ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ພວກຕໍ່ຕ້ານລັດຖະບານ ຂັບໄລ່ກໍາລັງຂອງ Gadhafi


ພວກຕໍ່ຕ້ານທ່ານ Moammar Gadhafi ຜູ້ນຳຂອງລີເບຍ ນັ່ງຢູ່ເທິງລົດກະບະ ທີ່ຕິດປືນກົນໜັກ ຫຼັງຈາກ
ເຂົ້າຢຶດເອົາເມືອງທ່າສົ່ງອອກນໍ້າມັນ Ras Lanuf ໃນພາກຕາເວັນອອກຂອງລີເບຍ (5 ມີນາ 2011)
ພວກຕໍ່ຕ້ານທ່ານ Moammar Gadhafi ຜູ້ນຳຂອງລີເບຍ ນັ່ງຢູ່ເທິງລົດກະບະ ທີ່ຕິດປືນກົນໜັກ ຫຼັງຈາກ ເຂົ້າຢຶດເອົາເມືອງທ່າສົ່ງອອກນໍ້າມັນ Ras Lanuf ໃນພາກຕາເວັນອອກຂອງລີເບຍ (5 ມີນາ 2011)

ມີລາຍງານວ່າ ກຳລັງຕໍ່ຕ້ານລັດຖະບານໃນລີເບຍໄດ້ຂັບ
ໄລ່ພວກທະຫານທີ່ຈົງຮັກພັກດີຕໍ່ຜູ້ນຳລີເບຍທ່ານ Mo-
ammar Gadhafi ໃຫ້ລ່າຖອຍໄປຢູ່ໃນ 2 ຫົວເມືອງ.

ໃນພາກຕາເວັນຕົກຂອງລີເບຍ ພວກທະຫານທີ່ຈົງຮັກ
ພັກດີໄດ້ຖອຍອອກໄປຈາກເມືອງ Zawiayah ປະມານ
50 ຫຼັກກິໂລແມັດຫ່າງຈາກນະຄອນຫຼວງຕຣີໂປລີ ລຸນ
ຫຼັງທີ່ໄດ້ທຳການສູ້ລົບ ກັບພວກຕໍ່ຕ້ານລັດຖະບານ ໃນ
ວັນເສົາມື້ນີ້.

ພວກຕໍ່ຕ້ານລັດຖະບານ ສາມາດເອົາຊະນະທະຫານລີ
ເບຍໄດ້ທັງໆທີ່ພວກທະຫານມີອາວຸດໜັກແລະມີລົດຖັງ.

ນອກນັ້ນຍັງມີລາຍງານວ່າ ພວກຕໍ່ຕ້ານລັດຖະບານໄດ້
ເຂົ້າຄວບຄຸມເມືອງທ່າສົ່ງອອກນໍ້າມັນ Ras Lanuf ໃນ
ພາກຕາເວັນອອກຂອງປະເທດ ຫຼັງຈາກໄດ້ສູ້ລົບກັບກຳລັງທີ່ຈົງຮັກພັກດີຕໍ່ທ່ານ Gadhafi ໃນວັນສຸກວານນີ້.

ຍັງບໍ່ມີລາຍງານກ່ຽວກັບຈຳນວນຜູ້ບາດເຈັບລົ້ມຕາຍຈາກການສູ້ລົບກັນຢູ່ໃນ 2 ຫົວເມືອງ
ນີ້ເທື່ອ.

ໃນອີກດ້ານນຶ່ງຄະນະກຳມະການນາໆຊາດຂອງສະພາກາແດງໄດ້ທຳການຮ້ອງຂໍເງິນ
ເກືອບ26 ລ້ານໂດລາ ເພື່ອນຳໄປຊ່ອຍຫຼາຍກວ່າ 200,000 ຄົນທີ່ໄດ້ຮັບຜົນກະທົບ
ຈາກວິກິດການໃນລີເບຍ.

ຂະນະດຽວກັນ ຕຳຫຼວດສາກົນໄດ້ອອກຄຳເຕືອນຢູ່ໃນທົ່ວໂລກ ກ່ຽວກັບທ່ານ
Gadhafi ແລະຊາວລີເບຍອີກ 15 ຄົນ ຮວມທັງສະມາຊິກໃນຄອບຄົວແລະເພື່ອນຝູງທີ່
ໃກ້ຊິດຂອງທ່ານຈຳນວນນຶ່ງ.

ການອອກຄຳເຕືອນດັ່ງກ່າວມີຂຶ້ນຫຼັງຈາກສານອາດຊະຍາກຳນາໆຊາດໄດ້ປະກາດວ່າ
ຕົນໄດ້ເລີ້ມການສືບສວນທ່ານ Gadhafi ແລະພວກທີ່ຄົບຄ້າສະມາຄົມ ກັບທ່ານຈຳ
ນວນນຶ່ງກ່ຽວກັບຄວາມເປັນໄປໄດ້ໃນການກໍ່ໂທດກຳຕ້ານມະນຸດຊາດ.

ຄວາມວຸ້ນວາຍໃນລີເບຍໄດ້ລະເບີດຂຶ້ນລຸນຫຼັງກະແສຟອງການເດີນຂະບວນປະທ້ວງໄດ້ເກີດ
ຂຶ້ນ ຢູ່ໃນບັນດາປະເທດພາກຕາເວັນອອກກາງ ແລະອາຟຣິກາເໜືອໃນໄລຍະຫຼາຍໆອາທິດ
ຜ່ານມານີ້. ການປະທ້ວງຕໍ່ຕ້ານລັດຖະບານ ໄດ້ບັງຄັບໃຫ້ຜູ້ນຳ ທີ່ກຳອຳນາດມາເປັນເວລາ
ດົນນານຂອງຕູນີເຊຍ ແລະອີຈິບລາອອກ. ແຕ່ທ່ານ Gadhafi ໄດ້ປະຕິເສດທີ່ຈະປະຕິບັດ
ຕາມຄຳຮຽກຮ້ອງຕ້ອງການຂອງພວກປະທ້ວງແລະບັນຫາຂັດແຍ້ງໃນລີເບຍ ກໍໄດ້ເພີ່ມທະວີ
ຄວາມຮ້າຍແຮງຂຶ້ນ.

XS
SM
MD
LG