ບັນດາປະເທດມະຫາອໍານາດຂອງໂລກພົບກັນໃນວັນອັງ
ຄານ ມື້ນີ້ທີ່ກຸງລອນດອນ ໃນຄວາມພະຍາຍາມເພື່ອຈະ
ວາງແຜນການກ່ຽວກັບອະນາຄົດທາງການເມືອງ ຂອງ
Libya ທີ່ປາດສະຈາກຜູ້ນໍາພະເດັດການ Moammar Gadhafi.
ພວກຄະນະລັດຖະມົນຕີການຕ່າງປະເທດຈາກ 40 ປະເທດ
ຈະເຂົ້າຮ່ວມກອງປະຊຸມໃນມື້ນີ້ ທີ່ແນໃສ່ເພື່ອຊອກຫາຊ່ອງ
ທາງໃຫ້ທ່ານ Gadhafi ລົງຈາກອໍານາດ. ບັນດາພວກ
ປະເທດ Arab ຈຳນວນນຶ່ງກໍຈະເຂົ້າຮ່ວມ ແລະເປັນຕົວ
ແທນຂອງກຸ່ມສັນນິບາດອາຣັບແລະສະຫະພັນອາຟຣິກາ.
ລາຍງານຂ່າວແຈ້ງວ່າ ຜູ້ນຳຂອງພວກກະບົດ Libya
ທ່ານ Mahmoud Jibril ອາດຈະໄປຮ່ວມກອງປະຊຸມ
ນີ້ທີ່ນະຄອນລອນດອນເຊັ່ນກັນ ແຕ່ວ່າທາງອົງການ
ຂ່າວ Reuters ໄດ້ອ້າງເອົາຄໍາເວົ້າຈາກແຫຼ່ງຂ່າວທາງ
ດ້ານການທູດຂອງ ອັງກິດກ່າວວ່າ ທ່ານ Jibril ແມ່ນບໍ່ໄດ້ຖືກເຊື້ອເຊີນເຂົ້າຮ່ວມໃນກອງປະຊຸມນີ້.
ອັງກິດຫວັງວ່າການປະຊຸມນີ້ຈະເສີມຂະຫຍາຍຄວາມໝາຍໝັ້ນຕັ້ງໃຈຂອງນາໆຊາດ
ການປະຕິບັດງານທາງທະຫານໃນລີເບຍທີ່ໄດ້ຮັບການອະນຸມັດຈາກອົງ ການສະຫະ
ປະຊາຊາດ. ນອກນັ້ນການປະຊຸມໃນເທື່ອນີ້ ຍັງຈະເພັ່ງເລັງໃສ່ການ ປະສານງານຂອງ
ການໃຫ້ຄວາມຊ່ອຍເຫຼືອທາງດ້ານມະນຸດສະທໍາຕໍ່ລີເບຍ.
ໃນວັນຈັນວານນີ້ ນາຍົກລັດຖະມົນຕີອັງກິດທ່ານ David Cameron ທ່ານ Nicolas
Sarkozy ປະທານາທິບໍດີຝຣັ່ງ ໄດ້ຮຽກຮ້ອງໃຫ້ທ່ານ Moammar Gadhafi ອອກ
ຈາກຕໍາແໜ່ງ ແລະຂໍຮ້ອງໃຫ້ພວກທີ່ຕິດຕາມທ່ານນັ້ນ ໂຕນໜີໄປຈາກທ່ານ Gadhafi
ເສຍ ກ່ອນທີ່ມັນ "ຈະຊ້າເກີນໄປ". ໃນຖະແຫຼງການຮ່ວມນັ້ນ ພວກຜູ້ນຳທັງສອງ
ໄດ້ຮຽກຮ້ອງໃຫ້ຊາວ Libya ທັງມວນທີ່ເຊື່ອວ່າ ທ່ານ Gadhafi ຈະນໍາປະເທດໄປສູ່
ຄວາມຫາຍຍະນະນັ້ນ ໃຫ້ພາກັນຈັດຕັ້ງຂັ້ນຕອນຂອງໄລຍະຂ້າມຜ່ານ.
ລັດຖະມົນຕີການຕ່າງປະເທດອິຕາລີ ທ່ານ Franco Frattini ໄດ້ສະເໜີແຜນການ
ອັນນຶ່ງທີ່ຮວມທັງການຢຸດຍິງ ການໄປລີ້ໄພຂອງທ່ານ Gadhafi ແລະຂອບຂອງການ
ເຈລະຈາລະຫວ່າງພວກກະບົດແລະພວກຜູ້ນໍາຊົນເຜົ່າຕ່າງໆໃນລີເບຍ.
