ລິ້ງ ສຳຫລັບເຂົ້າຫາ

ສປຊ ອະນຸມັດໃຫ້ຈັດຕັ້ງ ເຂດຫ້າມບິນ ເໜືອລີເບຍ

  • ໄພສານ ວໍຣະຈັກ

ຜູ້ຕາງໜ້າສະຫະລັດ ແລະອັງກິດ ປະຈໍາອົງການສະຫະປະຊາຊາດ ລົງຄະແນນສຽງເຫັນພ້ອມກັບ ການສ້າງຕັ້ງ "ເຂດຫ້າມບິນ" ເໜືອລີເບຍ ໃນກອງປະຊຸມສະພາຄວາມໝັ້ນຄົງສະຫະປະຊາຊາດ (17 ມີນາ 2011)

ລັດຖະບານລີເບຍໄດ້ປິດເຂດອາກາດຂອງຕົນບໍ່ໃຫ້ມີການ
ສັນຈອນໄປມາໃດໆທັງໝົດໃນວັນສຸກມື້ນີ້ຂະນະທີ່ບັນດາ
ປະເທດຕາເວັນຕົກ ພວມສົນທະນາຫາລື ກ່ຽວກັບການ
ແຊກແຊງທາງດ້ານທະຫານ ທີ່ໄດ້ຮັບການອະນຸມັດໂດຍ
ອົງການສະຫະປະຊາຊາດ ເພື່ອຈັດຕັ້ງເຂດຫ້າມບິນເໜືອ
ນ່ານຟ້າລີເບຍ.

ອົງການຄວບຄຸມ ການສັນຈອນໄປມາທາງອາກາດ ຂອງຢູ
ໂຣບກ່າວວ່າລີເບຍຈະບໍ່ຮັບເອົາການສັນຈອນທາງອາກາດ
ຈົນກວ່າມີຄຳສັ່ງປ່ຽນແປງ.

ເປັນທີ່ປາກົດວ່າ ການເຄື່ອນໄຫວທີ່ວ່ານີ້ແມ່ນເປັນການຕອບໂຕ້ຕໍ່ມະຕິຂອງສະພາຄວາມ
ໝັ້ນຄົງອົງການສະຫະປະຊາຊາດ ໃນວັນພະຫັດວານນີ້ ທີ່ອະນຸຍາດໃຫ້ບັນດາປະເທດສະ
ມາຊິກຂອງສະຫະປະຊາຊາດ ນຳໃຊ້ “ທຸກມາດຕະການທີ່ມີຄວາມຈຳເປັນ” ເພື່ອໃຫ້ການ
ປົກປ້ອງຄຸ້ມຄອງພົນລະເຮືອນຮວມທັງການຫ້າມບໍ່ໃຫ້ມີການສັນຈອນໄປມາຂອງທຸກຖ້ຽວ
ບິນ ເໜືອເຂດນ່ານຟ້າລີເບຍ.

ມາດຕະການເຫຼົ່ານີ້ ມີທ່າທາງວ່າ ຈະຮວມທັງການໂຈມຕີທາງອາກາດ ຕໍ່ເປົ້າໝາຍທາງທະ
ຫານຂອງລີເບຍນຳດ້ວຍ. ໂຄສົກຂອງລັດຖະບານຝຣັ່ງ ທ່ານ Francois Baroin ແລະ
ລັດຖະມົນຕີປ້ອງກັນປະເທດນໍເວ ທ່ານ Grete Faremo ໄດ້ປະກາດໃນວັນສຸກມື້ນີ້ວ່າ
ປະເທດຂອງພວກທ່ານຈະເຂົ້າຮ່ວມການປະຕິບັດງານຫຼືການແຊກແຊງທາງທະຫານຂອງ
ນາໆຊາດໃນລີເບຍ. ແຫຼ່ງຂ່າວທາງດ້ານການທູກຂອງຝຣັ່ງແຈ້ງວ່າ ການໂຈມຕີທາງອາ
ກາດອາດມີຂຶ້ນ ພາຍໃນບໍ່ເທົ່າໃດຊົ່ວໂມງຂ້າງໜ້ານີ້ ເພື່ອສະກັດກັ້ນບໍ່ໃຫ້ກຳລັງທີ່ຈົງຮັກ
ພັກດີຕໍ່ຜູ້ນຳຂອງລີເບຍ ທ່ານ Moammar Gadhafi ທຳຮ້າຍພົນລະເຮືອນ.

ຂະນະດຽວກັນ ກຳລັງນິຍົມ Gadhafi ກໍໄດ້ຍິງຖະຫຼົ່ມ Misrata ຫົວເມືອງທີ່ພວກຕໍ່
ຕ້ານລັດຖະບານຢຶດຄອງຢູ່ໃນພາກຕາເວັນຕົກຂອງປະເທດໃນວັນສຸກມື້ນີ້ ຂະນະທີ່ພວກ
ທູດພິເສດປະຈຳອົງການເນໂຕ້ ສົນທະນາຫາລືກັນຢູ່ທີ່ນະຄອນ Brussels ກ່ຽວກັບ
ຊ່ອງທາງໃນການຈັດຕັ້ງປະຕິບັດມະຕິຂອງສະພາຄວາມໝັ້ນຄົງອົງການສະຫະປະຊາຊາດ.

ບັນດາສະມາຊິກຂອງສະພາຄວາມໝັ້ນຄົງ ໄດ້ລົງຄະແນນສຽງເຫັນພ້ອມ ກັບມະຕິດັ່ງກ່າວ
ໃນວັນພະຫັດວານນີ້ ແລະບໍ່ມີປະເທດໃດອອກສຽງຄັດຄ້ານ. 5 ປະເທດສະມາຊິກຂອງສະ
ພາຄວາມໝັ້ນຄົງປະກອບມີບຣາຊີລ ຈີນ ເຢຍຣະມັນ ອິນເດັຍແລະຣັດເຊຍບໍ່ໄດ້ອອກສຽງ.

XS
SM
MD
LG