ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ພວກກະບົດລີເບຍ ປະຕິເສດວ່າ ບໍ່ໄດ້ໂອ້ລົມ ກັບຜູ້ຕາງໜ້າ ຂອງທ່ານກາດດາຟີ


ທ່ານ Mustafa Abdel Jalil ຫົວໜ້າຝ່າຍກະບົດແລະເປັນປະທານ
ສະພາປົກຄອງຊາດໄລຍະຂ້າມຜ່ານ ຂອງລີເບຍ.
ວັນທີ 17 ສິງຫາ 2011
ທ່ານ Mustafa Abdel Jalil ຫົວໜ້າຝ່າຍກະບົດແລະເປັນປະທານ ສະພາປົກຄອງຊາດໄລຍະຂ້າມຜ່ານ ຂອງລີເບຍ. ວັນທີ 17 ສິງຫາ 2011

ພວກ​ກະບົດ​ລີ​ເບຍ​ປະຕິ​ເສດ​ຕໍ່​ການ​ກ່າວ​ອ້າງ​ທີ່​ວ່າ ​ພວກ​ຕົນ​ໄດ້​ທໍາ​ການໂອ້​ລົມ​ສົນທະ
ນາ​ກັນ​ກັບ​ພວກ​ຊ່ອຍ​ວຽກ​ທ່ານ​ມວມມາ​ກາດ​ດາ​ຟີ ຜູ້​ນໍາລີ​ເບຍ ​ໃນ​ຂະນະ​ທີ່​ພວກ​ເຂົາ
ເຈົ້າ​ໄດ້​ທໍາ​ຄວາມ​ຄືບ​ໜ້າ ​ໃນ​ຫວ່າງ​ໄວໆ​ມາ​ນີ້ ​ເພື່ອ​ກົດດັນໃຫ້​ລັດຖະບານ​ຂອງ​ທ່ານ
ອອກ​ຈາກ​ອໍານາດ​ໄປ​ນັ້ນ.

ຫົວໜ້າ​ສະພາ​ປົກຄອງ​ຊາດ​ໄລຍະ​ຂ້າມ​ຜ່ານ ທ່ານ Mustafa AbdelJalil ກ່າວ​ໃນ​
ວັນ​ອັງຄານ​ວານ​ນີ້​ວ່າ ບໍ່​ໄດ້​ມີ​ການ​ໂອ້​ລົມ​ສົນທະນາ​ກັນໂດຍ​ກົງ​ຫລື​ໂດຍ​ທາງ​ອ້ອມ​
ກັບ​ບັນດາ​ຜູ້ຕາງໜ້າ​ຂອງ​ທ່ານ​ກາດ​ດາ​ຟີແລະ​ວ່າການ​ໂອ້​ລົມ​ສົນທະນາ​ກັນ​ເຊ່ນ​ນີ້
ຈະ​ເປັນ​ເລື້ອງ​ທີ່​ບໍ່ຄາດຄິດກັນນອກຈາກ​ຜູ້​ນໍາ​ລີ​ເບຍ​ລາ​ອອກ​ຈາກ​ອໍານາດ​ເທົ່າ​ນັ້ນ.

ລາຍ​ງານ​ຂ່າວ​ຂອງ​ຝ່າຍ​ຕາ​ເວັນ​ຕົກ​ເຄີຍ​ແຈ້ງວ່າ ພວກ​ຜູ້ຊ່ອຍ​ວຽກ ​ທ່ານ​ກາດ​ດາ
ຟີ​ໄດ້​ພົບ​ປະ​ກັບ​ພວກ​ກະບົດ​ລີ​ເບຍ​ແລະ​ທູດ​ພິ​ເສດ​ຂອງ​ສະຫະ​ປະຊາ​ຊາດ ທ່ານ
Abdul Ilah al-Khatib ທີ່​ໂຮງ​ແຮມແຫ່ງ​ນຶ່ງ​ໃນ​ເກາະ Djerba ຂອງ​ຕູ​ນີ​ເຊຍ​ໃນ
ຕົ້ນ​ສັບປະດາ​ນີ້.

ທີ່​ກຸງ​ວໍ​ຊິງ​ຕັນ ​ໃນ​ວັນ​ອັງຄານ​ວານ​ນີ້ ບັນດາ​ເຈົ້າ​ໜ້າ​ທີ່​ສະຫະລັດ​ກ່າວ​ວ່າ ທ່ານ
ກາດ​ດາ​ຟີ​ແມ່ນ​ສືບ​ມື້​ຢູ່ ​ໃນ​ຂະນະ​ທີ່​ພວກ​ກະບົດ​ເຂົ້າ​ຍຶດ​ເອົາຫົວ​ເມືອງ​ສໍາຄັນໆ
ຫຼາຍໆແຫ່ງໃນ​ພາກ​ໃຕ້ ​ແລະ​ພາກ​ຕາ​ເວັນ​ຕົກ​ຂອງ​ນະຄອນຫລວງ​ຕຣີ​ໂປ​ລີ​ນັ້ນ.

ພວກ​ກະບົດ​ກ່າວ​ວ່າ ຕົນຄວບ​ຄຸມ​ເນື້ອ​ທີ່​ສ່ວນ​ຫລາຍ​ຂອງ​ເມືອງ Zawiya ເມືອງ​
ຍຸດ​ທະ​ສາດທີ່​ຕັ້ງ​ຢູ່​ຫ່າງ​ຈາກ​ຖານ​ອໍານາດ​ຂອງທ່ານ​ກາດ​ດາ​ຟີ​ໃນ​ກຸງ​ຕຣີ​ໂປ​ລີ​ໄປ
ທາງ​ກໍ້າ​ຕາ​ເວັນ​ຕົກ 50 ຫລັກ​ກິ​ໂລ​ແມັດ. ​ແຕ່​ບັນດາ​ເຈົ້າ​ໜ້າ​ທີ່​ລີ​ເບຍ​ປະຕິ​ເສດ​ຕໍ່
ການ​ກ່າວ​ອ້າງ​ທີ່​ວ່າ​ພວກກະບົດ​ໄດ້​ຄວບ​ຄຸມ​ເມືອງ​ດັ່ງ​ກ່າວ​ນີ້.

ພວກ​ນັກ​ຕໍ່ສູ້​ຝ່າຍ​ກະບົດ​ໄດ້​ເຂົ້າ​ໄປ​ໃນ​ເມືອງ Zawiya ​ໃນ​ສັບປະດາ​ຜ່ານ​ມາ ອັນ
ເປັນ​ການບຸກ​ເຂົ້າ​ໃກ້​ນະຄອນຫລວງ​ຫລາຍ​ທີ່​ສຸດ ນັບ​ແຕ່ໃນ​ສັບປະດາ​ຕົ້ນໆ​ຂອງ
ການ​ລຸກ​ຮື​ຂຶ້ນ​ຂອງ​ປະຊາຊົນ​ຕໍ່ຕ້ານ​ລັດຖະບານ ​ນັ້ນ.

XS
SM
MD
LG