ພວກກະບົດລີເບຍທີ່ກໍາລັງທໍາການຕໍ່ສູ້ເພື່ອໂຄ່ນລົ້ມລັດຖະ
ບານ Moammar Gadhafi ກ່າວວ່າ ຜູ້ຕາງໜ້າທ່ານ
ກາດດາຟີທ່ານນຶ່ງໄດ້ສະເໜີໃຫ້ມີການໂອ້ລົມສົນທະນາ
ກັນກັບຄະນະນໍາພາຂອງພວກກະບົດ ແຕ່ຄໍາສະເໜີທີ່
ວ່ານີ້ໄດ້ຖືກປະຕິເສດໄປ.
ໂຄສົກຂອງຝ່າຍກະບົດກ່າວໃນວັນອັງຄານມື້ນີ້ວ່າ ໄດ້
ມີການສະເໜີທີ່ວ່ານີ້ ແຕ່ກ່າວວ່າ ພວກກະບົດຈະບໍ່ທໍາ
ການເຈລະຈາໃດໆກັບທ່ານກາດດາຟີ. ບັນດາຜູ້ຕາງໜ້າ
ຂອງທ່ານດາດດາຟີໄດ້ບໍ່ໄດ້ໃຫ້ຄວາມເຫັນໃດໆກ່ຽວກັບເລື່ອງນີ້.
ໃນວັນຈັນວານນີ້ ພວກສະມາຊິກສະພາປົກຄອງພາຍໃຕ້ ການນໍາພາຂອງພວກກະບົດໃນ
ເມືອງ Benghazi ໄດ້ປະຕິເສດຕໍ່ຄໍາຮຽກຮ້ອງເພື່ອໃຫ້ມີການໂອ້ລົມສົນທະນາກັນໂດຍອະ
ດີດນາຍົກລັດຖະມົນຕີ Jadallah al-Talhi ຊຶ່ງພວກກະບົດກ່າວວ່າ ຈະບໍ່ມີການເຈລະຈາ
ສັນຕິພາບໃດໆທີ່ເປັນໄປໄດ້ ນອກຈາກວ່າທ່ານກາດດາຟີຈະລາອອກຈາກຕໍາແໜ່ງເທົ່ານັ້ນ.
ໃນຄໍາຮຽກຮ້ອງທີ່ອອກອາກາດທາງໂທລະພາບແຫ່ງລັດນັ້ນ ທ່ານ Talhi ຊຶ່ງເຄີຍເປັນເອກ
ອັກຄະລັດຖະທູດລີເບຍປະຈໍາອົງການສະຫະປະຊາຊາດໃນປີ 2008 ນັ້ນ ຮຽກຮ້ອງຕໍ່ພວກ
ກະບົດໃຫ້ທໍາການເຈລະຈາກັນເພື່ອຈະແກ້ໄຂວິກິດການແລະຊ່ອຍຢຸດການນອງເລືອດກັນນັ້ນ.
ກໍາລັງທີ່ນິຍົມທ່ານກາດດາຟີສືບຕໍ່ທໍາການໂຈມຕີໂຕ້ຕອບຕໍ່ພວກກະບົດໃນວັນອັງຄານມື້ນີ້
ຊຶ່ງໄດ້ທໍາການໂຈມຕີທາງອາກາດຢ່າງນ້ອຍນຶ່ງບັ້ນໃສ່ເມືອງທ່ານໍ້າມັນ Ras Lanuf ຫລັງ
ຈາກໄດ້ທໍາການໂຈມຕີຫລາຍບັ້ນໃນມື້ກ່ອນນັ້ນ.
ພວກທີ່ຈົງຮັກພັກດີຕໍ່ທ່ານກາດດາຟີ ໄດ້ພະຍາຍາມທີ່ຈະປ້ອງກັນບໍ່ໃຫ້ພວກກະບົດທໍາ
ຄວາມຄືບໜ້າຕໍ່ໄປຍັງນະຄອນຫລວງຕຣີໂປລີນັ້ນ.