ພວກນັກລົບທີ່ຈົງຮັກພັກດີຕໍ່ຜູ້ນຳຂອງລີເບຍທ່ານ Moam-
mar Gadhafi ໄດ້ເສີມຂະຫຍາຍການຄວບຄຸມຢູ່ໃນເຂດ
ນະຄອນຫຼວງຕຣີໂປລີໃນຂະນະທີ່ການລຸກຮືຂຶ້ນຂອງປະຊາ
ຊົນ ໄດ້ແຜ່ລາມອອກໄປທົ່ວເຂດພາກຕາເວັນອອກຂອງປະ
ເທດ.
ກຳລັງຕໍ່ຕ້ານລັດຖະບານໄດ້ຂະຫຍາຍການເຂົ້າຄວບຄຸມຫົວ
ເມືອງສໍາຄັນຫລາຍແຫ່ງແລະໄດ້ປະກາດວ່າຈະ “ປົດປ່ອຍ”
ນະຄອນຫຼວງຕຣີໂປລີ.
ພວກຈັດການໂຮມຊຸມນຸມປະທ້ວງ ໃນເຂດນະຄອນຫຼວງ
ຊຶ່ງເປັນທີ່ໝັ້ນ ຂອງທ່ານ Gadhafi ນັ້ນໄດ້ຮຽກຮ້ອງໃຫ້
ມີການໂຮມຊຸມນຸມປະທ້ວງຄັ້ງໃໝ່ ໃນວັນພະຫັດມື້ນີ້ ແລະວັນສຸກມື້ອື່ນ ຊຶ່ງພາໃຫ້ມີ
ຄວາມຢ້ານກົວວ່າ ອາດຈະເກີດການປະເຊີນໜ້າແບບນອງເລືອດຂຶ້ນທີ່ນັ້ນ.
ປະຊາຊົນໃນນະຄອນຫຼວງຕຣີໂປລີກ່າວວ່າ ຖະໜົນຫົນທາງແມ່ນເປົ່າແປນໃນມື້ວານນີ້ ໂດຍທີ່ປະຊາຊົນມີຄວາມຢ້ານກົວບໍ່ກ້າອອກນອກເຮືອນ. ມີລາຍງານ ວ່າພວກທະຫານ
ບ້ານປະກອບອາວຸດ ແລະພວກທີ່ຈົງຮັກພັກດີຕໍ່ທ່ານ Gadhafi ຊຶ່ງເປັກຳລັງຮັບຈ້າງປະ
ສົມລະຫວ່າງຊາວລີເບຍແລະຊາວອາຟຣິການັ້ນ ໄດ້ລາດຕະເວນໄປມາໃນນະຄອນຫຼວງ
ລີເບຍແລະເສີມຂະຫຍາຍການປ້ອງກັນຢູ່ນອກເມືອງດັ່ງກ່າວ. ມີລາຍງານວ່າ ກຳລັງຮັກ
ສາຄວາມສະຫງົບຂອງລີເບຍໄດ້ຊອກຄົ້ນຫາປະຊາຊົນທີ່ພວກເຂົາເຈົ້າຖືວ່າບໍ່ມີຄວາມຈົງ ຮັກພັກດີຕໍ່ອໍານາດການປົກຄອງຂອງລີເບຍ.
ກຳລັງຕໍ່ຕ້ານລັດຖະບານກ່າວອ້າງວ່າ ຕົນໄດ້ເຂົ້າຢຶດເອົາເມືອງ Misurata ຫົວ ເມືອງ
ໃຫຍ່ອັນດັບ 3 ຂອງລີເບຍ ທີ່ຕັ້ງຫ່າງຈາກນະຄອນຫຼວງຕຣີໂປລີປະມານ 200 ຫຼັກກິ
ໂລແມັດຊຶ່ງເປັນຂີດໝາຍໃນການບຸກຄືບໜ້າເລິກທີ່ສຸດ ເຂົ້າໄປໃນພາກຕາເວັນຕົກຂອງ
ພວກຕໍ່ຕ້ານ. ປະຊາຊົນຈຳນວນນຶ່ງທີ່ໄດ້ພາກັນຫຼົບໜີຂ້າມຊາຍແດນເຂົ້າໄປໃນຕູນີເຊຍ
ລາຍງານວ່າ ມີການສູ້ລົບກັນຢ່າງໜັກ ທີ່ເມືອງ Sabratha 80 ຫຼັກກິໂລແມັດຫ່າງຈາກ
ນະຄອນຫຼວງໄປທາງທິດຕາເວັນຕົກ.
ຂະນະດຽວກັນ ພວກປະທ້ວງແລະທະຫານຫຼາຍກົມກອງທີ່ກໍ່ກະບົດ ໄດ້ສືບຕໍ່ເສີມຂະ
ຫຍາຍ ການເຂົ້າຄວບຄຸມເຂດພາກຕາເວັນອອກເກືອບທັງໝົດຂອງລີເບຍຊຶ່ງມີແຄມຝັ່ງ
ທະເລຍາວ 1,600 ຫຼັກກິໂລແມັດ ແລະໄດ້ຈັດຕັ້ງການປົກຄອງ ໃນລະດັບພື້ນຖານຂຶ້ນ
ແລະຕັ້ງດ່ານກວດຕ່າງໆຢູ່ຕາມຖະໜົນຫົນທາງ ທີ່ສຳຄັນສາຍຕ່າງໆ.
