ບັນດາລັດຖະມົນຕີປ້ອງກັນປະເທດຂອງກຸ່ມເນໂຕ້ກໍານົດຈະ
ພົບປະກັນໃນວັນພຸດມື້ນີ້ທີ່ກຸງ Brussels ປະເທດ Bel
gium ເພື່ອປະເມິນເບິ່ງການໂຈມຕີຂອງຕົນໃນລີເບຍ ນຶ່ງ
ມື້ຫລັງຈາກຝູງເຮືອບິນລົບຂອງກຸ່ມເນໂຕ້ທໍາການໂຈມຕີ
ຢ່າງໜັກໃນກຸງຕຣີໂປລີ ຊຶ່ງເປັນການໂຈມຕີທາງອາກາດຄັ້ງຮ້າຍແຮງທີ່ສຸດພຽງບໍ່ເທົ່າໃດເທື່ອທີ່ໄດ້ດໍາເນີນການມານັບແຕ່ການປະຕິບັດງານຂອງກຸ່ມພັນທະມິດໄດ້ເລີ້ມຕົ້ນໃນເດືອນມີນາຜ່ານມານັ້ນ.
ທ່ານ Anders Fogh Rasmussen ເລຂາທິການໃຫຍ່ຂອງກຸ່ມເນໂຕ້ ກ່າວວ່າ ທ່ານຄາດວ່າ ຈະທໍາການໂອ້ລົມສົນທະນາກັນເລື້ອງການກະກຽມສໍາລັບອະນາຄົດຂອງລີເບຍທີ່ບໍ່ມີຜູ້ນໍາ ມວມມາກາດດາຟີ ທີ່ທ່ານກ່າວວ່າ ເປັນພາກສ່ວນນຶ່ງຂອງປະເທດໃນອະດີດນັ້ນ.
ທ່ານກາດດາຟີໄດ້ປະຕິຍານວ່າຈະທໍາການຕໍ່ສູ້ຕໍ່ໄປ ແລະທ່ານກ່າວຢູ່ໃນຄໍາປາໄສທີ່ອັດໄວ້ແລະອອກອາກາດທາງໂທລະພາບລັດຖະບານລີ ເບຍໃນວັນອັງຄານວານນີ້ວ່າ ປະຊາຊົນລີເບຍຈະບໍ່ຍອມຈໍານົນ ແລະຈະຢູ່ທີ່ປະເທດຂອງເຂົາເຈົ້າຕໍ່ໄປຈົນຮອດບັ້ນສຸດທ້າຍ.
ໃນເວລາຕໍ່ມາ ໂທລະພາບແຫ່ງຊາດໄດ້ສະແດງຮູບພາບອັນທີ່ໂທລະພາບເວົ້າວ່າ ເປັນການພົບປະກັນລະຫວ່າງທ່ານກາດດາຟີແລະພວກອາວຸໂສຊົນເຜົ່ານັ້ນ. ເທື່ອຫລ້າສຸດທີ່ໄດ້ເຫັນທ່ານກາດດາຟີໃນໂທລະພາບແມ່ນໃນທ້າຍເດືອນແລ້ວນີ້.
ທ່ານນາງຮີນລາຣີ ຄລິນຕັນ ລັດຖະມົນຕີການຕ່າງປະເທດສະຫະລັດຈະເດີນທາງໄປຍັງປະເທດສະຫະລັດອາຣັບເອເມີເຣັສ ບ່ອນທີ່ກຸ່ມ 22 ປະເທດຕິດຕໍ່ກ່ຽວກັບເລື່ອງລີເບຍຈະທໍາການພົບປະຫາລືກັນໃນວັນພະຫັດມື້ອື່ນ ຮວມທັງຈະເຮັດວິທີໃດດີເພື່ອຊ່ອຍພວກກະບົດລີເບຍໃນການຕໍ່ຕ້ານທ່ານກາດດາຟີນັ້ນ. ກຸ່ມດັ່ງກ່າວໄດ້ຕົກລົງໃນເດືອນແລ້ວນີ້ ເພື່ອຈັດຕັ້ງ
ກອງທຶນຂຶ້ນເພື່ອຊ່ອຍເຫລືອໃນການຊື້ເຂົ້າປາອາຫານ ຢຸກຢາປົວພະຍາດແລະອຸບປະກອນ ທາງທະຫານໃຫ້ແກ່ພວກກະບົດນັ້ນ.
