ລິ້ງ ສຳຫລັບເຂົ້າຫາ

ວັນພຸດ, ໑໗ ເມສາ ໒໐໒໔

ກໍາລັງຝ່າຍກະບົດລີເບຍ ຫຍັບເຂົ້າໃກ້ເມືອງ Sirte ຫລາຍຂຶ້ນ (ເບິ່ງຮູບສະລາຍດ໌)


ທີ່ດ່ານກວດກາແຫ່ງນຶ່ງຂອງຝ່າຍກະບົດ ໄກຈາກເມືອງ Sirte ,ລີເບຍ 160 ຫລັກກິໂລແມັດ.
ວັນທີ 28 ສິງຫາ 2011.
ທີ່ດ່ານກວດກາແຫ່ງນຶ່ງຂອງຝ່າຍກະບົດ ໄກຈາກເມືອງ Sirte ,ລີເບຍ 160 ຫລັກກິໂລແມັດ. ວັນທີ 28 ສິງຫາ 2011.

ກໍາລັງ​ຂອງ​ຝ່າຍຕໍ່ຕ້ານ​ ພວມ​ຫຍັບ​ເຂົ້າ​ໃກ້​ ​ເມືອງ Sirte ບ້ານ​ເກີດ​ເມືອງ​ນອນ​ຂອງ
ທ່ານ​ມວມມາ​ກາດ​ດາ​ຟີ ​ຫລາຍ​ຂຶ້ນ ໃນ​ຂະນະ​ທ່ີ​ພວກ​ເຂົາ​ເຈົ້າ​ສືບ​ຕໍ່​ຊອກ​ຫາ​ຜູ້ນໍາ​ລີ​
ເບຍ​ທີ່​ກໍາລັງ​ຕໍ່ສູ້​ເອົາ​ໂຕ​ລອດນັ້ນ ຫລັງ​ຈາກໄດ້ເຂົ້າ​ຄວບ​ຄຸມ​ນະຄອນຫລວງ​ຂອງ​ປະ
ເທດເລ້​ວ.

ພວກ​ຜູ້​ບັນຊາ​ການ​ຝ່າຍ​ກະບົດ​ໃນ​ເມືອງ Misrata ກ່າວ​ວ່າ ​ພວກ​ກໍາລັງ​ຂອງ​ຝ່າຍ​ຄ້ານ
ທີ່​ພວມ​ຄືບ​ໜ້າ​ເຂົ້າ​ໄປຫາ​ເມືອງ Sirte ຈາກທິດຕາ​ເວັນ​ຕົກ​ໄດ້​ເຄື່ອນ​ເຂົ້າ​ໄປ​ວົງ​ລັດ​ສະ
ໝີ 30 ຫລັກ​ກິ​ໂລ​ແມັດ​ຈາກ​ເມືອງ​ແຄມ​ທະ​ເລດັ່ງກ່າວ ຊຶ່ງ​ຕັ້ງ​ຢູ່​ຫ່າງ​ຈາກ​ກຸງ​ຕຣີ​ໂປ​ລີ​ໄປ
ທາງ​ທິດຕາ​ເວັນ​ອອກ 450 ຫລັກ​ກິ​ໂລ​ແມັດ. ​ໂຄສົກ​ຝ່າຍ​ຄ້ານ​ທ່ານ​ນຶ່ງ​ກ່າວ​ໃນ​ວັນ​ອາ
ທິດ​ວານ​ນີ້​ວ່າ ກໍາລັງ​ຝ່າຍ​ຕໍ່ຕ້ານ​ລັດຖະບານ​ຈະ​ຍຶດ​ເອົາ​ເມືອງ Sirte ດ້ວຍ​ກໍາລັງ ​ຖ້າ​
ຫາກ​ການ​ເຈລະຈາ​ກັນ​ກັບ​ພວກ​ຜູ້​ນໍາ​ຊົນ​ເຜົ່າເພື່ອໃຫ້​ຍອມ​ຈໍານົນ​ນັ້ນບໍ່​ໄດ້​ຮັບ​ຜົນ​ສໍາ​ເລັດ​.

ທ່ານ​ກາດ​ດາ​ຟີ​ໄດ້​ຫາຍ​ໂຕ​ໄປ​ນັບ​ແຕ່​ພວກ​ນັກ​ຕໍ່ສູ້​ຝ່າຍ​ກະບົດ​ຍຶດ​ເອົາ​ກຸງ​ຕຣີ​ໂປ​ລີ ​ແລະ​ຂົງ​ເຂດ​ເມືອງ Sirte ຖື​ວ່າ​ເປັນ​ເຂດ​ນຶ່ງ​ທ່ີ​ທ່ານ​ກາດ​ດາ​ຟີ​ ອາດໄດ້​ຫລົບໜີ​ໄປ​ລີ້​ຊ່ອນ​ຢູ່​.

ທ່ານ Mustafa Jalil ຫົວໜ້າ​ສະພາໄ​ລຍະ​ຂ້າມ​ຜ່ານ​ແຫ່ງ​ຊາດຂອງ​ຝ່າຍ​ກະບົດ ກ່າວ​ໃນ
ວັນ​ຈັນ​ມື້​ນີ້​ວ່າ ທ່ານ​ກາດ​ດາ​ຟີ​ຍັງ​ສືບ​ຕໍ່​ເປັນ​ໄພ​ຂົ່ມຂູ່​ຕໍ່​ລີ​ເບຍ​ແລະ​ຕໍ່​ໂລກ. ພ້ອມ​ດຽວ​ກັນ
ທ່ານ Jalil ຍັງໄດ້ຮຽກຮ້ອງ​ຂໍການ​ຊ່ອຍ​ເຫລືອ​ຕໍ່​ໄປ​ຈາກ​ກຸ່ມ​ເນ​ໂຕ້ ທີ່​ໄດ້ທໍາການ​ໂຈມ​ຕີ
ທາງ​ອາກາດຕໍ່ພວກ​ກກໍາລັງ​ນິຍົມ​ທ່ານ​ກາດ​ດາ​ຟີມາ​ຕັ້ງ​ແຕ່​ເດືອນ​ມີນາ​ເປັນ​ຕົ້ນ​ມາ ພາຍ
ໃຕ້​ຄໍາ​ສັ່ງ​ຂອງ​ສະຫະ​ປະຊາ​ຊາດ​ເພື່ອ​ປົກ​ປ້ອງ​ພວກ​ພົນລະ​ເຮືອນ. ຖ້ອຍ​ຖະ​ແຫລ​ງຂອງ​
ທ່ານ Jalil ມີ​ຂຶ້ນ​ໃນ​ຂະນະ​ທີ່​ພວກ​ເຈົ້າ​ໜ້າ​ທີ່ປ້ອງ​ກັນ​ປະ​ເທດ ຈາກ​ພວກ​ປະ​ເທດ​ຕ່າງໆ​
ທີ່​ພົວພັນ​ໃນ​ດ້ານ​ທະຫານ​ໃນ​ລີ​ເບຍ ​ພົບ​ປະຫາລືກັນ​ຢູ່ທີ່​ປະ​ເທດ Qatar.

XS
SM
MD
LG