ຫົວໜ້າສະພາໄລຍະຂ້າມຜ່ານແຫ່ງຊາດຫຼື TNC ຂອງພວກກະບົດລີເບຍຍັງສືບຕໍ່ການຢ້ຽມ
ຢາມປະເທດຕ່າງໆໃນຢູໂຣບໃນວັນພະຫັດມື້ນີ້ ໃນຄວາມຫວັງເພື່ອຈະໄດ້ຮັບການປ່ອຍເງິນ
ໃນມູນຄ່າຫຼາຍໆພັນລ້ານໂດລາຈາກຊັບສິນຂອງລີເບຍທີ່ຖືກກັກໄວ້ນັ້ນ.
ທ່ານ Mahmoud Jibril ມີກຳນົດທີ່ຈະພົບປະກັບນາຍົກລັດຖະມົນຕີອີຕາລີ ທ່ານ Silvio
Berlusconi ນຶ່ງມື້ຫຼັງຈາກໄດ້ພົບປະກັບປະທານາທິບໍດີຝຣັ່ງ ທ່ານ Nicolas Sarkozy.
ຂະນະທີ່ຢ້ຽມຢາມປະເທດຝຣັ່ງໃນມື້ວານນີ້ທ່ານ Jibril ກ່າວວ່າ ການສູ້ລົບທີ່ໃຫຍ່ກວ່າແລະ ໜັກໜ່ວງກວ່າໃນການບູລະນະສ້າງສາປະເທດລີເບຍຍັງບໍ່ ທັນໄດ້ເລີ່ມຕົ້ນຂຶ້ນເທື່ອ. ທ່ານໄດ້ ຮຽກຮ້ອງໃຫ້ລັດຖະບານຝຣັ່ງ ປ່ອຍຊັບສິນຂອງລີເບຍທີ່ຖືກກັກໄວ້ນັ້ນຢ່າງໄວເທົ່າທີ່ຈະໄວໄດ້
ໂດຍກ່າວວ່າ ວິກິດການໃນຄັ້ງນີ້ອາດຈະເປັນການເລີ່ມຕົ້ນ ໃນການເປັນພາຄີຍຸດທະສາດກັບ
ຝຣັ່ງ.
ປະທານາທິບໍດີຝຣັ່ງທ່ານ Nicolas Sarkozy ໃຫ້ຄຳໝັ້ນສັນຍາວ່າທ່ານຈະໃຫ້ການສະໜັບ ສະໜຸນຕໍ່ການປະຕິບັດງານຂອງອົງການເນໂຕ້ ໃນລີເບຍເພື່ອປົກປ້ອງຄຸ້ມຄອງພົນລະເຮືອນ ຕາບໃດທີ່ຍັງມີຄວາມຈຳເປັນຢູ່. ກ່ອນນີ້ທ່ານ Sar kozy ເວົ້າວ່າ ທ່ານໄດ້ເຊື້ອເຊີນພວກຜູ້
ນຳຂອງປະເທດຕ່າງໆໃນໂລກທີ່ຖືວ່າ ເປັນເພື່ອນມິດຂອງລີເບຍ ໃຫ້ໄປປະຊຸມກັນທີ່ກຸງປາຣີ
ໃນເດືອນໜ້ານີ້ ເພື່ອປຶກ ສາຫາລືກ່ຽວກັບອະນາຄົດຂອງລີເບຍ.
ໃນອີກດ້ານນຶ່ງນັ້ນສະພາຄວາມໝັ້ນຄົງຂອງອົງການສະຫະປະຊາຊາດພວມກະກຽມທີ່ຈະລົງ ຄະແນນສຽງກ່ຽວກັບຍັດຕິສະບັບນຶ່ງ ທີ່ຈະປ່ອຍເງິນປະມານ 1 ພັນ 500 ລ້ານໂດລາຈາກ
ຊັບສິນຂອງລີເບຍທີ່ຖືກກັກໄວ້ ຍ້ອນຄວາມຈຳເປັນຢ່າງຮີບດ່ວນທາງດ້ານມະນຸດສະທຳ.
