ລິ້ງ ສຳຫລັບເຂົ້າຫາ

​ລັດຖະບານ ຊົ່ວຄາວລີເບຍ ຈະເຄົາລົບສັນຍາ ກັບຈີນ

  • ວັນນະສອນ ແກ້ວດາຣາ

ທ່ານ Mustafa Abdel Jalil ປະ​ທານ​ສະພາ NTC ຂອງລີເບຍ

ຈີນ​ກ່າວ​ວ່າ ບັນດາ​ຜູ້​ແທນ​ຂອງ​ລັດຖະບານ​ຊົ່ວຄາວ​ລີ​ເບຍ​ໄດ້​ໃຫ້​ຄໍາໝັ້ນ​ສັນຍາ​ ທີ່ຈະ​
ນັບຖື​ພວກ​ຂໍ້​ຕົກ​ລົງ​ແລະ​ສົນທິສັນຍາ​ຕ່າງໆ​ ທີ່​ມີ​ຢູ່​ໃນ​ປັດຈຸບັນ​ນີ້​ກັບ​ຈີນ ຫລັງ​ຈາກ​
ທາງ​ລັດຖະບານ​ກຸງ​ປັກ​ກິ​ງ​ໄດ້ຮັບ​ຮູ້​ສະພາ​ປົກຄອງ​ໄລຍະ​ຂ້າມ​ຜ່ານ​ແຫ່ງ​ຊາດລີ​ເບຍ​
ຫລື NTC ຢ່າງ​ເປັນ​ທາງການ​ແລ້ວ.

ກະຊວງ​ການ​ຕ່າງປະ​ເທດ​ຈີນ​ກ່າວ​ວ່າ ອໍານາດ​ປົກຄອງ​ຊົ່ວຄາວ​ຍັງໄດ້​ຊຸກຍູ້​ໃຫ້​ຈີນ​ ເຂົ້າ​ປະກອບສ່ວນ​ໃນ​ການ​ບູລະນະ​ສ້າງສາ​ລີເບຍ​ຄືນ​ໃໝ່​ແລະ​ໃຫ້​ຄໍາ​ໝັ້ນ​ສັນຍາ​ທີ່​ຈະ​ສົ່ງ​ເສີມ​ການ​ພັດທະນາ​ສາຍ​ພົວພັນ​ສອງຝ່າຍ ຕໍ່​ໄປ.

ທ່ານ​ນາງ Jiang Yu ​ໂຄສົກ​ຈີນ ກ່າວ​ໃນ​ວັນ​ອັງຄານ​ມື້​ນີ້​ວ່າ ນອກ​ນັ້ນ ສະພາ NTC ຍັງ​ໄດ້​ຕົກລົງທີ່​ຈະ​ປະຕິບັດ​ນະ​ໂຍບາຍ ຈີນ​ດຽວ ນໍາ.

ໃນ​ວັນ​ຈັນ​ວານ​ນີ້ ຈີນ​ໄດ້​ກາຍ​ເປັນ​ປະ​ເທດ​ສຸດ​ທ້າຍ​ໃນ​ບັນດາ 5 ປະ​ເທດ​ສະມາຊິກ​ຖາວອນ​ ຂອງ​ສະພາ​ຄວາມ​ໝັ້ນຄົງ​ສະຫະ​ປະຊາຊາດ ທີ່ຮັບ​ຮູ້​ NTC ເປັນ​ລັດຖະບານ​ທີ່​ຖືກຕ້ອງ​ຊອບ​ທໍາ​ຂອງລີ​ເບຍ. ບັນດາ ​ສະມາຊິກ​ NTC ​ໄດ້​ກ່າວ​ເຕືອນ​ກ່ອນ​ໜ້ານີ້ວ່າ ການ​ລົງທຶນ​ຢ່າງ​ມະຫາ ສານ​ຂອງ​ຈີນ​ໃນ​ລີ​ເບຍ​ ສາມາດ​ໄດ້​ຮັບຄວາ​ມ​ເສຍ​ຫາຍ​ໄດ້​ ຍ້ອນ​ຄວາມ​ຊັກ​ຊ້າ​ຂອງ​ຈີນ​ໃນ​ການ​ໃຫ້ການ​ສະໜັບສະໜຸນ​ການ​ລຸກ​ຮື​ຂຶ້ນ​ຕໍ່ຕ້ານທ່ານ ​ມວມມາ​ກາດ​ດາ​ຟີ ອະດີດ​ຜູ້ນໍາລີ​ເບຍ​ນັ້ນ.

XS
SM
MD
LG