ບັນດາເຈົ້າໜ້າທີ່ອໍານາດປົກຄອງຊົ່ວຄາວລີເບຍກ່າວວ່າ ສົບຂອງມື້ລາງຜູ້ນໍາລີເບຍ ທ່ານມວມມາກາດດາຟີໄດ້ຖືກຝັງແລ້ວໃນຂຸມທີ່ບໍ່ໄດ້ມີການໝາຍຊື່ຢູ່ໃນສະຖານທີ່ປິດລັບແຫ່ງນຶ່ງ.
ບັນດາເຈົ້າໜ້າທີ່ກ່າວວ່າ ທ່ານກາດດາຟີ ພ້ອມທັງລູກຊາຍ ຄືທ້າວ Mutassim ແລະ
ອະດີດລັດຖະມົນຕີປ້ອງກັນປະເທດ Abu Bakr Younis ໄດ້ຖືກນຳໄປຝັງໃນຕອນ
ເຊົ້າວັນອັງຄານມື້ນີ້ໃນພິທີດຽວກັນນີ້.
ສົບຂອງທ່ານກາດດາຟີໄດ້ຖືກດອຍໄວ້ໃຫ້ປະຊາຊົນເບິ່ງນັບແຕ່ວັນສຸກ ແລ້ວນີ້ເປັນຕົ້ນ
ມາຢູ່ໃນໂຮງເຢັນການຄ້າແຫ່ງນຶ່ງໃນເມືອງທ່າ Misrata ບ່ອນທີ່ພວກຊາວເມືອງພາ
ກັນຢືນລຽນແຖວໄປເບິ່ງສົບນັ້ນ.
ໃນຂະນະດຽວກັນ ກຸ່ມປົກປ້ອງສິດທິມະນຸດກຸ່ມນຶ່ງກ່າວວ່າ ຍັງມີພວກອາວຸດຈຳນວນ
ຫຼວງຫຼາຍທີ່ເຈົ້າໜ້າທີ່ຍັງບໍ່ສາມາດຄວບຄຸມໄດ້ທັງຢູ່ໃນແລະເຂດອ້ອມແອ້ມເມືອງ
Sirte ບ່ອນທີ່ທ່ານກາດດາຟີໄດ້ຖືກຈັບກຸມ ໃນສັບປະດາຜ່ານມານີ້.
ກຸ່ມປົກປ້ອງສິດທິມະນຸດ Human Rights Watch ທີ່ມີສຳນັກງານໃນນະຄອນນີວ
ຢອກກ່າວໃນວັນອັງຄານມື້ນີ້ວ່າ ຕົນໄດ້ໄປກວດກາເບິ່ງສະຖານທີ່ສອງແຫ່ງ ແລະໄດ້
ພົບເຫັນພວກລູກສອນໄຟຍິງຕໍ່ຕ້ານເຮືອບິນ ລົດຖັງແລະລູກປືນຄົກ ຕະຫຼອດທັງອາ
ວຸດອື່ນໆ. ກຸ່ມດັ່ງກ່າວເວົ້າວ່າ ຕົນໄດ້ໄປທໍາການຢ້ຽມສະຖານທີ່ທັງ 2 ແຫ່ງໃນວັນ
ເສົາຜ່ານມານີ້ ແລະພົບເຫັນວ່າ ສະຖານທີ່ທັງ 2 ແຫ່ງໄດ້ຖືກບຸກເຂົ້າໄປລັກຂະໂມຍ
ເອົາອາວຸດຈຳນວນຫຼວງຫຼາຍອອກໄປ.
ກຸ່ມປົກປ້ອງສິດທິມະນຸດ Human Rights Watch ກ່າວວ່າ ຕົນໄດ້ເຕືອນອໍານາດ
ປົກຄອງຊົ່ວຄາວ ແລະກຸ່ມເນໂຕ້ມາເປັນເວລາຫລາຍເດືອນກ່ຽວກັບພວກອາວຸດທີ່
ອັນຕະລາຍແລະບໍ່ມີການຄຸ້ມກັນຄວາມປອດໄພນີ້ ແລະວ່າ ການຮັກສາຄວາມປອດ
ໄພໃນສະຖານທີ່ເກັບມ້ຽນພວກອາວຸດເຫລົ່ານີ້ ຄວນຈະເປັນບຸລິມະສິດຂອງອໍານາດ
ປົກຄອງຊົ່ວຄາວລີເບຍ.
ເບິ່ງວີດີໂອລາຍງານພາສາອັງກິດ ກ່ຽວກັບກຸ່ມສິດທິມະນຸດຮຽກຮ້ອງໃຫ້ສືບສວນ
ກ່ຽວກັບການຕາຍຂອງກາດດາຟີ:
