ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ເນໂຕ້ໂຈມຕີ ບໍລິເວນບ້ານພັກ ຂອງກາດດາຟີ


ພວກສະໜັບສະໜຸນກາດດາຟີ ສໍາຫລວດເບິ່ງຄວາມເສຍຫາຍ ຈາກການໂຈມຕີທາງອາກາດ ໃນເຂດບໍລິເວນບ້ານພັກຂອງກາດດາຟີ
ໃນກຸງຕຣີໂປລີ ລິເບຍ ວັນທີ 25 ເມສາ 2011
ພວກສະໜັບສະໜຸນກາດດາຟີ ສໍາຫລວດເບິ່ງຄວາມເສຍຫາຍ ຈາກການໂຈມຕີທາງອາກາດ ໃນເຂດບໍລິເວນບ້ານພັກຂອງກາດດາຟີ ໃນກຸງຕຣີໂປລີ ລິເບຍ ວັນທີ 25 ເມສາ 2011

ການ​ໂຈມ​ຕີ​ທາງ​ອາກາດທີ່ສົງ​ໄສ​ວ່າ​ແມ່ນ​ຂອງ​ກຸ່​ມ​ເນ​ໂຕ້​ ໃສ່​
ບໍລິ​ເວນເຂດ​ຢູ່​ອາໄສຂອງທ່ານ​ມວມມາ​ກາ​ດາ​ຟີ ຜູ້​ນໍາລີ​ເບຍ​
ໃນ​ນະຄອນຫລວງ​ກຸງ Tripoli ​ໄດ້ທໍາລາຍ​ຕຶກ​ອາຄານ​ຢ່າງ​
ນ້ອຍຫລັງ​ນຶ່ງ.

ເຈົ້າ​ໜ້າ​ທີ່​ລີ​ເບຍ​ທ່ານນຶ່ງກ່າວ​ວ່າ ປະຊາຊົນ 45 ຄົນ​ໄດ້​ຮັບ
ບາດ​ເຈັບ​ຍ້ອນ​ການ​ໂຈມ​ຕີ​ດັ່ງກ່າວ​ໃນ​ເຊົ້າ​ວັນ​ຈັນ​ມື້​ນີ້ ​ແລະ​
ວ່າ​ມີ​ປະຊາຊົນ​ອື່ນໆຫລາຍ​ຄົນ​ຍັງຫາຍ​ສາບ​ສູນຢູ່.​ທະຫານ
ຍາມ​ຄົນ​ນຶ່ງ​ໃນ​ສະຖານ​ທີ່​ດັ່ງກ່າວເວົ້າ​ວ່າ ມີພຽງ​ແຕ່ 4 ຄົນ​
ເທົ່າ​ນັ້ນ​ໄດ້​ຮັບ​ບາດ​ເຈັບ.

ທາງ​ການ​ລີ​ເບຍ​ກ່າວ​ວ່າ ຕຶກ​ຫລັງ​ທີ່ຖືກ​ທໍາລາຍນັ້ນ ​ແມ່ນ​ໃຊ້ສໍາລັບການ​ປະຊຸມ​ຂອງ​ພວກກະຊວງ ​ຫລື​ການ​ປະຊຸມ​ອື່ນໆ.

ສະຖານີ​ໂທລະພາບ​ແຫ່ງ​ຊາດ 3 ຊ່ອງ​ຂອງ​ລີ​ເບຍ​ໄດ້ເຊົາອອກ​ອາກາດ​ ເປັນ​ເວລາ​ສັ້ນໆ​ ຫລັງ​ຈາກ​ການລະ​ເບີດຢ່າງ​ແຮງ ​ໃນ​ໃຈກາງ​ກຸງTripoli ​ນັ້ນ.

ບໍ່​ເປັນ​ທີ່​ຈະ​ແຈ້ງ​ວ່າ ທ່ານ​ກາດ​ດາ​ຟີ​ຢູ່​ໃສ​ເວລາ​ການ​ໂຈມ​ຕີ​ເກີດຂຶ້ນ​ນັ້ນ. ການ​ໂຈມ​ຕີ​ດັ່ງກ່າວ​ມີ​ຂຶ້ນ​ໃນ​ເວລາ 1 ມື້ ຫລັງ​ຈາກ​ພວກ​ທະຫານ​ຂອງ​ຝ່າຍ​ລັດຖະບານ​ລະດົມຍິງ​ຈະ​ຫລວດ​ໃສ່​ເມືອງ Misrata ທີ່ຢູ່​ພາຍ​ໃຕ້ການ​ຄວບ​ຄຸມ​ຂອງ​ຝ່າຍ​ກະບົດ​ໃນ​ພາກ​ຕາ​ເວັນ​ຕົກ​ຂອງ​ລີ​ເບຍ​.
ພວກ​ກໍາລັງ​ທີ່ນິຍົມທ່ານ​ກາດ​ດາ​ຟີ​ໄດ້​ທໍາ​ການ​ບຸກ​ໂຈມ​ຕີ​ເຖິງ​ແມ່ນ​ລັດຖະບານ​ອ້າງ​ວ່າ ຕົນ​ໄດ້​ຢຸດ​ການ​ປະຕິບັດ​ງານ​ທາງ​ທະຫານ​ຕ້ານພວກ​ນັກ​ຕໍ່ສູ້​ຂອງ​ຝ່າຍ​ກະບົດ​ຢູ່​ທີ່​ນັ້ນ.

ການ​ຍິງ​ລະດົມ​ແລະ​ການ​ຍິງ​ປືນ​ຕໍ່ສູ້​ກັນ​ໃນ​ເມືອງ Misrata ​ໄດ້​ເຮັດໃຫ້​ປະຊາຊົນ​ຫລາຍ​ຮ້ອຍ
ຄົນ​ເສຍ​ຊີວິດ​ ໃນ​ລະຫວ່າງ​ການ​ປິດ​ລ້ອມຂອງລັດຖະບານ​ຢ່າງ​ນອງ​ເລືອດ​ກັນ​ມາ​ເປັນ​ເວລາ
2 ​ເດືອນ. ພວກ​ນາຍ​ແພດ​ກ່າວ​ວ່າ ປະຊາຊົນ​ຢ່າງ​ໜ້ອຍ 32 ຄົນ​ເສຍ​ຊີວິດ​ໃນ​ການ​ສູ້​ລົບ​
ກັນນັບ​ແຕ່​ວັນ​ເສົາ​ຜ່ານ​ມາ​ນີ້.

XS
SM
MD
LG