ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ກຳປັ່ນຍາມຝັ່ງ ລີເບຍ ເກືອບຕຳ ກັບເຮືອກູ້ໄພ ຂອງເຢຍຣະມັນ


ພວກຍົກຍ້າຍຖິ່ນຖານ ຖືກຄຸມຂັງ ທີ່ຄ້າຍ ອາໂບເຊັດຕາ ໃນນະຄອນຫຼວງຕຣີໂປລີ ປະເທດລີເບຍ. (10 ພຶດສະພາ 2017)
ພວກຍົກຍ້າຍຖິ່ນຖານ ຖືກຄຸມຂັງ ທີ່ຄ້າຍ ອາໂບເຊັດຕາ ໃນນະຄອນຫຼວງຕຣີໂປລີ ປະເທດລີເບຍ. (10 ພຶດສະພາ 2017)

ກຳປັ່ນຍາມຝັ່ງຂອງລີເບຍລຳໜຶ່ງ ໄດ້ຊ່ວຍເຫຼືອຜູ້ຍົກຍ້າຍຖິ່ນຖານຫຼາຍກວ່າ 350 ຄົນ
ຢູ່​ໃນທະເລ ໃນວັນພຸດວານນີ້ ຫຼັງຈາກເກືອບຕຳກັນ ທີ່ອາດເປັນອັນຕະລາຍຮ້າຍແຮງ ກັບເຮືອກູ້ໄພ ຂອງເຢຍຣະມັນ.

ບໍ່ມີລາຍ​ງານ​ວ່າ ມີຜູ້ເສຍຊີວິດ ຫຼື​ໄດ້​ຮັບບາດເຈັບ ແຕ່ປະການໃດ ແລະຜູ້ຍົກຍ້າຍຖິ່ນ ຖານໝົດທຸກຄົນ ແມ່ນໄດ້ຮັບ​ການຊ່ວຍເຫຼືອ ຢູ່ນອກຊາຍຝັ່ງ ຂອງເມືອງ Sabratha
​ແລະ​ຖືກນຳກັບຄືນໄປ ນະຄອນຫຼວງ Tripoli ຢ່າງປອດໄພ.

ໂຄສົກກອງທັບ​ເຮືອລີເບຍ ໄດ້ກ່າວວ່າ ພວກຍົກຍ້າຍຖິ່ນຖານ ໄດ້​ແອອັດກັນແໜ້ນ​ຢູ່
ເທິງເຮືອໄມ້. ໃນຂະນະທີ່ກຳ​ປັ່ນ​ຍາມຝັ່ງ​ ແລ່ນ​ເຂົ້າ​ໄປໃກ້ໆນັ້ນ ເຮືອອີກລຳໜຶ່ງ ຈາກ
ກຸ່ມກູ້ໄພ Sea Watch ຂອງເຢຍຣະມັນກໍໄດ້ແລ່ນ​ເຂົ້າໄປຫາຈົນເກືອບຕຳກັນ​ກັບ​ກຳ
​ປັ່ນຍາມ​ຝັ່ງ​ຂອງລີເບຍ.

ກຸ່ມກູ້ໄພ Sea Watch ປາກົດວ່າໄດ້ພະຍາຍາມທີ່​ຈະ​ຂົນ​ເອົາ​ພວກ​ຍົກຍ້າຍຖິ່ນ​ຖານ
​ຊາວລີເບຍ ແລະ ກ່າວວ່າ ມັນບໍ່ປອດໄພ ສຳລັບພວກຍົກຍ້າຍຖິ່ນຖານ ທີ່ຈະຖືກນຳ
ກັບຄືນໄປນະຄອນຫຼວງ Tripoli.

ຍັງບໍ່ມີຄວາມ​ແຈ່ມ​ແຈ້ງເທື່ອວ່າ ອຳນາດການປົກຄອງລີເບຍມີແຜນທີ່ຈະເອົາມາດຕະ
ການທາງກົດໝາຍຕໍ່ກຸ່ມ Sea Watch ຫຼືບໍ່.

ພວກຍົກຍ້າຍຖິ່ນຖານຈາກອາຟຣິກາ ແລະພາກຕາເວັນອອກກາງ ຫຼາຍສິບພັນຄົນໄດ້
ພະຍາຍາມ ທີ່ຈະເດີນທາງໄປ ສະຫະພາບຢູໂຣບ​ໃນທຸກໆປີ​ ໂດຍຜ່ານປະເທດລີເບຍ ເພື່ອພະຍາຍາມຫຼົບໜີຈາກຄວາມທຸກຍາກ ສົງຄາມ ແລະພວກກໍ່ການຮ້າຍ. ປະຊາຊົນ ຫຼາຍຄົນໄດ້ເສຍຊີວິດໃນຄວາມພະຍາຍາມທີ່ຈະເດີນທາງຂ້າມທະເລເມດີເທີເຣນຽນທີ່​ເປັນອັນຕະລາຍ ດ້ວຍເຮືອທີ່ມີສະພາບບໍ່ດີຫຼືຈ້າງພວກຄ້າມະນຸດດ້ວຍເງິນຫຼາຍພັນໂດ
ລາໂດຍ​ໄດ້ຖືກປະຖິ້ມຢູ່ໃນທະເລເທົ່ານັ້ນ.

ປະເທດລີເບຍ ໄດ້ປະສົບບັນຫາຄວາມວຸ້ນວາຍ ເປັນເວລາຫຼາຍປີ ແລະ ພວກຍົກຍ້າຍ ຖິ່ນຖານທີ່ອາໄສຢູ່ທີ່ນັ້ນຫຼືເດີນທາງຜ່ານກ່າວວ່າ ພວກເຂົາເຈົ້າໄດ້ຕົກເປັນຜູ້ເຄາະຮ້າຍ ຂອງການລ່ວງລະເມີດດ້ວຍຫຼາກຫຼາຍວິທີ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG