ພວກຜູ້ນໍາທະຫານບ້ານລີເບຍທີ່ຊ່ອຍໂຄ່ນລົ້ມມື້ລາງຈອມຜະເດັດການມວມມາກາດດາຟີ
ອອກຈາກອຳນາດໄປໃນການລຸກຮືຂຶ້ນໃນປີນີ້ ໄດ້ຮັບຕໍາແໜ່ງສູງສຸດໃນດ້ານຄວາມປອດ
ໄພ ໃນການແຕ່ງຕັ້ງຄະນະລັດຖະບານໃໝ່ໂດຍສະພາປົກຄອງແຫ່ງຊາດຊົ່ວຄາວນັ້ນ.
ທ່ານ Abdurrahim el-Keib ນາຍົກລັດຖະມົນຕີຮັກສາການຊົ່ວຄາວປະກາດຄະນະລັດ
ຖະບານໃໝ່ຂອງທ່ານໃຫ້ຮູ້ໃນກອງປະຊຸມນັກຂ່າວໃນແລງວັນອັງຄານວານນີ້ ຫລັງຈາກທໍາ
ການເຈລະຈາກັນມາເປັນເວລາຫລາຍສັບປະດາ. ທ່ານໄດ້ມອບຕໍາແໜ່ງລັດຖະມົນຕີປ້ອງ
ກັນປະເທດໃຫ້ທ່ານ Osama al-Juwali ຫົວໜ້າທະຫານບ້ານຈາກເມືອງ
Zintan ໃນພາກຕາເວັນຕົກຂອງປະເທດ ຊຶ່ງພວກກໍາລັງຂອງທ່ານໄດ້ຊ່ອຍຂັບໄລ່ກາດ
ດາຟີອອກຈາກກຸງຕຣີໂປລີ ໃນເດືອງສິງຫາຜ່ານມາແລະຈັບກຸມນາຍ Seif al-Islam
ລູກຊາຍຄົນນຶ່ງຂອງມື້ລາງກາດດາຟີໃນສັບປະດາຜ່ານມາໃນເຂດທະເລຊາຍໃນພາກໃຕ້
ຂອງປະເທດນັ້ນ.
ນາຍ Seif al-Islam ໄດ້ຖືກຄຸມຂັງຢູ່ໃນເມືອງ Zintan ເພື່ອລໍຖ້າການຈັດແຈງດໍາເນີນ
ຄະດີ. ພວກທະຫານບ້ານເມືອງ Zintan ໄດ້ກົດດັນໃຫ້ສະພາປົກຄອງປະເທດຊົ່ວຄາວ
ມອບຕໍາແໜ່ງລັດຖະມົນຕີປ້ອງກັນປະເທດທີ່ສຳຄັນນີ້ໃຫ້ທ່ານ Juwali.