ລິ້ງ ສຳຫລັບເຂົ້າຫາ

17 ຄົນເສຍຊີວິດໃນເມືອງ Misrata ທີ່ລີເບຍ

  • ສິງ ບູຣົມມະວົງ

ພວກກະບົດລີເບຍຫຸ້ມອ້ອມລົດຂອງພວກຕົນທີ່ທາງເຂົ້າທາງຕາເວັນ ຕົກຂອງເມືອງ Ajdabiya ຫລັງຈາກ ພວກກະບົດເຂົ້າຄວບຄຸມ ຂົງເຂດດັ່ງກ່າວຄືນໃນວັນທີ 17 ເມສາ , 2011

ການ​ລະດົມ​ຍິງ​ປືນ​ໃຫຍ່​ແລະ​ການ​ດັກ​ຍິງ​ໂດຍ​ພວກ​ກໍາລັງ​ທີ່​
ຈົງ​ຮັກ​ພັກດີ​ຕໍ່​ທ່ານ Moammar Gadhafi ຜູ້​ນໍາ​ລີ​ເບຍ​ໄດ້
ສັງຫານ​ປະຊາຊົນ​ໄປ 17 ຄົນ​ໃນ​ເມືອງ Misrata ​ໃນ​ພາກ
ຕາ​ເວັນ​ຕົກ​ຂອງ​ປະ​ເທດ​ໃນ​ວັນ​ອາທິດ​ວານ​ນີ້ ​ໃນ​ຂະນະ​ທີ່​
ການ​ໂຈມ​ຕີ​ດ້ວຍ​ຈະ​ຫລວດ​ແລະ​ປືນ​ໃຫຍ່​ໃສ່​ເມືອງ Ajdabi
ya ​ໃນ​ພາກ​ຕາ​ເວັນ​ອອກ​ຂອງ​ປະ​ເທດ​ໄດ້​ເຮັດ​ໃຫ້​ພວກນັກ
ຕໍ່ສູ້​ຝ່າຍ​ກະບົດ​ແລະ​ພວກ​ພົນລະ​ເຮືອນ​ຕ້ອງ​ອົບ​ພະຍົບຫລົບ
ໜີ​ຈາກ​ເມືອງ​ດັ່ງກ່າວ.

ທີ່​ເມືອງ Misrata ນັ້ນ ປະຊາຊົນ​ຢ່າງ​ນ້ອຍ 47 ຄົນ​ໄດ້
ຮັບ​ບາດ​ເຈັບ​ໃນ​ການ​ສູ້​ລົບ​ກັນ​ໃນ​ລະຫວ່າງ​ທີ່​ພວກກໍາລັງ
ນິຍົມທ່ານກາດ​ດາ​ຟີຍິງ​ປືນ​ໃສ່​ສູນຕູບ​ຜ້າ​ໃບ​ສໍາລັບປິ່ນປົວ
ພວກ​ຄົນ​ເຈັບ​ແຫ່ງ​ໜຶ່ງ, ເມືອງ​ດັ່ງກ່າວ​ໄດ້​ຢູ່​ພາຍ​ໃຕ້​ການ
ປິດລ້ອມຂອງ​ລັດຖະບານມາໄດ້ 7 ສັບປະດາ​ແລ້ວ ທີ່​ພາ
ໃຫ້​ເກີດ​ວິ​ກິດ​ການ​ດ້ານ​ມະນຸດສະ​ທໍາ​ຮ້າຍແຮງຂຶ້ນນັບມື້
ນັ້ນ. ​ເຊື່ອ​ກັນ​ວ່າ ພວກ​ພົນລະ​ເຮືອນ​ຫລາຍ​ຮ້ອຍ​ຄົນ​
ໄດ້​ເສຍ​ຊີວິດ​ຈາກ​ການ​ຕໍ່ສູ້​ກັນ​ແລະ​ຈາກ​ການ​ລະດົມ​ຍິງ​ປືນ​ໃຫຍ່​ໂຈມຕີຂອງລັດຖະບານນັ້ນ.

ໃນ​ເມືອງ Ajdabiya ການ​ຍິງປືນໃຫຍ່ໂຈມຕີໂດຍກໍາລັງ​ນີຍົມ​ທ່ານ​ກາດ​ດາ​ຟີ ​ໄດ້​ພາ​ໃຫ້​ພວກ​ຍວດ​ຍານພາຫະນະ​ທີ່ບັນທຸກ​ພວກ​ນັກຕໍສູ້ ແລະ​ພວກ​ພົນລະ​ເຮືອນອາສາ​ສະ​ໝັກມຸ້ງ​ໜ້າ​ໄປ​ທາງ​ທິດ​ເໜືອ​ໂດຍຜ່ານ​ພາຍຸ​ຂີ້​ຊາຍ​ໄປ​ສູ່​ທີ່​ໝັ້ນ​ຂອງ​ພວກ​ກະບົດ​ໃນ​ເມືອງ Bengazi. ພວກ​ກະບົດບາງ​ຄົນ​ຍັງ​ຄົງປະ​ຈໍາ​ຢູ່​ໃນ​ທີ່​ໝັ້ນ​ແຫ່ງ​ຕ່າງໆ​ໃນ​ເມືອງ Ajdabiya ນັ້ນ​ເພື່ອ​ປ້ອງ​ກັນ​ເມືອງ​ດັ່ງກ່າວ.

ການ​ຖອຍອອກຈາກເມືອງດັ່ງກ່າວ​ຂອງ​ພວກ​ກະບົດມີ​ຂຶ້ນ​ໃນ​ເວລາ 1 ມື້​ຫລັງ​ຈາກ​ພວກ​ກໍາ
ລັງ​ນິຍົມ​ທ່ານ​ກາດ​ດາ​ຟີບຸກຄວາມ​ຄືບ​ໜ້າ​ໄປ​ຍັງ​ເຂດ​ອ້ອມ​ແອ້ມ​ເມືອງ Brega ຊຶ່ງ​ເປັນ​ເມືອງ​
ທີ່​ມີໂຮງ​ກັ່ນ​ນໍ້າມັນ 80 ຫລັກ​ກິ​ໂລ​ແມັດໄປ​ທາງ​ທິດຕາ​ເວັນ​ຕົກ. ຢ່າງ​ນ້ອຍ​ພວກ​ກະບົດ 7
ຄົນ​ໄດ້​ເສຍ​ຊີວິດ ແລະ​ບາດ​ເຈັບ 27 ຄົນ​ໃນ​ວັນ​ເສົາ​ຜ່ານ​ມາ​ນີ້ ຕາມ​ຖະໜົນ​ແຄມຝັ່ງທະເລ
ສາຍ​ນຶ່ງ​ທີ່ເຊື່ອມ​ໂຍງ​ລະຫວ່າງ​ສອງ​ຫົວ​ເມືອງ.

XS
SM
MD
LG