາຍ Gadhafi


ທ້າວ Saadi Gadhafi ລູກຊາຍທ່ານກາດດາຟີ ໃນລະຫວ່າງການຖະແຫຼງຂ່າວ ຢູ່ທີ່ຫ້ອງການຂອງລາວ ໃນກຸງຕຣີໂປລີ ເມື່ອວັນທີ 31 ມັງກອນ ປີ 2010
ທ້າວ Saadi Gadhafi ລູກຊາຍທ່ານກາດດາຟີ ໃນລະຫວ່າງການຖະແຫຼງຂ່າວ ຢູ່ທີ່ຫ້ອງການຂອງລາວ ໃນກຸງຕຣີໂປລີ ເມື່ອວັນທີ 31 ມັງກອນ ປີ 2010

ຕຳຫຼວດສາກົນໄດ້ອອກປະກາດໄປຍັງນາໆຊາດເພື່ອຂໍຄວາມຊ່ອຍເຫຼືອໃນການຊອກຫາແລະ
ຈັບກຸມທ້າວ Saadi ລູກຊາຍຂອງທ່ານ Muammar Gadhafi ອະດີດຜູ້ນຳລີເບຍນັ້ນ.

ອົງການຕຳຫຼວດສາກົນກ່າວໃນວັນພະຫັດມື້ນີ້ວ່າ ຕົນໄດ້ອອກປະກາດສີແດງຕາມການຮ້ອງ
ຂໍຂອງອຳນາດການປົກຄອງຊົ່ວຄາວໃນລີເບຍ ບ່ອນທີ່ໄດ້ມີການອອກໝາຍຈັບທ້າວ Saadi
Gadhafi.

ຕຳຫຼວດສາກົນເວົ້າວ່າ ທາງການລີເບຍຕ້ອງການໂຕທ້າວ Saadi ໃນຂໍ້ຫາຍັກຍອກຊັບສິນ
ແລະພົວພັນນຳການໃຊ້ອາວຸດຂົ່ມຂູ່ເວລາຜູ້ກ່ຽວເປັນຫົວໜ້າສະຫະພັນເຕາະບານລີເບຍ.

ອົງການຕຳຫຼວດສາກົນເວົ້າວ່າ ຕົນໄດ້ຮັບການຢືນຢັນກ່ຽວກັບລາຍງານຂ່າວທີ່ວ່າໄດ້ມີການ
ພົບເຫັນທ້າວ Saadi Gadhafi ເທື່ອລ່າສຸດທີ່ປະເທດ Niger. ຄຳປະກາດທີ່ອອກໃນວັນ
ພະຫັດມື້ນີ້ແມ່ນເພື່ອຊ່ອຍບັນດາປະເທດຢູ່ໃນຂົງເຂດແລະປະເທດທີ່ມີການເດີນທາງຕິດຕໍ່ກັບ
Niger ໂດຍຢາກໃຫ້ສົ່ງໂຕຜູ້ກ່ຽວກັບຄືນໄປຍັງລີເບຍຖ້າຫາກຖືກຈັບໄດ້.

Niger ກ່າວເມື່ອ 2 ອາທິດກ່ອນນັ້ນວ່າ ຕົນໄດ້ຄວບຄຸມໂຕທ້າວ Saadi Gadhafi ໄວ້ແລະ ຈະບໍ່ສົ່ງໂຕຜູ້ກ່ຽວກັບຄືນໄປລີເບຍ.

ນອກນັ້ນ ອົງການຕຳຫຼວດສາກົນຍັງໄດ້ອອກປະກາດທີ່ຄ້າຍຄືກັນໄປຍັງນາໆຊາດ ເມື່ອຕົ້ນ
ເດືອນນີ້ ເພື່ອໃຫ້ຈັບທ່ານ Gadhafi ລູກຊາຍອີກຜູ້ນຶ່ງຂອງທ່ານ ຄືທ້າວ Saif al-Islam ແລະອະດີດຫົວໜ້າສືບລັບຂອງລີເບຍ.

ທ່ານ Gadhafi ຢູ່ໃສແທ້ໃນເວລານີ້ຍັງບໍ່ມີໃຜຮູ້ຂະນະທີ່ກອງກຳລັງຂອງສະພາປົກຄອງໄລ
ຍະຂ້າມຜ່ານແຫ່ງຊາດລີເບຍ ຍັງສືບຕໍ່ປະທະກັນ ກັບພວກທີ່ຈົງຮັກພັກດີ ຕໍ່ທ່ານ ທີ່ເມືອງ
Sirte ແລະເມືອງ Bani Walid ທີ່ໝັ້ນ 2 ແຫ່ງທີ່ຍັງເຫຼືອຢູ່ຂອງທ່ານນັ້ນ.

XS
SM
MD
LG