ບັນດາເຈົ້າໜ້າທີ່ທະຫານຂອງລີເບຍກ່າວວ່າ ພວກຕົນຈັບໄດ້ລູກຊາຍຄົນນຶ່ງຂອງອະດີດ
ຜູ້ນໍາລີເບຍ ມວມມາ ກາດາຟີ ທີ່ຍັງຫລົບໜີຢູ່ພາຍໃນປະເທດນັ້ນໄດ້ແລ້ວ.
ໂຄສົກທະຫານຄົນນຶ່ງກ່າວໃນວັນເສົາມື້ນີ້ວ່າ ພວກທະຫານຈັບນາຍ Seif al-Islam
Gadhafi ໄດ້ ຢູ່ໃກ້ໆເມືອງ ໂອບາຣີ ທາງພາກໃຕ້ຂອງປະເທດໃກ້ກັບຊາຍແດນປະເທດ
ໄນເຈີ. ພວກເຈົ້າໜ້າທີ່ກ່າວວ່າ ເບິ່ງຄືວ່າ ພວກຜູ້ຊ່ອຍວຽກນາຍ Seif al-Islam
ກໍາລັງພະຍາຍາມຈະພາຜູ້ກ່ຽວໜີເຂົ້າໄປໄນເຈີ ທີ່ໄດ້ໃຫ້ການລີ້ໄພແກ່ແກ່ນາຍ Saa
di Gadhafi ລູກຊາຍອີກຄົນນື່ງຂອງກາດດາຟີນັ້ນແລ້ວ.
ປະທານາທິບໍດີໄນເຈີ ທ່ານ Mahamadou Issoufou ໄດ້ກ່າວໃນອາທິດແລ້ວນີ້ວ່າ ຍັງ
ບໍ່ທັນໄດ້ມີການຕັດສິນໃຈເທື່ອວ່າຈະເຮັດແນວໃດ ຖ້າຫາກວ່າ Seif al-Islam ເຂົ້າໄປຂໍ
ລີ້ໄພໃນປະເທດຂອງທ່ານ.
ສານອາຍານາໆຊາດ ຢາກເອົາຜູ້ກ່ຽວມາດໍາເນີນຄະດີໃນຂໍ້ຫາກໍ່ອາຊະຍາກໍາຕ້ານມະນຸດ
ຊາດ ໃນຖານໄດ້ຊ່ວຍນໍາພາການກວາດລ້າງປາບປາມການປະທ້ວງຂອງປະຊາຊົນໃນລະ
ຫວ່າງການປົກຄອງຂອງບິດາຂອງຜູ້ກ່ຽວນັ້ນ.
ໃນທ້າຍເດືອນແລ້ວນີ້ ໄອຍະການສານອາຍານາໆຊາດ ທ່ານ Luis Moreno-Ocampo
ໄດ້ກ່າວວ່າ ທາງສານໄດ້ທໍາການສົນທະນາກັບນາຍ Seif al-Islam ກ່ຽວກັບຄວາມເປັນ
ໄປໄດ້ ໃນການເຂົ້າມອບໂຕຂອງຜູ້ກ່ຽວ ແລະຮັບປະກັນວ່າຜູ້ກ່ຽວຈະໄດ້ຮັບການພິຈາລະ
ນາຄະດີຢ່າງຍຸດຕິທໍາ.
