ລິ້ງ ສຳຫລັບເຂົ້າຫາ

ທ່ານກາດດາຟີ ຮຽກຮ້ອງ ໃຫ້ກວດລ້າງ ພວກກະບົດ ຈາກກຸງຕຣີໂປລີ

  • ສິງ ບູຣົມມະວົງ

ທ່ານມວມມາ ກາດດາຟີ ຜູ້ນໍາລີເບຍ ວັນທີ 23 ສິງຫາ 2011

ທ່ານ​ມວມມາ​ກາດ​ດາ​ຟີ ຜູ້​ນໍາ​ລີ​ເບຍ​ຮຽກຮ້ອງ​ໃຫ້​ປະຊາຊົນ​ໃນ​ກຸງ​ຕຣີ​ໂປ​ລີ ທໍາ​ການ
ກວດ​ລ້າງ​ພວກ​ກະບົດ​ອອກ​ຈາກ​ໂຕ​ເມືອງ ຫລັງ​ຈາກ​ພວກ​ນັກ​ຕໍ່ສູ້​ຝ່າຍ​ຄ້ານ​ເຂົ້າ​ຍຶດ
ບໍລິ​ເວນ​ບ້ານ​ພັກ​ຂອງ​ທ່ານ ​ແລະ​ພາກັນ​ຍຶດ​ເອົາ​ອາວຸດ​ຍຸດ​ໂທ​ປະກອນ ​ໂທລະພາບ ​
ແລະ​ຂອງ​ທີ່​ລະ​ລຶກຈາກ​ບໍລິ​ເວນ​ດັ່ງກ່າວ.

ໃນ​ການຖະແຫຼງທີ່​ອອກ​ອາກາດ​ໃນ​ວັນ​ພຸດ​ມື້​ນີ້ ທ່ານ​ກາດ​ດາ​ຟີ​ຍັງ​ກ່າວ​ຕື່ມ​ວ່າ ທ່ານ
ໄດ້​ອອກ​ຈາກ​ບໍລິ​ເວນ​ດັ່ງກ່າວ​ໃນ​ກຸງ​ຕຣີ​ໂປ​ລີໄປຢ່າງ​ລັບໆ​ໂດຍ​ບໍ່​ມີ​ຜູ້​ຄົນ​ເຫັນ ​ແຕ່​ທ່ານ
ບໍ່​ໄດ້​ບອກ​ໃຫ້​ຮູ້​ວ່າ​ເວລາ​ໃດ.

ໂທລະພາບ​ຊ່ອງ​ນຶ່ງ​ທີ່ນິຍົມ​ລັດຖະບານ​ ອ້າງ​ຄໍາ​ເວົ້າ​ຂອງ​ທ່ານ​ກາດດາ​ຟີ​ກ່ອນ​ໜ້າ​ນີ້​ວ່າ
ທ່ານ​ໄດ້​ຖອຍ​ອອກ​ຈາກ​ບໍລິ​ເວນ Bab al-Aziziya ​ໃນ​ການ​ເຄື່ອນ​ໄຫວ​ດ້ານ​ກົນລະ
ຍຸດ ຫຼັງ​ຈາກ​ພວກ​ເຮືອບິນ​ກຸ່ມ​ເນ​ໂຕ້​ຫລາຍ​ສິບ​ລໍາ​ທໍາ​ການ​ໂຈມ​ຕີ​ສະຖານ​ທີ່​ດັ່ງກ່າວ​ນັ້ນ
ໂທລະ​ພາບ Al-Rai ​ແຈ້ງ​ໃຫ້​ຊາບ​ໃນ​ວັນ​ພຸດ​ມື້​ນີ້​ວ່າ ທ່ານ​ກາດ​ດາ​ຟີ​ໄດ້​ກ່າວ​ປາ​ໄສ​ຕໍ່​ປະ
ຊາຊົນ​ລີ​ເບຍ​ທີ່​ສະຖານີ​ວິທະຍຸ​ທ້ອງ​ຖິ່ນ​ແຫ່ງ​ນຶ່ງ ​ໂດຍ​ເວົ້າ​ວ່າ ທ່ານ​ໄດ້​ສະລະ​ຊີວິດ​ເພື່ອ​
ຊາດ ຫລື​ໄຊຊະນະ​ໃນ​ການ​ຕໍ່ສູ້​ອັນ​ທີ່​ທ່ານ​ເອີ້ນວ່າ ການ​ຮຸກ​ຮານ​ຂອງ​ກຸ່ມ​ເນ​ໂຕ້​ນັ້ນ.

ພວກ​ຊາວ​ເມືອງ​ໃນ​ກຸງ​ຕຣີ​ໂປ​ລີ​ໄດ້​ພາກັນ​ສະ​ເຫລີ​ມສະຫລອງ​ໃນ​ເຊົ້າ​ວັນ​ພຸດ​ມື້​ນີ້ ຫລັງ​
ຈາກ​ພວກ​ກະບົດ​ໄດ້​ບຸກ​ເຂົ້າ​ໄປ​ໃນ​ບໍລິ​ເວນ​ບ້ານ​ພັກ Bab al-Aziziya ຂອງ​ທ່ານ​ກາດ​
ດາ​ຟີ ​ເຖິງ​ແມ່ນ​ບໍ່​ເຫັນ​ຮ່ອງຮອຍໃດໆຂອງຜູ້​ນໍາ​ທີ່​ກໍາລັງ​ທໍາ​ການ​ຕໍ່ສູ້​ເພື່ອ​ເອົາ​ຊີວິດ​
ລອດ​ຫລື​ຄອບຄົວ​ຂອງ​ທ່ານ​ກໍ​ຕາມ.

ການ​ບຸກ​ເຂົ້າໄປ​ໄດ້​ມີ​ຂຶ້ນ​ຫລັງ​ຈາກ​ທໍາ​ການ​ສູ້​ລົບ​ມາ​ເປັນ​ເວລາ 3 ມື້​ໃນ​ກຸງ​ຕຣີ​ໂປ​ລີ ທີ່​
ທ່ານ Mustafa Abdel Jalil ຫົວໜ້າ​ສະພາ​ປົກຄອງ​ຊາດ​ລະຍະ​ຂ້າມ​ຜ່ານ​ຂອງ​ຝ່າຍ
ກະບົດ ກ່າວ​ວ່າການ​ສູ້​ລົບດັ່ງກ່າວ​ໄດ້​ເອົາ​ຊີວິດ​ຜູ້​ຄົນ​ໄປ​ຫລາຍ​ກວ່າ 400 ຄົນ​ແລະ​ບາດ​
ເຈັບ​ອີກ 2000ຄົນ.​ແຕ່​ທ່ານ​ບໍ່​ໄດ້​ບອກ​ໃຫ້​ຮູ້​ຢ່າງ​ເຈາະ​ຈົງ​ກ່ຽວ​ກັບ​ວ່າ​ທ່ານ​ໄດ້​ເວົ້າ​ເຖິງ​
ຄວາມ​ເສຍ​ຫາຍ​ຈາກ​ທັງ​ສອງ​ຝ່າຍ​ຫລື​ບໍ​ນັ້ນ.

ທ່ານ Jalil ຍັງ​ໄດ້​ກ່າວ​ຕໍ່​ໂທລະພາບ France 24 ວ່າ​ພວກນັກ​ຕໍ່ສູ້​ນິຍົມ​ທ່ານ​ກາດ​ດາ​
ຟີ​ປະມານ 600 ຄົນ​ໄດ້​ຖືກ​ຈັບ​ກຸມ ​ແຕ່​ວ່າ ການ​ສູ້​ລົບ​ກັນ​ນີ້​ຈະ​ບໍ່​ສິ້ນ​ສຸດ​ລົງ​ຈົນ​ກວ່າ​ຜູ້​ນໍາ
ລີ​ເບຍ​ເອງ​ຖືກ​ຈັບ​ກຸມ​ເປັນຊະ​ເລີຍ​ເສິກ. ຫົວໜ້າ​ກອງທັບ​ຝ່າຍກະບົດຄົນ​ໃໝ່​ປະ​ຈໍາ​ກຸງ​
ຕຣີ​ໂປ​ລີ ທ່ານ Abdel-Hakim Belhaj ກ່າວ​ໃນ​ຕອນ​ແລງ​ວັນ​ອັງຄານ​ວານ​ນີ້ວ່າ ຂົງ​
ເຂດ​ນ້ອຍໆ​ແຫ່ງ​ນຶ່ງ​ໃນ​ບໍລິ​ເວນ​ບ້ານ​ພັກອັນ​ກວ້າງ​ໃຫຍ່ຂອງ​ທ່ານ​ກາດ​ດາ​ຟີ​ຍັງ​ຕົກ​ຢູ່​
ພາຍ​ໃຕ້​ການ​ຄວບ​ຄຸມຂອງ​ລັດຖະບານ​ຢູ່​.

ທ່ານ Mahmoud Jibril ນາຍົກລັດຖະມົນຕີຊົ່ວຄາວ​ຂອງ​ພວກ​ກະບົດກໍານົດ​ຈະ​ທໍາ​
ການ​ພົບ​ປະກັນ​ໃນ​ວັນ​ພຸດ​ມື້​ນີ້​ໃນ​ກຸງ​ປາຣີ ກັບ​ປະທານາທິບໍດີ​ຝຣັ່ງທ່ານ Nicolas
Zarkozy ຊຶ່ງ​ທໍານຽບປະທານາທິບໍດີ​ກ່າວ​ວ່າ ຜູ້​ນໍາ​ທັງ​ສອງ​ຈະ​ທໍາ​ການ​ໂອ້​ລົມ​ສົນ
ທະນາ​ກັນ​ເລື້ອງ​ສະຖານະ​ການ​ໃນ​ລີ​ເບຍ ​ແລະ​ຄວາມ​ພະຍາຍາມ​ຂອງ​ນາໆ​ຊາດ​ເພື່ອ
ໃຫ້ການ​ສະໜັບສະ​ໜຸນ​ໃນ​ການ​ໂອນ​ອໍານາດ​ດ້ານ​ການ​ເມືອງ​ນັ້ນ.

XS
SM
MD
LG