ລິ້ງ ສຳຫລັບເຂົ້າຫາ

ວັນພຸດ, ໒໙ ພຶດສະພາ ໒໐໒໔

ເນໂຕ ຄວບຄຸມການໂຈມຕີ ທາງອາກາດ ທຸກຢ່າງໃນລີເບຍ


ທ່ານ Anders Fogh Rasmussen ເລຂາທິການໃຫຍ່ກຸ່ມ ເນໂຕ ກ່າວຕໍ່ສື່ມວນຊົນທີ່ທໍານຽບລັດຖະບານ ທີ່ກຸງ Stockholm ປະເທດ Sweden ວັນທີ 31 ມີນາ 2011
ທ່ານ Anders Fogh Rasmussen ເລຂາທິການໃຫຍ່ກຸ່ມ ເນໂຕ ກ່າວຕໍ່ສື່ມວນຊົນທີ່ທໍານຽບລັດຖະບານ ທີ່ກຸງ Stockholm ປະເທດ Sweden ວັນທີ 31 ມີນາ 2011



















ກຸ່ມ​ NATO ​ໄດ້ເຂົ້າ​ຄວບ​ຄຸມ​ໂດຍ​ເຕັມ​ແລ້ວ​ໃນ​ການ​ປະຕິບັດ​ງານ​ການ​ໂຈມ​ຕີ​ທາງ​ອາກາດ​ເໜືອ​ລີ​ເບຍ ​ໂດຍ​ຮັບ​ພາລະກິດ​ຈາກ​ສະຫະລັດ ຊຶ່ງ​ໄດ້ເອົາ​ບົດບາດ​ການ​ນໍາພາ​ມາ​ຕັ້ງ​ແຕ່​ພວກ​ກໍາລັງ​ນາໆ​ຊາດ​ໄດ້​ເລີ້ມ​ຈັດ​ຕັ້ງ​ປະຕິບັດ​ເຂດ​ຫ້າມ​ການບິນ​ ໃນ​ວັນ​ທີ 19 ​ເດືອນ​ນີ້.

ທ່ານ Anders Fogh Rasmussen ​ເລຂາທິການ​ໃຫຍ່​ກຸ່ມ​ເນ​ໂຕ ກ່າວ​ວ່າ ການ​ມອບ​ໂອນ​ພາລະກິດ​ທີ່​ວ່າ​ນີ້ ​ແມ່ນ​ເສັດ​ສິ້ນ​ລົງ​ໃນ​ວັນ​ພະຫັດ​ມື້​ນີ້. ການ​ປະຕິບັດ​ງານ​ຂອງ​ກຸ່ມ​ເນ​ໂຕ້​ທີ່​ເອີ້ນ​ວ່າ Unified Protector ຫລື​ຜູ້​ປ້ອງ​ກັນເອກະ​ພາບ ​ແມ່ນ​ຮວມທັງ​ການຈັດ​ຕັ້ງ​ປະຕິ
ບັດ​ມະຕິ​ການ​ຫ້າມ​ບິນ ​ຂອງ​ສະພາ​ຄວາມ​ໜັ້ນຄົງ​ສະຫະ​ປະຊາ​ຊາດທີ່​ມອບ​ໝາຍ​ອໍານາດໃຫ້​
ໃນ​ການຈັດ​ຕັ້ງ​ປະຕິບັດ​ເຂດ​ຫ້າມ​ການບິນ ພ້ອມກັບການ​ຫ້າມ​ການ​ສົ່ງ​ອາວຸດ​ແລະ​ການ​ໂຈມ​
ຕີ​ທາງ​ອາກາດ​ເພື່ອປົກ​ປ້ອງ​ພວກ​ພົນລະ​ເຮືອນ​ນັ້ນ.

ໃນ​ຂະນະ​ດຽວ​ກັນ ລາຍ​ງານ​ສື່​ມວນ​ຊົນ​ສະຫະລັດ​ກ່າວ​ວ່າ ອົງການ​ສືບ​ລັບ CIA ຂອງ​ສະ
ຫະລັດ​ໄດ້​ສົ່ງພວກ​ນັກ​ສືບ​ລັບ​ຫລາຍ​ທີ​ມ​ເຂົ້າ​ໄປ​ຍັງ​ລີ​ເບຍເພື່ອໄປເກັບ​ກໍາ​ເອົາ​ຂ່າວ​ລັບ​ແລະ​
ທໍາ​ການຕິດ​ຕໍ່​ພົວພັນ​ກັບ​ພວກກໍາລັງ​ຕໍ່ຕ້ານ​ທ່ານ​ກາດ​ດາ​ຟີ​ນັ້ນ. ລາຍ​ງານ​ສື່​ມວນ​ຊົນ​ທີ່​ວ່າ
ນີ້​ໄດ້​ອ້າງຄຳເວົ້າຂອງພວກ​ເຈົ້າ​ໜ້າ​ທີ່​ທີ່​ກ່າວ​ວ່າ ພວກ​ນັກ​ສືບ​ລັບ​ເຫລົ່າ​ນີ້ຈະ​ເຂົ້າໄປເບິ່ງວ່າ
ພວກກະບົດເຫຼົ່ານີ້ເປັນໃຜແລະ​ຄວາມ​ສາມາດ​ຂອງ​ກໍາລັງ​ຝ່າຍ​ກະບົດ ກ່ອນ​ພວກ​ພັນທະ​ມິດ
ຕ່າງປະ​ເທດ​ຈະພິຈາລະນາ​ໃຫ້ການ​ຊ່ອຍ​ເຫລືອ​ທາງ​ດ້ານ​ທະຫານ​ໂດຍ​ກົງ​ແກ່ພວກ​ເຂົາ​ເຈົ້າ​ໄດ້.

ແຫ​ລ່ງຂ່າວ​ອັງກິດ​ກ່າວ​ຕໍ່​ໜັງສືພິມ New York Times ວ່າ​ໜ່ວຍ​ລົບພິ​ເສດ​ແລະ​ເຈົ້າ​ໜ້າ​ທີ່
ຝ່າຍສືບ​ລັບ​ຂອງ​ອັງກິດ​ກໍ​ຢູ່​ໃນລີ​ເບຍ​ເຊ່ນ​ກັນ.

ທີ່​ກຸງ​ວໍ​ຊິງ​ຕັນ ທໍານຽບຂ່າວ​ກ່າວ​ຊໍ້າ​ອີກ​ວ່າ ສະຫະລັດ​ຍັງ​ບໍ່​ທັນ​ໄດ້​ຕັດສິນ​ໃຈ​ເທື່ອ​ວ່າ ຈະ​ສົ່ງ
ອາວຸດ​ໃຫ້​ພວກ​ກະບົດ​ໃນ​ລີ​ເບຍຫລື​ບໍ. ຖ້ອຍ​ຖະແຫລ​ງຂອງ​ທໍານຽບຂາວນຳອອກເຜີຍແຜ່
ທ່າມກາງ​ທີ່​ມີ​ລາຍ​ງານ​ວ່າ ປະທານາທິບໍດີ ບາຣັກ​ໂອ​ບາ​ມາ ​ໄດ້​ໃຫ້ການອະນຸມັດຕໍ່ການປະ
ຕິບັດງານລັບເພື່ອ​ໃຫ້ການ​ສະໜັບສະໜຸນ​ແກ່​ພວກ​ກະບົດຕໍ່ຕ້ານ​ລັດຖະບານ​ລີ​ເບຍ​ນັ້ນ.

XS
SM
MD
LG