ລິ້ງ ສຳຫລັບເຂົ້າຫາ

ວັນຈັນ, ໒໗ ພຶດສະພາ ໒໐໒໔

ທາງການລີເບຍ ກ່າວວ່າ ກາດດາຟີ ເສຍຊີວິດແລ້ວ ທີ່ເມືອງ Sirte (ເບິ່ງວີດີໂອ ແລະສະໄລດ໌)


ຮູບອະດີດຜູ້ນຳລີເບຍທ່ານມວມມາ ກາດດາຟີ ພວມນັ່ງເບິ່ງ ພິທີສວນສະໜາມທີ່ຈະຕຸລັດສີຂຽວ ໃນກຸງຕຣີໂປລີ (1 ກັນຍາ 2009)
ຮູບອະດີດຜູ້ນຳລີເບຍທ່ານມວມມາ ກາດດາຟີ ພວມນັ່ງເບິ່ງ ພິທີສວນສະໜາມທີ່ຈະຕຸລັດສີຂຽວ ໃນກຸງຕຣີໂປລີ (1 ກັນຍາ 2009)

ເຈົ້າໜ້າທີ່ລັດຖະບານຊົ່ວຄາວຂອງລີເບຍ ກ່າວວ່າ ອະດີດຜູ້ນຳມວມມາກາດດາຟີໄດ້ເສຍຊີ
ວິດແລ້ວ ລຸນຫຼັງທີ່ໄດ້ຮັບບາດເຈັບຂະນະທີ່ຜູ້ກ່ຽວພະຍາຍາມຫຼົບໜີອອກຈາກເມືອງ Sirte.

ໃນຕອນເຊົ້າຂອງວັນພະຫັດມື້ນີ້ ພວກຜູ້ນຳທາງທະຫານ ຂອງສະພາປົກຄອງໄລຍະຂ້າມ
ຜ່ານແຫ່ງຊາດຫຼື NTC ກ່າວວ່າກາດດາຟີຖືກຈັບໂຕໄດ້ແລະພວກເຈົ້າໜ້າທີ່ເວົ້າວ່າຜູ້ກ່ຽວ
ໄດ້ຮັບບາດເຈັບສາຫັດ.

ພວກນັກລົບຝ່າຍປະຕິວັດຂອງລີເບຍ ໄດ້ບຸກໂຈມຕີຮອບສຸດທ້າຍ ຕໍ່ເມືອງ Sirte ບ້ານ ເກີດຂອງອະດີດຜູ້ນຳມວມມາກາດດາຟີ ໃນວັນພະຫັດມື້ນີ້ ຫຼັງຈາກໄດ້ທຳການສູ້ລົບເປັນ
ເວລາຫຼາຍໆອາທິດກັບພວກທີ່ຈົງຮັກພັກດີຕໍ່ກາດດາຟີທີ່ຕິດອາວຸດເປັນຢ່າງດີນັ້ນ.

ພວກເຈົ້າໜ້າທີ່ຂອງສະພາປົກຄອງໄລຍະຂ້າມຜ່ານແຫ່ງຊາດ ເວົ້າວ່າ ການເຂົ້າຢຶດເອົາ
ເມືອງ Sirte ໄດ້ນັ້ນ ຈະອຳນວຍໃຫ້ພວກທ່ານ ທຳການປະກາດກ່ຽວກັບການປົດປ່ອຍ
ປະເທດຍ້ອນໝາຍຄວາມວ່າລັດຖະບານຊົ່ວຄາວສາມາດຄວບຄຸມເສັ້ນທາງເຂົ້າອອກແລະ
ເມືອງທ່າແຫ່ງຕ່າງໆຂອງລີເບຍໄດ້ທັງໝົດແລ້ວ.

ເມືອງ Sirte ຊຶ່ງເປັນຫົວເມືອງແຄມທະເລທີ່ຕັ້ງຫ່າງຈາກນະຄອນຫຼວງຕຣີໂປລີໄປທາງ
ທິດຕາເວັນອອກ 360 ຫຼັກກິໂລແມັດນັ້ນ ແມ່ນທີ່ໝັ້ນແຫ່ງສຸດທ້າຍຂອງພວກທີ່ຈົງຮັກ
ພັກດີຕໍ່ກາດດາຟີ ຫຼັງຈາກພວກນັກລົບຂອງລັດຖະບານຊົ່ວຄາວ ເຂົ້າຢຶດເອົາຫົວເມືອງ
ທະເລຊາຍ Bani Walid ໃນຕົ້ນອາທິດນີ້.

ລາຍງານຂ່າວໂທລະພາບສະແດງໃຫ້ເຫັນວ່າ ພວກນັກລົບຂອງລັດຖະບານຊົ່ວຄາວໄດ້
ພາກັນຍິງປືນຂຶ້ນຟ້າ ເພື່ອເປັນການສະເຫຼີມສະຫຼອງແລະຊັກທຸງຊາດໃໝ່ ຂຶ້ນສູ່ປາຍເສົາ
ຢູ່ທີ່ເມືອງ Sirte.

XS
SM
MD
LG