ລິ້ງ ສຳຫລັບເຂົ້າຫາ

logo-print

ການສູ້ລົບກັນໃນລີເບຍ ຍັງດຳເນີນຕໍ່ມາ ອ້ອມແອ້ມ ເມືອງ Bani Walid


ພວກນັກລົບຕໍ່ຕ້ານ Gaddafi ຢູ່ທີ່ໝັ້ນແຫ່ງນຶ່ງ ທາງກໍ້າເໜືອຂອງເມືອງ Bani Walid ກ່ອນອອກໄປສູ້ລົບໃນ ເຂດແນວໜ້າ (10 ກັນຍາ 2011)

ພວກນັກລົບຂອງລັດຖະບານຊົ່ວຄາວລີເບຍ ຍັງສືບຕໍ່ທຳການສູ້ລົບກັບພວກທີ່ຈົງຮັກພັກດີຕໍ່
ທ່ານ Moammar Gadhafi ໃນວັນເສົາມື້ນີ້ທີ່ເມືອງ Bani Walid ທີ່ໝັ້ນຂອງອະດີດຜູ້
ນຳລີເບຍ.

ສະພາປົກຄອງໄລຍະຂ້າມຜ່ານແຫ່ງຊາດລີເບຍຫຼື NTC ກ່າວວ່ານັກລົບຂອງຕົນ 3 ຄົນໄດ້
ເສຍຊີວິດໃນວັນເສົາມື້ນີ້ແລະຜູ້ສື່ຂ່າວຂອງ VOA ນາງ Elizabet Arrott ທີ່ຢູ່ໃນເມືອງດັ່ງ
ກ່າວເວົ້າວ່າກຳລັງຂອງ Gadhafi ໄດ້ຍິງຈະຫຼວດ ແລະພວກມືປືນຍັງສືບຕໍ່ລະດົມຍິງຢູ່ໃນບໍ
ລິເວນອ້ອມແອ້ມເມືອງ. ມີການແນມເຫັນລົດໂຮງໝໍທັງແລ່ນເຂົ້າແລະອອກເມືອງດັ່ງກ່າວນີ້.

ສະພາ NTC ເວົ້າວ່າ ພວກນັກລົບຂອງຕົນໄດ້ບຸກເຂົ້າໄປໃນເມືອງ Bani Walid ໃນມື້ວັນ
ສຸກວານນີ້ຍ້ອນວ່າກຳລັງທີ່ຈົງຮັກພັກດີຕໍ່ Gadhafi ໄດ້ຍິງຈະຫຼວດອອກມາໃສ່ພວກເຂົາເຈົ້າ
ແລະວ່າ ນັກລົບຄົນນຶ່ງ ຂອງສະພາປົກຄອງໃນໄລຍະຂ້າມຜ່ານ ແລະພວກທີ່ຈົງຮັກພັກດີຕໍ່
Gadhafi 3 ຄົນໄດ້ເສຍຊີວິດໃນການສູ້ລົບກັນທີ່ດຳເນີນຢູ່ຕໍ່ມາ.

ໃນຕົ້ນອາທິດນີ້ ເຈົ້າໜາທີ່ຂອງລັດຖະບານຊົ່ວຄາວ ໄດ້ໃຫ້ເວລາແກ່ພວກທີ່ຈົງຮັກພັກດີຕໍ່
ທ່ານ Gadhafi ຈົນຮອດວັນເສົາມື້ນີ້ ເພື່ອໃຫ້ຍອມຈຳນົນ ເຂດທີ່ໝັ້ນທີ່ຍັງເຫຼືອຢູ່ບໍ່ພໍເທົ່າ
ໃດແຫ່ງ. ສະພາ NTC ເວົ້າວ່ວາ ຕົນຢາກຫຼີກລ້ຽງການປະຕິບັດງານທາງທະຫານທີ່ອາດ ເຮັດໃຫ້ປະຊາຊົນຕົກຢູ່ໃນອັນຕະລາຍ.

ທັງໆທີ່ໄດ້ເກີດຄວາມຮຸນແຮງໃນວັນເສົາມື້ນີ້ ໂຄສົກຄົນນຶ່ງຂອງ NTC ກ່າວວ່າ ຍັງບໍ່ທັນ ເປັນການຊ້າຈົນເກີນໄປສຳລັບພວກທີ່ຈົງຮັກພັກດີຕໍ່ທ່ານ Gadhafi ຈະຍອມວາງອາວຸດ.

ການປະທະກັນລະຫວ່າງພວກທີ່ຈົງຮັກພັກດີແລະພວກນັກລົບຂອງລັດຖະບານຊົ່ວຄາວຍັງ
ໄດ້ເກີດຂຶ້ນໃນວັນສຸກວານນີ້ທີ່ເມືອງ Sirte ຊຶ່ງເປັນບ້ານເກີດຂອງທ່ານ Gadhafi ນັ້ນ.

XS
SM
MD
LG