ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ກຸ່ມເນໂຕ້ ຫາລືກັນ ກ່ຽວກັບລີເບຍ


ທ່ານນາງ Hillary Clinton ລັດຖະມົນຕີການຕ່າງປະເທດ
ສຫລ ກ່າວຕໍ່ສື່ມວນຊົນກ່ອນທໍາການພົບປະກັບນາຍົກລັດຖະມົນຕີ Angela Merkel ແຫ່ງເຢຍຣະມັນ ທີ່ນະຄອນ Berlin ກ່ອນຈະເຂົ້າຮ່ວມ ກອງປະຊຸມກຸ່ມເນໂຕ້
ວັນທີ 14 ເມສາ 2011
ທ່ານນາງ Hillary Clinton ລັດຖະມົນຕີການຕ່າງປະເທດ ສຫລ ກ່າວຕໍ່ສື່ມວນຊົນກ່ອນທໍາການພົບປະກັບນາຍົກລັດຖະມົນຕີ Angela Merkel ແຫ່ງເຢຍຣະມັນ ທີ່ນະຄອນ Berlin ກ່ອນຈະເຂົ້າຮ່ວມ ກອງປະຊຸມກຸ່ມເນໂຕ້ ວັນທີ 14 ເມສາ 2011

ພວກ​ລັດຖະມົນຕີ​ການ​ຕ່າງປະ​ເທດ​ຂອງ​ກຸ່ມ​ເນ​ໂຕ້​ກໍາ​ລັງ​ພົບ​ປະກັນ​ຢູ່ທີ່​ນະຄອນ Berlin
ເພື່ອ​ທໍາ​ການ​ໂອ້​ລົມ​ສົນທະນາ​ກັນ​ກ່ຽວ​ກັບ​ການ​ປະຕິບັດງານທາງ​ທະຫານຂອງ​ຕົນ​ໃນ​ລີ​
ເບຍ​ໃນ​ຂະນະ​ທີ່ນັກ​ຕໍ່ສູ້ຝ່າຍ ​ກະບົດ​ຮຽກຮ້ອງ​ຂໍ​ການ​ຊ່ອຍ​ເຫລືອ​ທາງ​ອາກາດ​ຕື່ມ​ອີກຈາກ
ກຸ່ມ​ພັນທະ​ມິດ​ນັ້ນ.

ທ່ານ​ນາງ​ຮີນ​ລາຣີຄລິນ​ຕັນ ລັດຖະມົນຕີ​ການ​ຕ່າງປະ​ເທດ​ສະຫະລັດ​ກໍເຂົ້າ​ຮ່ວມ​ໃນ​ກອງ​ປະ
ຊຸມ​ຂອງ​ພວກ​ຄູ່​ຕໍາ​ແໜ່​ງຈາກ​ກຸ່ມ​ເນ​ໂຕ້​ໃນ​ນະຄອນBerlin ​ເປັນ​ເວລາ 2 ມື້​ນີ້​ເຊ່ນ​ກັນທີ່​ເລີ້ມ
ຂຶ້ນ​ໃນ​ວັນ​ພະຫັດ​ມື້​ນີ້.

ພວກ​ສະມາຊິກ​ຂອກຸ່ມພັນ​ທະ​ມິດ​ແຕກ​ແຍກ​ກັນ​ກ່ຽວ​ກັບ​ວ່າ​ຈະ​ເພີ່ມການ​ໂຈມ​ຕີ​ທາງ​ອາກາດ​ຕໍ່
ພວກ​ກໍາລັງ​ທີ່​ຈົງ​ຮັກ​ພັກດີ​ຕໍ່​ທ່ານ​ກາດ​ດາ​ຟີຜູ້​ນໍາ​ລິ​ເບຍ​ນັ້ນ​ຫລື​ບໍ? ອັງກິດ​ແລະ​ຝຣັ່ງ​ໄດ້​ຮຽກ
ຮ້ອງ​ໃຫ້​ພວກ​ພັນທະ​ມິດ​ເພີ່ມ​ການ​ປະຕິບັດ​ງານ​ທາງ​ທະຫານ​ຂອງ​ຕົນ​ຂຶ້ນ ​ໃນ​ຂະນະ​ດຽວ​ກັນ
ສະຫະລັດ​ໄດ້​ພະຍາ​ຍາມ​ຈໍາກັດ​ບົດບາດ​ຂອງ​ຕົນ.

ພວກ​ກະບົດ​ໄດ້​ທໍາ​ການດີ້ນຮົນ​ຕໍ່ສູ້​ເພື່ອ​ຮັກສາ​ການ​ຄວບ​ຄຸມ​ຂອງ​ຕົນ​ຢູ່ໃນ​ຫົວ​ເມືອງ​ຈໍານວນ
ນຶ່ງທີ່ພວກ​ເຂົາ​ເຈົ້າ​ສາມາດ​ຍຶດມາ​ໄດ້​ຈາກ​ກໍາລັງຝາຍ​ລັດຖະບານ​ນັ້ນ.​ໃນ​ວັນ​ພະ​ຫັດ​ມື້​ນີ້ ພວກ
ກະບົດ​ກ່າວ​ວ່າ ທະຫານ​ຂອງ​ທ່ານ​ກາດ​ດາ​ຟີ​ໄດ້​ຍິງ​ຈະ​ຫລວດ​ໃສ່​ເມືອງ Misrata ຊຶ່ງ​ໄດ້​
ເຮັດ​ໃຫ້​ປະຊາຊົນ​ເສຍ​ຊີວິດ​ໄປ​ຢ່າງ​ນ້ອຍ 9 ຄົນ. ລັດຖະບານ​ລີ​ເບຍ​ໄດ້​ຖືກ​ກ່າວ​ຫາວ່າ ທໍາ
ການ​ແນ​ເປົ້າ​ໝາຍ​ການ​ໂຈມ​ຕີ​ຂອງ​ພວກ​ຕົນ​ໃສ່ພວກ​ພົນລະ​ເຮືອນ​ໃນ​ເມືອງ​ທ່າ​ກໍາ​ປັ່ນ​ດັ່ງ​
ກ່າວ.

ໃນ​ເວລາ​ດຽວ​ກັນ​ນີ້ ກອງ​ປະຊຸມ​ນາໆ​ຊາດ​ອີກ​ຈຸ​ນຶ່ງ​ກ່ຽວ​ກັບ​ລີ​ເບຍ ​ແມ່ນກໍາລັງ​ໄຂ​ຂຶ້ນ​ທີ​ສໍາ
ນັກງານ​ໃຫຍ່​ຂອງ​ສັນນິບາດ​ຊາດ​ອາຣັບທີ່​ກຸງ​ໄຄ​ໂຣ.ທ່ານ​ພັນ​ກິ​ມູນ ​ເລຂາທິການ​ໃຫຍ່​ສະຫະ
ປະຊາ​ຊາດ​ແລະ​ທ່ານ​ນາງ Catherine Ashton ຫົວໜ້າ​ນະ​ໂຍບາຍ​ຕ່າງປະ​ເທດ​ຂອງ​ສະ
ຫະພາບ​ຢູ​ໂຣບ ກໍ​ກໍ​າລັງເຂົ້າ​ຮ່ວມ​ໃນ​ກອງ​ປະຊຸມ​ດັ່ງກ່າວພ້ອມ​ກັບ​ພວກ​ຜູ້ຕາງ​ໜ້າ​ສະຫະ
ພາບ​ອາ​ຟຣິກາ​ແລະ​ອົງການ​ສາສະໜາ​ອີສລາມ​ ຫລື Islamic Conference ນັ້ນ.

XS
SM
MD
LG